الموضوع: ساعدونا لشهر العسل موعارفين شئ

للي راحو تايلند وماليزيا ساعدوني يزاكم الله الف خير السـلام علـــيكم
انه توني يديده على المنتدى
من البحرين
حابه اروح شهر العسل ماليزيا و تايلند
بس نبي فنادق موغاليه ونظيفه حتى لو 4 نجوم
كنت اجوف المواضيع في المنتدى
واعجبوني كذا منطقه في ماليزيا وتايلند
المشاكل اللي عندي

*العمله ال100 دينار البحريني كم تساوي ماليزي وتايلندي
كيف ارتب جدول يعني اتكون الرحله متسلسه ؟
كيفيه حجز الفنادق ؟
الطيران الداخلي؟
وشلون اروح من ماليزيا الي تاينلد هل من الممكن بالطيران الداخلي؟

الاماكن المختاره في ماليزيا
*كوالالمبور يوم
**جزيره بينانج
***سيلانجور صن وين لانجوي
****عالم البحار مادري وين موقعه بس عجب خطيبي
السوق الصيني و الانديا تاون

احنه انحب السوق بس قلنا نبي اتسوق في تايلند

**تايـلـنـد**
الاماكن المختاره
dream world*
** شانغ ماي
بوكيت فنتازيا شو وبعد نبي اذا فيها شئ زياده نقعد
اشلون لو سكنا في حي العرب هل هو مرغوب
انه وخطيبي حابين نتسوق في تايلند مجمعاتها الرخيصه اللي تبيع بالجمله وكل شى
ياريت اتضمون لي رحله من تاريخ 10/7 لي 26/7
عندي الفنادق 500دينار او اقل ويا تكلفه السفر الداخلي ممكن او لا؟
ادري قلبتكم بالاسئله بس والله العظيم مو عارفين شئ انه وخطيبي

مواضيع عشوائيه ممكن تكون تعجبك اخترناها لك:

• سؤال عن صرف العملات وفندق الميرديان؟
• مركز الحديثة عاجل
• استفسار
• استفسار من اخوانا خبراء بانكوك
• بطاقة إحدى بطاقات الماستر كارد
• رحلتي بتاريخ
• انا في تايلند ومحتاج مساعده
• عاجل الله يجزاكم خير
• استفسار عن فندق Chiang Mai Plaza Hotel Convention & Spa
• خبراء تايلند نرجوا المساعدة
• استفساار عااجل
• ¤¢§¯° هل تفتقد أحد من الأعضاء ؟ °¯§¢¤
• أرجوكم حد يفيدنى
• مدة اسبوع
• مظاهرات في تايلاند و سفريتي يوم ١٦ ديسمبر الفزعة
• تكلفة المواصلات؟
• قاموس سوري عامي فصحى للسواح
• تباين في سعر الصرف الالي من بنك لاخر
• أبي أستشاره خبير
• البرنامج سياحي تايلند يوم

في البداية راح اساعدج بالجزء اللي يخص تايلند فقط ،، اما ماليزيا ما عندي خلفية كافية عنها وما اقدر ايدج بشي عنها ،،

بس نبي فنادق موغاليه ونظيفه حتى لو 4 نجوم
-امر الفنادق سهل اهم شي تذكرين لنا باي شهر بتسافرون وجم ميزانية السكن حق الليلة الوحدة يعني مثلا 30 دينار او اقل او اكثر؟

*العمله ال100 دينار البحريني كم تساوي ماليزي وتايلندي
-بالدينار شوي السعر مو ثابت لان التعامل بالدولار وابد لا تاخذون وياكم فلوس بحرينية بس حولو مبلغ بسيط مثلا 60 دينار الى بات والباقي حولوهم دولارات عموما البات التايلندي مو ثابت سعره تقريبا الــ 100 دولار = 3030 بات وكل يوم يتغير اما اقل او اكثر ،،

كيف ارتب جدول يعني اتكون الرحله متسلسه ؟
-بخصوص تايلند ممكن ارتب لكم برنامج متكامل سياحي وتسوق وترشيح فنادق لكن احتاج معلومات اكثر مثلا عدد الايام والميزانية وغيره ،،

كيفيه حجز الفنادق ؟
-اما الحجز عن طريق النت ويتوجب توفر بطاقة فيزا او ماستر كارد ،، او عن طريق الحجز من الفندق مباشرة عند الوصول او اي مكتب سياحي في تايلند

الطيران الداخلي؟
-تحجزون من النت وكل ما كان الحجز مبكر مثلا قبل اسابيع يقل السعر ،، او تحجزون مباشرة عند وصولكم المطار تروحون لشركات الطيران الداخلي وتشوفون الاسعار وتحجزون الافضل او حتى عن طريق اي مكتب سياحي بتايلند

وشلون اروح من ماليزيا الي تاينلد هل من الممكن بالطيران الداخلي؟
-الطيران الداخلي هو فقط داخل تايلند ،، لكن هناك شركات طيران لها رحلات داخلية وبعد دولية مثلا شركة اير اسيا و ثاي ايرويز

احنه انحب السوق بس قلنا نبي اتسوق في تايلند
- خيار موفق وراح ندلكم على اسواق حلوة

**تايـلـنـد**
الاماكن المختاره
dream world*
** شانغ ماي
بوكيت فنتازيا شو وبعد نبي اذا فيها شئ زياده نقعد
اشلون لو سكنا في حي العرب هل هو مرغوب
انه وخطيبي حابين نتسوق في تايلند مجمعاتها الرخيصه اللي تبيع بالجمله وكل شى
ياريت اتضمون لي رحله من تاريخ 10/7 لي 26/7
عندي الفنادق 500دينار او اقل ويا تكلفه السفر الداخلي ممكن او لا؟
ادري قلبتكم بالاسئله بس والله العظيم مو عارفين شئ انه وخطيبي
-شوي عندكم لخبطة في الترتيب يعني دخلتو رحلات سياحية على مناطق لان اللي ذكرتيه فوق يحتاج تروحون 3 مناطق او مدن مختلفة وهي ( بانكوك، شانقماي وبوكيت ) والتنقل بين هذي المناطق بيكون بالطيران الداخلي ، الاسواق لا تحاتون واهم شي تقررون وين بالظبط تبون تروحون وجم يوم بتكونون في تايلند علشان ارتب البرنامج

ومثل ما قلت اذا حصلت بيانات كاملة شاملة مدة الرحلة فقط في تايلند و ميزانية الرحلة بدون احتساب الطيران الدولي وكم ميزانية الليلة الوحدة للفنادق ؟

في قسم فرعي يتبع قسم تايلند بالمنتدى اسمه قسم التقارير المصورة بتحصلين فيه تقرير مصور لرحلتي لشهر العسل سنة 2010 شوفيه مع خطيبج يمكن تبون ارتب لكم نفس برنامج رحلتي مع اختلاف في عدد الايام مثلا ،،