السلام عليكم ورحمة الله وبركاته
اشكر الجميع على مايقدمونه من معلومات مفيده والتي اسال الله ان يجعلها في ميزان حسناتكم وهذا اللي تعودنها من الاخوان والاخوات الافاضل والافاضلات :24: في هذا المنتدى المعطاء.. يجي مني بالفصحى :11ight:
ابخش بالموضوع على طول, انا طول الله عماركم ذكور واناث (علشان مايقولون اني مو ديموقراطي) يسمع بالديموقراطيه ولا يدري وش تعني :11_horror
المهم عندي اجازة وفي رصيدي 35 يوم, يعني ممكن اخذ عشرة ايام, اسبوعين او ثلاث اسابيع يعني الخيار مفتوح لي بس المشكله ان اجازتي ممكن اخذها في نهاية شهر اكتوبر او شهر نوفمبر او شهر ديسمبر, طبعا بالميلادي (لا ياشيخ) :m9:
وعندي مبلغ من القرنقش ودي افسده في سبيل رسم البسمه على خشتي وخشة زوجتي الغالية (الحب عذااااب) :36_3_12:
المهم اخوكم في الله مايدري وين يروح له وما يدري كم يصرف ومايدري وش يسوي (يعني متورط مرررره) وابغى فزعتكم
والحقيقه ان القلب مايل لاهل العيون الناعسه (خلق الله حسن) :106:, اقصد مبدئيا اخطط على هونج كونج والصين وما ادري هل تنصحون بهن ولا لا,,, اذا تنصحون بهن فأرجوا الاجابه على التالي:
1- كيف الجو؟ او بالاحرى وش افضل وقت في الاوقات اللي حطيتها؟ انا ابغى جو معتدل مع مطر خفيف بحيث ان الواحد يقدر يطلع ويتمشى.
2- انا ابغى اروح كم يوم استجمام (ريلاكسيشن) :surfing: يعني جو خااااااثر انا والمدام في منتجع صاد ومويه حاره وينابيع وشاطيء واشياء زي كذا, ابغى اماكن تخلي اللي من جنبها في الرومانسيه يصير رومنسي غصب عن ام اللي جابته :109:
وبعدين ابغى اروح اتمشى واخلي المدام تتسوق وتفلها فديت خشتها؟
بصراحه دخلت المواضيع ولقيت مدن مثل قوانزو, كوانزو, كوانزهو وخرابيط واجد بس ماعرفت هل الاسماء لمدن مختلفه ولا كلهن نفس المدينه بس ربعنا كل واحد يخترع له اسم؟ انا خفت ان الاسماء متقاربه لان اسماء لاعبين الكوره حقين الصين تتشابه, شق هن, هوانق شن, كي هوان شو ... :11ccer:
يعني ابغاكم تحددون لي الفتره المناسبه وتحددون المدن؟
ملاحظه: ابغى كم يوم ريلاكس والباقي تمشيه وتسوق.
3- وش افضل خطوط رخيصه؟ سمعت ان الكينيه سعرها حلو مع ان اسمها مااعجبني, احس المضيفات حاطين عضام فوق روسهم والطيار لابس زي طرزان :11ight:
4- بناء على الايام والاماكن اللي تقترحونها لي, كم تتوقعون الميزانيه المناسبه للرحله شامله التذاكر والاقامه وكل شي؟ :gathering
5- وش افضل الفنادق او الشقق؟ مابي شي غالي ولا ابي شي رايح فيها, ابغى شي نظيف ورخيص مع العلم ان عددنا اثنين فقط؟
جاوبوا على ذا الاسئله بعدين ابعطيكم الدفعه الثانيه,, راعي طويله :101: بس ادري انكم ماتقصرون
بإنتظار ردودكم...مواضيع عشوائيه ممكن تكون تعجبك اخترناها لك:
- مسافر جوانزو السبت القادم
- الي سبق استورد مواد غذائية الي الصين يفديني الله يجزاكم خير
- لو سمحتوا دلوني على فندق نظيف في جوانزو
- طلبتكم استفسار عن هونج كونج
- نموذج طلب تأشيرة الصين
- ابي حل من اصدق المكتب او الجمرك السعودي
- ورقة المواصفات
- وش افضل منطقة جبلية في الصين ؟
- استفسار عن التاكسي ذهاب وعوده من هونج كونج لقوانزو
- مساعدة في الرحلة إلى يولين الصين
- محتاجه مساعدتكم بالشحن الجووي يا تجار
- مشكلة الوزن الزائدعلى الاتحاد ؟ماالحل
- معلمومات عن كوانزو لا تبخلوا فيها عليي
- استفسارات مهمة أرجو التكرم بالإجابة عليها
- اخوي اسير الدوحه ولاتهون نبي الجواب منك
- طلب مساعدة من خبراء هونج كونج؟؟
- طقس هونج كونج في أغسطس؟
- الطقس فى كوانزو
- للي راحو هونـــــــج كونـــــــــج قولوا لي صحيح غاليــة لو لأ
- ما هى المدينة الخاصة بمستلزمات الزراعية؟
رد مع اقتباس
المفضلات