الموضوع: فندق على الباتونغ بيتش

صباح الخير جميعاً

شكلي كل يوم بانزل سؤال

بدون مقدمات ياجماعة أنا ماعمري رحت تايلند ولا عرف عنها شي

حجزت 3 ليالي في بوكيت على أساس في فندق تارا باتونغ بيتش

مدحوه لي من ناحية الموقع لآنه جريب من الشاطئ ومن المطاعم وكل شي

توكلت على الله وقلت باحجز فيه لآن بنت خالي جربته الليلة بـ 35 دينار

بس مع تزايد الأسعار في الهاي سيزون قلت يمكن يوصل 45 أو 50 دينار بالكثير

المكتب صدمني أول شي عطاني الليلة بـ 77 دينار وبلعتها مع إن الفندق 4 ستارز وعادي

اليوم مطرشين لي إيميل إن الليلة صارت 86 دينار وغصباً عني لازم يحسبون ولدي في سرير إضافي!!

شدعوة حتى الصنوي لاغون في ماليزيا اللي يعتبر من أفخم الفنادق ماوصل هالسعر

أبيكم ترشحون لي فنادق مجربة بنفس المنطقة تكون جريبة من كل شي خصوصاً المطاعم والباتونغ بيتش

فنادق تكون نظيفة وعدلة وتسوى وسعرها معقول غير الهوليدي إن لأني أتوقعه بيكون أغلى

ياعرب يامسافرون أبي فنادق مجربة وموثوقة مب بس فندق يمشي الحال والسلام أو بعيد ويبي له مشي

مواضيع عشوائيه ممكن تكون تعجبك اخترناها لك:

• سوريا اول مرهمعلوماتكم؟
• من السعوديه الى الاردن الى سوريا الى لبنان
• فنادق
• الي كل من يعتقد ان تايلاند ليست جميله . انظر الي هذا
• عاجل من فضلكم بخصوص حلب مواقف السيارات بالأجرة ومكاتب سياحية
• الحمدلله عل العودة الى الوطن
• ايجـــــــــــــــار ولا شحن ؟؟؟
• طلب بسيط
• بحاجة لمساعدة بخصوص الانترنت في تايلند
• استفسار عن اقرب الفنادق للمولات
• القائمة السوداء الخاصه للمطاعــــم في تايلند
• لحضة وصولي لبانكوك ابغى مشورتكم
• مسافره أول نوفمبر والفياضانات واصله بانكوك
• لو سمحتوا بغيت جدول سياحي لمدة ليالي
• ابي اسافر الى دمشق ماهي الخطوط غير السعودية تنصحوني
• اهلين ممكن شوركم احبتي
• من الشام إلى لبنان
• ارخص طيران لتايلند
• اللي عنده معلومه يدخل يااعرب
• لو ممكن تفيدوني ؟

أنا الان ساكن في الهوليداي ان وسعره تقريبا 850 ريال سعودي في فندق مقابل له اسمه الكورت يارد تبع الماريوت مكانة روعه وقريب من كل شي وفيه برضو فندق أسمة لا فلورا موقعه على البيتش في الباتونق وفيه بعد فندق أسمة المالينيوم في قلب الباتونق وأتوقع سعره مناسب جداً بس ترا مايطل على البحر بس قريب منه 3 دقايق مشي بس

اختي احجزي عن طريق النت سعر الهوليدي ان 4200 بات تقريبا يعني 38 دينار

وهذي اسعار فندق تارا من موقع اقودا

http://www.booking.com/hotel/th/baan...11&aid=1329869

من تجربة شخصية ارشح لكم
Baan laimai
Royal palm
فنادق اربعة نجوم و على الشاطئ و اقرب للمطاعم العربية من تارا هوتل
اقامة سعيدة

يعني ولافندق متفقين عليه

تكفيني ردودكم ماقصرتو

شكراً عالافادة

ماعرف شاختار هههههههههههههه

انا كنت ساكن في الهوليدي ان في بوكيت خمس ليالي ومالقيت حجز على شانق ماي وسكنت ليله في بان لماي بصراحه تحسفت على الخمس ليالي الي في الهوليدي ان فندق روعه ورخيص وموقع ممتاز انصحك فيه ورخيص

المشاركة الأصلية كتبت بواسطة كرستالة
http://www.arabtravelersforum.com/tr...2/#post6388442

