الموضوع: انا رايح لى لبنان عن طريق البر

اهلااااا بكم .. ياجماعة انا قررت اروح لبنان عن طريق البر .. وش تنصحون فيه .. والي يبي منكم يخاويني

عندي محل راكبين .. اهم شي يكون على طريقي .. وذلك لا ستكشاف المنطقة كاملة مع العلم بان السفارة تنصح السعودين بعدم الذهاب مدري ليه ..

اريد شقق رخيصة جدا حيث انني ميزانيتي على قدي .. ولكم الشكر ولا نستغني عن اهل الخبرة في المنتدى علما بان رحلتي سوف تكون مصورة كاملة .. ان شاء الله ..


تشكرات

مواضيع عشوائيه ممكن تكون تعجبك اخترناها لك:

• القلب الكبيروبقيه الاعضاء
• سؤال لو سمحتوا
• أماكن ترفيهية للأطفال في لبنان
• عاجل جداً أين الخبراء في حمانة
• عشاق الثلج بعدسة استون مــارتن
• ياعشاق لبنان
• لاتسال عن الفنادق في لبناااان
• محتار وين اسكن في لبنان
• كيف الوضع السياسي في لبنان ؟
• ارجو المساعدة
• مقطع فيديو السوليدير ايام كأس العالم
• بحبك يا لبنان
• كوكتيل صور الترفليك وغيره
• المشاركة في استفتاء حول زيارة لبنان في تلك الظروف
• طالبكم لا تردوني
• رحلة قاسيه الى لبنان
• ودي أسافر للبنان الأسبوع القادم علشان الثلج وش الرأي
• رحلة الى لبنان من الاثنين الى الجمعة
• الي خبراء لبنان اريد فندق بالجبل اثري
• في عالم النجاح

اذا تبي شوري لاتروح واسمع كلام السفاره مثل ماقالولك00الوضع هناك مايسوى تعب كل هالمشوار بالسيارة وقرف المنافذ الحدوديه خصوصاً وانت راح تمر بثلاثة منافذ00السعودية الأردن - الأردن سوريا - سوريا لبنان00وخصوصاً هالمنفذ الأخير راح يكون عليه تشدد كبير من ناحية التفتيش خصوصاً بعد مااكتشفوا ان فيه اكثر من 100 مقاتل سعودي مشاركين في المعارك الدائره قرب طرابلس وعشان كذا السفاره حذرتك بعدم السفر وخصوصاً بالسياره، واذا كنت حاب تسافر سافر بالطياره عشان تفتك من التوقيف والتفتيش وترى الخليجي والسعودي بلأخص ماعاد على راسه ريشه مثل اول00صارو يبدون به التفتيش واسأل مجرب ولاتسأل طبيب0 ولبنان ماتصلح السياره فيها الحين لأن عندك بيروت كلها حواجز وتفتيش والشمال ماراح تقدر تتنقل فيها عشان المشاكل اللي فيها والجنوب اضرب بعد كله يونيفيل وتفتيش00يعني حرام تاخذ السياره عشان بس تلف فيها الجبل، خذلك تاكسي اريح واوفر لك وخصوصأً البنزين عندهم 3 اضعاف البنزين عندنا0 واخر ملاحظه اخوي قولك اللي يبي يخاويني يركب معي00انصحك بعدم اركاب اي شخص ماتعرفه بمركبتك الخاصه لأنك ماتعرف وش ورى هالشخص وراح تكون انت المسئول لو طلع هالشخص مطلوب او وراه بلى او صار عليه شي، انت مو طالع بالطياره عشان تقول من يخاويني0 وفي الأخير انا ابي لك الخير وان شاء الله تسافر سفره ممتعه بعيده عن التعب ووعثاء السفر0

أخي الكريم أنا رحت انا وزوجتي كان عندي عمل لمدة اسبوع بتاريخ 11 يوليو 2007 وجلست حتى 18 يوليو 2007 الوضع طبيعي جداً ولا يوجد اي خوف ولم نجد أي مضايقات والحياة طبيعية جداً.
توكل على الحي الذي لا يموت وروح بتنبسط خصوصاً ما في عرب كثير يعني ينعدو على الأصابع

