حطو تخفيض بالغلط ويبون يلغونه علي

**ahmedali** · 01-16-2015, 01:57 PM

السلام عليكم ورحمة الله وبركاته

استفسار من اخواني في المسافرون العرب الله لا يهينكم

الحين انا حجزت على المالديف من تاريخ 30 يونيو الى تاريخ 5 يوليو لمدة خمس ايام خلصت كل شي وقبل كنت حاجز على فندق Adaaran Prestige Vadoo فيلا الغروب

بسعر 17 الف شامل كل الوجبات مع مشروبات
المهم جيت انا وزوجتي بحثنا عن الفنادق لقيناهم منزلين تخفيض نفس حجزي بالضبط بس ب 10 رحت الغيت حقي بسرعه وحجزته

هذا الكلامك قبل يمكن اسبوع امس ارسلو لي بوكنق يقولون ان الفندق ارسل لهم يقول فيه خطا في الحجز وهم اخطو فيه ولك بس فطور واذا تبي باقي الوجبات لازم تدفع 7 الاف زياده

ابي رايكم هل هذا من حقي يعني راحت عليهم وانا لي الحجه ولا هم من حقهم كذا ؟ احد قد صارت له ؟ واذا تناقشت معهم وخليتهم غصب يوافقون ومشكلتهم تتوقعون بيلعبون لي في الغرف ولا بتصير نفسياتهم شينه ي########

ابي رايكم مشكورين قبل لا يلغون علي الحجز

مواضيع عشوائيه ممكن تكون تعجبك اخترناها لك:

**ahmed2** · 01-16-2015, 01:57 PM

وعليكم السلام ورحمه الله وبركاته
عزيزي ترى المنتدي للجميع ياليت تحرص علي بعض الردود
الفتنه نائمه يا أخي
انتبه بإقتنائك لبعض الكلمات

**ahmed1** · 01-16-2015, 01:57 PM

والله شي غريب صراحه
بس انت حجزك وش مكتوب فيه ؟
ادخل على تفاصيل حجزك في بوكينق وشوف ان كان مكتوب كل الوجبات للحين فتوكل على الله وروح واذا وصلت موظفين الاستقبال ان قالوا لك شي قول هذا بالحجز مكتوب وماعمري واجهت موظف استقبال يناقش بسعر وتفاصيل العروض فقط ينفذ الي مكتوب بايصال الحجز
وان تغير فمعناته مالك حيله الا انك تحاول وترسل لبوكينق وتجرب تقولهم انه هذه غلطتهم وهم يتحملونها لاني انا حجزت على المعلومات الي كانت امامي والان ماقدر اغير الفندق الاخر الي كنت بحجز عليه صار فل وشوف وش يسير ممكن يضغطون عليهم انهم يطبقون العرض واذا ماصار فالله يعينك يا تزيد مبلغ الوجبات او اذا حصلت عرض افضل غير الفندق وارتاح من المشكله هذه

**alifun** · 01-16-2015, 01:57 PM

وعليكم السلام
فعلا غريب الذي حصل معك
من وجهة نظري اتصل ببوكينج وهم على فكرة جدا متفهمين وباللغة العربية تفاهم معهم
وحاول تقنعهم بود وهدوء بحجة ان لديك التزامات بنيت على عقدك معهم وهم سيتفهمون ذلك
ربما تحصل منهم على عرض اوخصم لانه خطا يتحمله الفندق او بوكينق او الاثنين معا .
ولا تحاول الاتصال بالفندق لان اتفاقك كان مع بوكينج فقط
وان لم تجدي التفاهم معهم . فانت مخير كما افاد زميلي بالرضا او التغيير
وانا اؤيد التغيير حتى ينسيك الموضوع برمته ولا يعكر صفو رحلتك
اعلم انها رحلة سياحة واستجمام فلا تدعوهم لافساد رحلتك بالتفاوضات والهم والكدر ولا تسافر قبل انهاء الموضوع واعلم ان ايصال ( فويتشر) بوكينق الذي معك لا يلزمهم وبعض الفنادق لا تطلبه منك لانها بالاساس تعتمد على بياناتها .
ختاما ... وعسى ان تكرهوا شيئا وهو خير لكم

متمنيا لكم التوفيق والسداد