المشاركة الأصلية كتبت بواسطة iSanabis
http://www.arabtravelersforum.com/tr...7/#post7798677
السلام عليكم ورحمة الله وبركاته,,
المشاركة الأصلية كتبت بواسطة iSanabis
http://www.arabtravelersforum.com/tr...7/#post7798677
وعليكم السلام ورحمه الله وبركاته
بعلمكم سالفتي::
أولاً:
زواجي ان شاء الله 13-6-2013 م,,
يوم الخميس,,
كلكم معزومين 
الف مبرووك بالرفاه والبنين يا رب
اعطيك شهر عقب اريد نصيحتك اذا في داعي اتهور مثلك ولا اعيش حياتي ههه
----
ثانياً:
كانت عندي خطط وأفكار لرحلة شهر عسل ولكن نظراً لضيعان الجواز، تم إلغاء المخطط,,
يا حراام ,, مو مشكله اخوي وعسى أن تكرهوا شيئا وهو خير لكم
يمكن بتستانسوا بعمان والامارات أكثر من المالديف وغيرها
----
ثالثاً:
الحين عندي فكرة اني بروح رحلة خليجية، لمدة 8 - 10 أيام,,
ونظراً للأجواء الباريسيية، وقع الاختيار على رحلة إلى بلدين,,
عمان + الإمارات
ما فهمت الاجواء الباريسيه صراحه
لان صعب تلاقيها بالخليج وخصوصا بالصيف
لاكن عندنا اجواء صلاليه شبيهه بالباريسيه بس في شهر 7 و 8
هذا لو يصير تأجل الى هذا التوقيت
----
رابعاً:
الرحلة طيران بتكون:: أول شي عمان وبعدين على الامارات..
الامارات سبق ان زرتها مرات عده, واعرف وش فيها ووش مافيها,,
ولكن عماااان العريقة ستكون هذه أول زيارة لي:
أحتاج من حضراتكم يا كرام:: جدول لهذه الزيارة:
حاضرين بعملك جدول لاربع او خمس ايام بس تقولي وين ناوي ع صلاله أو مسقط
اذا مسقط الموضوع بسيط وعلي واذا صلاله مشرفنا ما راح يقصر معاك بس يفضب تزور صلاله على نهايه 7 او في شهر اغسطس واذا ما يصير تأجل شهر العسل مسقط راح تكون الانسب لك
مع الاخذ بالاعتبار ارتفاع درجات الحراره في هذي التوقيت
وكم يوم تستاهل عمان في شهر 6؟
5 ايام كافيه لمسقط في هذا التوقيت
والمدن اللي تقترحوا علي إني ازورها؟
المدن القريبه من مسقط وتبعد حدود المئه وخمسين كيلوا متر هي نزوى العريقه بالتاريخ
ومدينه صور الساحليه
وتقترحوا اني استأجر سيارة من المطار أو اني امضيها بـ تكاسي؟
الأكيد بما انكم معاريس تستأجر سياره افضل لك للخصوصيه والاستفاده القصوي
واي اقتراحات لاماكن ازورها او اماكن سياحية او اسواق او أي شي,, نرحب باقتراحاتكم الجميله,,
اذا ناوي ع مسقط الاسواق كما يلي بس خليها في أخر يوم :
1: مسقط جراند مول
2: سيتي سنتر الموالح
3: مجمع البهجه اصغر شوي من جراند مول والسيتي
4: سوق مطرح سوق تقليدي وله طابع خاص يفضل تزوره بالليل
لانك راح تمشي كثير
5: سوق السيب
الاشياء الثانيه برتبها لك بس لو تحددلي وين ناوي لان المسافه بين مسقط وصلاله
تساوي 1000 كيلو متر
وشكراً جزيلاً لكم,,
عفوا لا شكر على واجب واي استفسار لا تتردد اخي
رد مع اقتباس
المفضلات