المساء مسافر تايلند الفزعه الله لا يهينكم عندي كم استفسار

**alifun** · 01-16-2015, 11:34 AM

السلام عليكم و رحمة الله و بركاته
اريد اعرف شو الفنادق الموجوده في منطقة نانا مثل اماري ؟! يعني نفس مكان اماري و لا شي بالقرب منه و هل اماري نظيف او لا ؟ واذا فيه شي يديد غير اماري في نفس المنطقه !! ياليت تفيدوني

واريد اعرف بعد وين احصل ثلاجات السمج ؟! لي لونهم ازرق حد يعرف محل يبعهم و لا يبيع اشياء بحريه ؟للغواصه !
وفيه اسواق الجمله غير الباتونام و بوبي تاور ؟ و سلوم بزار فتحوه ولا خلاص ماله رجعه ؟
الوالد يريد مكان منطقة العرب عشان الصرف و المطاعم على قولته وعلى طاري الصرف اصرف هنيه فالامارات ولا احسن في تايلند ؟
وشو البطاقه الافضل حق اظهرها لخدمة البلاك بيري ؟
و السموحه على كثرت الاستفسارات لاكن البركه فيكم ماتقصرون يااعضاء المنتدى الغالي

مواضيع عشوائيه ممكن تكون تعجبك اخترناها لك:

**ahmed2** · 01-16-2015, 11:34 AM

اريد اعرف شو الفنادق الموجوده في منطقة نانا مثل اماري ؟! يعني نفس مكان اماري و لا شي بالقرب منه و هل اماري نظيف او لا ؟ واذا فيه شي يديد غير اماري في نفس المنطقه !! ياليت تفيدوني
-نعم اماري نظيف لكن غرف اللي نوعها سوبيريور شوي قديمة من حيث الاثاث ،، ارشح لك فندق اخر على نفس الشارع في اماري ويمكن يكون موقعه احسن من اماري لان بالوسط ومشاهد لمدخل المطاعم العربية والصرافين وهو فندق : قوليفر تافرن

واريد اعرف بعد وين احصل ثلاجات السمج ؟! لي لونهم ازرق حد يعرف محل يبعهم و لا يبيع اشياء بحريه ؟للغواصه !
-المفروض تلقاهم لكن بصراحة ما ركزت على هذي الامور من قبل والا كنت دليتك عليهم.

وفيه اسواق الجمله غير الباتونام و بوبي تاور ؟ و سلوم بزار فتحوه ولا خلاص ماله رجعه ؟
-اسواق الجملة تتركز في منطقة الباتونام سواء محلات او مجمعات وايضا بوبي تاور خيار اخر وهم الاشهر للجملة ،، اما اذا كنت تقصد سوانلوم نايت بازار فهذا تسكر خلاص من سنتين تقريبا ،،

الوالد يريد مكان منطقة العرب عشان الصرف و المطاعم على قولته وعلى طاري الصرف اصرف هنيه فالامارات ولا احسن في تايلند ؟
-خذ معاك مبلغ بسيط بات حوله بالامارات يعني 2000 درهم حولهم الى بات وباقي الفلوس خذها كلها دولارات ولا تاخذ معم عملات عربية مثل الدرهم لضعف الصرف.

وشو البطاقه الافضل حق اظهرها لخدمة البلاك بيري ؟
-انصح بالشركات التالية للبلاك بيري او الايفون :
true move
dtac
12call