الموضوع: طلب مساعدة لقضاء شهر عسل في تايلندااا

مساء الخيررر على الجميع
بعد اذنكم انا اول مره اروح لتايلندا وراح يكون ذهابي في شهر 6 ميلادي
لقضاء شهر العسل وراح يكون من 15 يوم
اريد برنامج محدد ومفصل للاماكن والجزر واسماء فنادق محددة علشان احجز عن طريق النت
انا رحت لكذا مكتب بس كل واحد يعطيني فنادق غير ونصيحة غيررر
مع العلم الفنادق الي ابيها اما خمسة ولا اربعة بجودة الخمسة ..
وايش رايكم بالخطوط الخليجية؟
اتمنى الفزعة وسرعة الرد لعمل الحجوزات من بدري

مواضيع عشوائيه ممكن تكون تعجبك اخترناها لك:

• غلطة لاول مرة
• ممكن شقق فندقيه في بانكوك
• وينكم يا اهل الخبرة ابي مساعدتكم
• هل السفر بشهؤ او مناسب الى تايلند
• مساعده
• اي انسب وقت لتايلند
• اجمل عيد باجمل شام
• ¸¸۝❝دليل فنادق تايلاند ❝۝¸¸
• استفسار بخصوص الفلل والشقق المفروشة في تايلاند
• رأيكم بفندق هل يصلح للعائلة ؟
• تجارة ملابس نسائية
• الطريق من جده الى الشام
• عاجل طلب رأي خبراء تايلند في رحلة بحرية من بينانق الى بوكيت وكرابي
• استفسار عن افضل ثلاثة اماكن في تايلند من حيث الطبيعة
• الفزعة يا جماعة دلونى على فندق رخيص في حلب
• تنويه للراغبين بزيارة القرية الشامية
• استفسار عن الجزر مسافرة تايلند أول مرة
• ماخاب من استشار سفرة عائلية الي تايلاند 12 يوم
• دفاتر المرور السعودية ستكون مقبولة في سوريا
• تايلاند أرض الابتسامه أم ابتسامة الأرض ؟

مساءك خير يا رررب أقترح لك الجدول التالي : بوكت ... 4 ليالي جزيرة phi phi ... ليلتان بوكت ... ليلة واحدة هواهين ... ثلاثة ليالي بانكوك ... ثلاثة ليالي الفنادق المختارة لكم : بوكت -- منتجع لي ميريديان كارون بيتش ( 4 ليالي ) و فندق هوليدي ان ريزورت باتونج ( ليلة واحدة ) . جزيرة بي بي -- فندق بي بي كابانا . هواهين -- هيلتون هوا هين ريزورت بانكوك -- فندق شانجريلا أو جي دبليو ماريوت و بالتوفيق "" بانتظار آراء بقية الآخوان

الله يعطيكم الف الف عافية وفي انتظار باقي الاقتراحات

المشاركة الأصلية كتبت بواسطة proftravel
http://www.arabtravelersforum.com/tr...9/#post8212707

تخفيضات خيالية لتذاكر السفر والفنادق تصل لغاية 30 بالمائة احجز الان والسفر بأي تاريخ تختاره سارع بالحجز واستمتع بافضل العروض عروض خاصة لفنادق ماليزيا وتايلاند وطيران اسيــــــاحجوزات فورية لمزيد من المعلومات والاستفسار يرجى المراسلة على.net



[font=lبلاش نصب على العالم [/font]شوف عدد المشاركات 1صحيح من قال اللى اختشو ماتوا ياحرامي