يعني ولافندق متفقين عليه

تكفيني ردودكم ماقصرتو

شكراً عالافادة

ماعرف شاختار هههههههههههههه

لان كل عضو يعطى رايه بصدق و اخلاص للفنادق الى جربهم شخصيا و لهذا السبب ليس هناك اتفاق في الراى و عليكم الختيار بين الفنادق المرشحة حسب ظروفكم و رغبتكم ۔
اقامة سعيدة اتمناها لكم """

المشاركة الأصلية كتبت بواسطة المرواني الجهني
http://www.arabtravelersforum.com/tr...4/#post6403454

الافضل ان تحجزي من النت
وارشح لك فندق امبيانا ريزورت على البحر مباشره

والله ياخوي أنا معاي عيالي هالمرة وفضلت أدفع أكثر للمكاتب عشان ماتوهق لو صار شي لا قدر الله

شكراً على التواصل أخي الكريم

المشاركة الأصلية كتبت بواسطة I_miss_u_walah
http://www.arabtravelersforum.com/tr...4/#post6404124

انا كنت ساكن في الهوليدي ان في بوكيت خمس ليالي ومالقيت حجز على شانق ماي وسكنت ليله في بان لماي بصراحه تحسفت على الخمس ليالي الي في الهوليدي ان فندق روعه ورخيص وموقع ممتاز انصحك فيه ورخيص

غريبة مع إن من حلال بحثي جفت الكل متفق على إن الهوليدي إن هو الأفضل

بس أنا إستبعدته لأني كنت متأكدة إنه وايد على ميزانيتنا خصوصاً إنه مفروض علينا ندفع قيمة سرير إضافي

بان لماي حصل على أصوات كثيرة بس للأسف مالقيته ضمن الخيارات عند المكتب اللي أتعامل معاه

تشكرااااااااااات

المشاركة الأصلية كتبت بواسطة حسن الحمادي1
http://www.arabtravelersforum.com/tr...8/#post6405018

لان كل عضو يعطى رايه بصدق و اخلاص للفنادق الى جربهم شخصيا و لهذا السبب ليس هناك اتفاق في الراى و عليكم الختيار بين الفنادق المرشحة حسب ظروفكم و رغبتكم ۔
اقامة سعيدة اتمناها لكم """

فعلاً كلامك صحيح وهالشي خلاني في حيرة

لحد الحين قلبي ميال للبان لماي بس مالقيته

جدامي الكورت يارد وأبي أتشجع وأحجز فيه وخلاص

لا خلا ولا عدم ياخوي ماقصرت

جربي ذا كي

خطير وفخم وفي احلى مكان في باتونج بيتش

انا مجربه مرتين

والله إحترت مب عارفة أرسي على بر وأختار

المتوفر لحد الحين الكورت يارد والبلو مارين وميركيور

وماعرف الأفضل بينهم ياريت أحد يفيدني

أبشركم أنا خلاص حجزت في الملينيوم وان شاء الله يارب اختياري يكون في محله

شكراً لكم جميعاً على الإفادة

من تارا باتاتنوج الى مليينوم ؟؟؟؟ هذي نقله انتي فعلا الان غيرتي الى افخم فندق في الباتنوج وارتحتي فقط مهم ان تعرفي انك تنازلتي عن القرب للبحر وفي نفس الوقت كسبتي الراحه النفسية والسوق الملاصق له والان مايحتاج تسالي احد عنه اذا فيه شي انصحك فيه هو عدم دفع السرير الاضافي من المكتب السياحي فالافضل الدفع هناك لانه ممكن يعطوك اياها مجانا او نفس السعر او اقل سعر دولي

اخوي دولي

هذي السفرة لعيون عيالي قلت اشتري راحتهم ووناستهم خصوصاً انهم بيصومون عقبها عن السفر جم سنة ههههههههههههه

البحر جم مرة باروح له في 3 ايام؟ مرتين وان كثرت ثلاث عادي كلها كيلو بنروح بالتوك توك

لكن في نظري المول ملاصق الفندق افضل واهم واريح سوق وكافيهات ووناسة

بالنسبة لنصيحتك اشكرك عليها بس أنا حجزت تربل ديلوكس روم يعني ماباطلب سرير إضافي

بالتوفيق حبيبتي

خووووووووش اختيار
انا قلت لج الملينيوم عجيييييييييييب انا مجربته