الموضوع: حجزت لهونغ كونغ بسعر خيااااالي لايخطر ع البال

السلام عليكم ورحمة الله وبركاته

اليوم وبعد عناء طويل وبحث استمر لأسبوعين تم بحمد الله الحصول على تذاكر السفر بسعر رمزي

طبعا في البدايه كانت النيه اني احجز كويت كوانزو بانكوك كويت فكانت صعبه جدا بحكم مافي رحلات بين كوانزو وبانكوك

فعدلت التخطيط بالصريقه التاليه كويت هونغ كونغ كوانزو كويت ولقيت السعر على الاماراتية في حدود 340 دينار ولقيتها ع القطرية في حدود 318 دينار

فقمت وعدلت التخطيط وقلت يابنت حجزي كويت بانكوك كويت وان شاء الله تكون ارخص لكن المصيبه حتى بانكوك ارتفع سعرها تخيلوا عن طريق الاتحاد 248 وعن طريق الاماراتية 237 وعن طريق القطرية 320 دينار

وبصراحه السعر وااااايد غالي يعني حتى لو بحجزها بضطر احجز بعد طيران آسيا لهونغ كونغ وطبعا سعرها مو أقل من 70 دينار وبجذي نرجع لنقطة الصفر :112:

لكن وبعد تدقيق وبحث وتفكير عميق:114: لقيت تذكره هي كويت بانكوك هونغ كونغ بانكوك كويت بسعر 195 دينار كويتي وتم استلام التذاكر اليوم الصباح:24:

ماراح أقولكم شلون حجزت إلا بعد ما أشوف ردوووودكم الطيبه ******** حدددددددددي نحيسسسسسسسسه:109:

بانتظار ردودكم:113:

مواضيع عشوائيه ممكن تكون تعجبك اخترناها لك:

• ارجوا المساعدة بخصوص أرضيات السيراميك
• هل يتطلب مروري على هونغ كونغ الحصول على فيزة
• معلومات متفرقة عن الصين و هونق كونق حصيلة لبحثي من النت عن التجارة و السياحة
• احـــــــــــذر من سائق التاكسي الذي
• رتبو معي رحلتي
• اهل الخبره فى الصين
• سؤااااااااااال لاهل الخبرة؟؟؟؟؟؟؟؟؟
• عاجل لابو ضرار و خبراء تجارة الشنط و الأحذيه النسائيه
• ابروح رحله سياحه لكوانزو
• الى العضو الاخ وليدوو
• طلب مساعده
• أين اجد محلات تبيع شبيه الذهب في كوانزوا او ايو ؟؟؟
• رسالةإلىالأخزاميل فيالصين
• بخصوص رأس السنه بجوانزو
• كم تبعد ايوو عن كوانزو وهل اذهب لها بالطائره
• متطلبات الحصول على الفيزا السياحية لجمهورية الصيـن بالتفصيـل الممل
• استفسارات بخصوص كوانزو
• خبراااااااء الصين أتمنى الرد على استفساراتي
• بعض الاسائلة عن الصين
• اتمنى انكم تساعدوني محتاج مساعدتكم

يعطيج العافيه ... وبانتظار معرفة السر...

المشاركة الأصلية كتبت بواسطة سلمى غزالي
http://www.arabtravelersforum.com/tr...2/#post2515900

السلام عليكم ورحمة الله وبركاته

اليوم وبعد عناء طويل وبحث استمر لأسبوعين تم بحمد الله الحصول على تذاكر السفر بسعر رمزي

طبعا في البدايه كانت النيه اني احجز كويت كوانزو بانكوك كويت فكانت صعبه جدا بحكم مافي رحلات بين كوانزو وبانكوك

فعدلت التخطيط بالصريقه التاليه كويت هونغ كونغ كوانزو كويت ولقيت السعر على الاماراتية في حدود 340 دينار ولقيتها ع القطرية في حدود 318 دينار

فقمت وعدلت التخطيط وقلت يابنت حجزي كويت بانكوك كويت وان شاء الله تكون ارخص لكن المصيبه حتى بانكوك ارتفع سعرها تخيلوا عن طريق الاتحاد 248 وعن طريق الاماراتية 237 وعن طريق القطرية 320 دينار

وبصراحه السعر وااااايد غالي يعني حتى لو بحجزها بضطر احجز بعد طيران آسيا لهونغ كونغ وطبعا سعرها مو أقل من 70 دينار وبجذي نرجع لنقطة الصفر :112:

لكن وبعد تدقيق وبحث وتفكير عميق:114: لقيت تذكره هي كويت بانكوك هونغ كونغ بانكوك كويت بسعر 195 دينار كويتي وتم استلام التذاكر اليوم الصباح:24:

ماراح أقولكم شلون حجزت إلا بعد ما أشوف ردوووودكم الطيبه ******** حدددددددددي نحيسسسسسسسسه:109:

بانتظار ردودكم:113:




أقول سعر خيالي والله يكتب لك التوفيق في هالرحلة، بس حبيت انبهك على الاوضاع الغير مستقرة في مطارات بانكوك هاليومين :114:

السلام عليكم...

جربي جم حجز كويت كولومبو كويت ...على السيلانية...

من ويييين ؟؟

بس مطار بانكوك مسكر الحين ..!

أخت سلمى غزالي ...