عزيزي the writer :
احذر سوريا .. احذر سوريا .. احذر سوريا..
هناك من يترصد بالسعوديين شرا .. أعرف أناسا تمت بهذلتهم في سوريا هذا الصيف ..
الصيف الماضي كانت سوريا جحيما وهذا الرابط يوضح قليلا من المعاناة أرجوا منك الدخول..
http://www.arabtravelersforum.com/travel88576/

هلا حبيبي ( the writer )

أنا حاليا أكلمك من لبنان الوضع جداجدا طبيعي وحياك الله بأي وقت :101:

أما بخصوص السيارة أنصحك لاتجي بالسياره الصراحه راح تأدي بها الهلاك :109:

لأن زحمه كثير والشوارع مومرتبه أفضلك تعال واجر سياره من مكتب بـ لبنان :24:


تـــــحــــــيـــــــــــاتــــــــــي :smile105::smile105:

مشكورين وماقصرتوا احبابي .. ومدام الدعوه فيها تبهذل في سوريا .. اجل الطيارة ابرك لي ..


تشكرااااااااات

المشاركة الأصلية كتبت بواسطة the writer
http://www.arabtravelersforum.com/tr...5/#post1438925

مشكورين وماقصرتوا احبابي .. ومدام الدعوه فيها تبهذل في سوريا .. اجل الطيارة ابرك لي ..


تشكرااااااااات





ولو أحنا بالخدمه حبيبي

شكرا لك .. بس لابد من المرور بسوريا عن طريق البر والان انا افضل الطائرة .

وش رايك اخاويك ... انا طالع اخر الاسبوع الجاى ... ومن هناك ان طالع على القاهره


السكن حيكون فى عاليه .. غرفه + صاله + مطبخ ... تمشى حالها ... ب50 دولار ...

لاتنسى علوب و ابوكاس + تونه + جبن كرافت + مكرونه بيتونى+ مطازيز ناشف ..... وطبخ ونفخ ... :109:

ماسببلنا المشاكل ووجع الراس الا سوريا والسورين

الله يحفظك :101: وانتبه من الحدود السوريه لان راح تواجه تعقيدات او شغل دراهمك :24:

اذا تبي شقق فندقيه فيه شقق في بيروت :24: على 100 دولار

هلا اخوي
اول شي السلام عليكم ثاني شي من وجهة نظري الشخصيه ان السفر بالسياره اريح وأوفر خصوصا اذا كنت من سكان المناطق الشماليه وبعدين انا لي اسبوعين جاي بالسياره ودايم اطلع بسيارتي والوضع عادي جدا الحدود السوريه نفس المعامله يعني بميتين ليره تخلص امورك والحدود الاردنيه معاملتها جيده وتاخذ معك من منفذ الحديثه القريات الى لبنان تقريبا 6 ساعات ومن منفذ حالة عمار تبوك تقريبا 8 ساعات وانا بنظري للشخص الي يعرف زين بلبنان السياره اريح واوفر وبخصوص السكن اذا تبي في شقق ممتازه ببيروت قريب على الروشه بــ 30 دولار مره مريت واحد من الشباب ساكن هناك اماحنا لنا بيت بلبنان اذا كنتم عزوبيه اشوفها مناسبه جدا خصوصي وانت عزوبي منت جالس كثير بالشقه يعني اكثر وقتك بتجي للنوم وحاول تسوي برنامج للرحله يعني كل يوم بمنطقه وعلى فكرة البنزين غالي شوي بس سعره يعني ارخص من الاردن وأغلى من سوريا شوي وتحياتي اي معلومه انا بالخدمه اخوي

أهلااااا فيكم اخواني .. حيرتوني .. ماعاد ادري انا اروح بالسيارة والا بالطيارة .. لاني انا من القصيم ماني من الشمال .. على العموم شكراا لكم ماقصرتوا .. .

وبالنسبة للشقق الي تقول عنها اخي الكريم وين فيه ببيروت ..

ترررررررررررررررررروح وتجي بسلامه

الله يسلمك ..