شوف اخوي بالنسبه حق الطيران علي حسب ديرتك
انا شخص افضل الاتحاد علي كل الطيران مع اني كويتي بس ارتاح لها
انت دور الانسب لك والاقل تران زيت
و بالنسبه حق خطه السير هم علي حسب انت شوف الطريقتين يعني علي سبيل المثال
(ديرتك) الي شنق ماي الي بوكت الي بانكوك الي ( ديرتك) شوف جم تطلع
او تاخذ من ديرتك الي بانكوك وبعدين تاخذ طيران داخلي حق شانقماي ومن شنق ماي الي بوكت الي بانكوك
شوف اخوي شنقماي هاديه وجوها وايد حلو بس ما فيها بحر وتري احس انها عائليه لبعد الحدود وتري بعد الساعه ١١ روح الفندق نام لان كل شي مصكر الا البقالات وماكدونالز
اما بوكت مدينه ما تنام الحياه فيها ٢٤ ساعه من مطاعم العربيه وبليل يشتغل فيها الحفلات وسوالف الي انت لازم تكون بعيد عنها سوالف الخراب
اما بانكوك نفس بوكت تقريبا
-----------------
بالنسبه حق شنق ماي في فندق شنغرلا حلو بس وايد غالي طبعا هذا ٥ نجوم وفي فندق رويال برنسس ٤ نجوم وايد حلو وفخم وعندك فندق مريديان خمس نجوم ولو تبي نصيحتي وخر عن شنغرلا لان وايد غالي وشوي بعيد مقارنه مع الباجي عن السوق
السياحيه تقدر تاخد سياره من الصبح الساعه ٩ وتروح مزرعه التماسيح - مدرسه الشواذي - حديقه الزهور - حديقه الفراشات - حديقه النمور - عرض الحيايه - الشلال - مصنع الجلود " لا تشتري منه وبعدين اقولك ليش " - مصنع الشمسيات - مصنع العسل - محل الكازو - وفي وايد اماكن ثانيه بس نسيتها الحين
و اليوم الثاني تقدر تاخد سياره من الصبح توديد حق مدينه اسمها شنق راي بس شوي متعبه ساعتين طريج
وتري شنق ماي مشهوره بالصناعه اليدويه يعني لو تحب هالسوالف راح تستانس بالتسوق منها
ولو رحت شنق ماي في مطعم عربي اول ما تدخل سوق اليل يصير علي اليمين راعيه لبناني متين انصك فيه هذا احلي مطعم بشنق ماي
--------------------------
بالسبه حق بوكت الفنادق الحلوه ام ٤ نجوم Novotel Phuket Resort و Impiana Resort Patong, Phuket و Holiday Inn Resort Phuket و Patong Merlin Hotel و Burasari Resort اما الخمس نجوم عندك La Flora Resort Patong و B-Lay Tong Phuket - MGallery Collection
طبعا كلهم حلوين انت شوف اي واحد يناسبك من ناحيه السعر وكلهم علي البحر انا مجرب اغلبهم والباجي الشباب مجربينهم
بالنسبه حق الرحلات لو انت رحت شنق ماي مراح اخليك تروح نفس الاماكن لان راح يكون مكرر تقريبا تقدر تروح هني
بق بوذا - أعلي هضبه تشوف بوكت كلها - أعلي قمه - رمايه - سيارات سباق - محل المجوهرات - بقيات - الفيله
وتقدر تروح عرض اليلي مال الفقرات يكون مثل مسرحيه عروض تقدر تاخذها مع العشه وتقدر تاخذها من غير العشه ،انصحك تاخذها VIP احلي لانك تكون في السطور الآولي
،تقدر تروح جزيره جيمس بوند وجزيره بي بي ايلاند لو حاب تنام في بيبي ايلاند روح فندق بي بي كبانا
-----------------------------
بالنسبه حق بانكون انا افضل تكون بمنطقه نانا كلها عرب صج الفنادق مو راقيه وايد بس كل المطاعم العربيه هناك احس الوضع يكون حلو في فندق جي ديبلو ماريوت و فندق اماري و فندق لاند مارك وعندك جي ام سويت
طبعا بانكون عندك تقدر تروح سيام بارك وايد رحله حلوه غيره لا تروح مكان غير مجمعات
بالنسبه حق المجمعات الغاليه روح مجمعات سيام وفي مجمع يصير بنانا يكون بعد فندق لاند مارك بالجهه المقابله له
ولو تبي شي رخيص في مجمع باتونام ، ام بي كي و طوكيو
---------------------------------------------
شوف يا بو عبد العزيز بالنسبه حق توزيع الوقت لو خذيت روحه ورده من مطار بانكوك ريح يوم ابانكوك قبل السفر
يعني ١ يوم بانكوك - ٥ ايام شنق ماي - ٥ ايام بوكت - ٤ ايام بانكوك
------------------------
ولو تبي اي استفسار ثاني انا تحت امرك
---------------
وشكرا