السر ؟

المشاركة الأصلية كتبت بواسطة سلمى غزالي
http://www.arabtravelersforum.com/tr...0/#post2518150

صباح الخير للناس الغير

طبعا كلكم بخاطركم تعرفون شلون حجزت التذاكر

لكن قبل لاأقولكم اللي قال انه التذكره ممكن تنلغي او تتأجل أو او او طبعا كل هذا يصير بجميع الرحلات الدوليه لكن ان شاء الله ماكو تأجيل

حجزت الرحله عن طريق موقع الخطوط الجويه السيرلانكيه
كويت بانكوك كويت طلعت علي التذكره 138.5 دينار
وبعدين رحت لطيران آسيا حجزت بانكوك هونغ كونغ بانكوك طلعت علي تقريبا 56 دينار

وسويت كونفورم واستلمت التذاكر ولله الحمد التذاكر طلعت بسعر أكثر ماأقول رمزي أو بالأصح سعر خيااااااااااااااااااااااالي

ويالله اللي عنده النيه يروح يحجز ويتوكل على الله وبخصوص تايلاند تراها فتره وتعدي وانا سفرتي شهر يناير مو الحين ورب البيت كريم




[color="Blue"][size="5"]يؤسفني أن أخبرك عزيزتي أن الخطوط السيريلانكية من أسوأ الخطوط التي عرفتها .. وأسوأ رحلة مرت علي التي ركبتها معهم:108: كانت الرحلة من مطار الدمام إلى ماليزيا
عند ذهابنا من الدمام وضعونا في الدرجة الأولى تشجيعا منهم على الحجز في طيرانهم بس في الرجعه بانوا على حقيقتهم

أنا أعرف إن أي خطوط طيران لازم تمر على الدولة الأم
يعني كويت سرلنكا (( العاصمة )) وبعدين بانكوك في ا((لذهب والأياب))
عموماً وفقك الله في رحلتك
تايلند تستاهل السفر إليها

أخوي سافر ع الخطوط السيرلانكيه ويمدحها كثيررر وبعد ولد عمي سافر عليها تايلاند من قبل وبعد يمدح وااايد

إن شاء الله مافي الا العافيه والسفر الطويل احنا متعودين عليه

ومعروف عن الخطوط السيرلانكيه انها تابعه لطيران الامارات يعني خير ان شاء الله

الزين كلامك صح في ترانزيت كلوومبو وهالشي طبيعي لكن الترانزيت أظن ساعتين بس وبالعوده بنبات في كولومبو واهما راح يوفرون لنا فندق بإذن الله

ماشاءالله طريقه حلوه

موفقه خير يارب

الف شكر

مشكوره اختنا على المعلومات هذي ويزاج الله خير لانج بغيتي الكل يستفيد ويوفر فلوسه
لكن اني اختلف معاج في الراي بالنسبه لي انا بدفع 10000 درهم للتذكره بس اشتري راحتي ولا اني كل شوي انزل مكان انا احب اوفر في كل شي الا السفر

بو عزيز الله يسلمك وهذا واجبنا وأقل شي نسويه لهالصرح الكبير

بخصوص الفندق بالعودة شلون حجزتي فندق بالمطار السيرلانكي ...

أو شنو الحل اذا الترانزيت مدة طويلة...

فواز بخصوص الفندق الخطوط نفسها راح توفر لنا فندق وبالتذكره اللي وصلتني بالايميل كاتبين ملاحظه بإنه سيتم توفير فندق لكم خلال فترة الترانزيت

بو الغالييين بخصوص الترانزيت نفس الشي ترى أنا ماعندي ترانزيت بأكثر من محطه غير كولومبو وعقبها بانكوك وبس

بالضبط نفس لو بسافر ع الاماراتية بنزل ترانزيت ع دبي ولو ع القطرية بنزل ترانزيت الدوحه بس على بانكوك اللي انا ضايفتها

يسعدني مرووورك اخوي العزيز

مشكور على المعلومات وبارك الله فيك

السلام عليكم. يمكن الرد يكون متاخر بس الخطوط السيلانية لا لا لا. صديقتى العام راحت معاهم لماليزيا ولاعت كبدها منهم. كان فى ترانزيت ما درت عنه الا بعد ما استلمت التذاكر. خط سير الرحلة كان: الكويت - دبى- كولومبو- كوالالمبور. الصراحة تبهدلت مع اليهال وساعات الترانزيت.

195دينار = 2530 ريال سعر زين
لقيت سعر على الطيران الجنوب الصيني من جاكرتا لهونج كونج وقبل الرحلة بشهرين عطوني سعر 2000 ريال :112:

لكن بعد بحث وتوصيات من صديق لقيت سعر زين لكن خط السير اولاً جاكرتا - كوالامبور ثم خط تاني كالامبور - هانجزو ....بسعر 190 + 809 ريال = 999 ريال = 77 دينار وعلى طيران اسيا

طبعاً ذهابي لجاكرتا على الإماراتية جدة - دبي - جاكرتا - دبي - جدة ..... بسعر 2375 ريال = 185 دينار

بالتوفيق عزييزتي
ومدحونها السرلنكيه بس دققي على التواقيت لا تتخربطين

ما شاء الله

السعر جدا ممتاز

وسيرلنكا حلوه

السعر حلو والله ..

أنا لقيت التذكره لكوانزو على الخطوط الاماراتيه بسعر 4000 ريال سعودي .. جده دبي كوانزو دبي جدة
والخطوط القطرية بسعر 3700 ريال .. جده الدوحه كوانزو الدوحه جدة
فإذا كان لهونج كونج بهذا السعر فإنتِ توفقتي فيه
وتوصلي بالسلامه يا رب

أختك أم وريف

على كذا الخطوط السعودية ببلاش , الرياض هونق كونق الرياض بـsar 2,624 و لا ترانزيت ولا هم يحزنون .

وازيدكم من الشعر بيت

انا اليوم حصلت ( جده الرياض .. الرياض هونج كونج والعكس )

بمبلغ = 2470 ريال سعودي