الموضوع: حايرة في جزر العالم

السلام عليكم

كيفكم اعضااء ؟؟


الموهيم ندخل بالموضوع دايركت

انااا في خاطري اسافر لجزيرة و بما اني ان شاء الله بربي بعد شهر و بتكون النفسيه مو لهنااك و بعدين بيجي يوم ميلاد زوجي

فا قلت ليش ما استغل هالاشياء و بعد هذا كولوا اسافر اناا و زوجي لجزيرة نغير جو فيها و نعيش جو رومانسي

مواضيع عشوائيه ممكن تكون تعجبك اخترناها لك:

• منتجع في جزر الكناري
• شهر العسلالمالديفسريلنكا؟؟؟
• كم سؤال عن الفنادق
• اذا موريشيوس ماتنفع وش اللي ينفع؟
• موريشيوس عشق لا ينتهي
• ساعدوني يااهل الخبره
• هوفافين فوشي
• تآهيتي لؤلؤة الأساطير الاستوائية
• ما ابى احد
• أبغى اسأل عن موقع جزر المالديف بالضبط وهي قريبة من اي دوله بالضبط
• مساعدة في اختيار منتجع في المالديف شهر عسل
• استفسار عن جزيرة موريشوس
• اتمنى انكم تساعدوني
• استفسار عن فندق بالمالديف
• جــزيــرة كــيــش الايــرانــيــه
• عندي عرض للمالديف واحتاج مشورتكم
• ابي رايكم مساعده المالديف تايلند
• فنادق المالديف قلبت راسي
• إستفسار عن المالديف هني مون
• ماذا تنصحون اذا خيرتم بين الجزر موريشيوس مالديف سيشيل

يا جمااعه وشوو ذا ..!! خخخخخ


توني مكلمه الامارات للعطلات و بن عمير

وطلع لي للموريشوس 3 ليالي و في فندق الفورسيزن بول فيلا بـ 29550 في بن عمير و 29700 بالامارات للعطلات

اختى الفورسيزن من اغلى فنادق العالم و انتى طالبه بول فيلا يعنى سعرها الشى الفلانى و اكيد الباكج مع تذكره درجه اولى هم سعرها فوق فوق حجزى عن طريق النت احسن لج

يعنى تذاكر بالقطرية او حتى الاماراتيه ما تزيد عن 3000 للشخص يعنى 6000
و الفندق ياكثرهم فى موريشوس و حتى المالديف احلى غرفه الليله ب 2500 و وتر بانجلو بوسط البحر يعنى سبعة الاف و نص للفندق و ست الاف للتذاكر كلش كلش بتوصل 15 الف

دشى عن طريق booking.com او ْ hotels.com و كتبى اسم الدولة الى تبينها و يطلع لج كل الفنادق و الاسعار بالصور و شوفى الى يناسبج و ان شاء الله تتهنون بهل سفره باسعار معقوله و مناسبة و مبروك على البيبى يتربى بعزكم ان شاء الله

لااا هذي بالدرجة السياحيه مو الدرجه الاولى

وعلى التذاكر دخلت على طيران المارات وحصلت للشخصين تقريبا 10 الاف


اماا على المالدييف فا قلت لي الموظفه ان اقل مدة تقدرين تحجزين لازم تكون 6 ليالي لهذي الفترة ما يحجزن اقل من كذا

ومالي غير موريشيوس وما اعرف فناادق فيها غير الفور سيزن اماا على سالفت بوكينج فا دخلت وبصراحه ماطلع لي غير 3 فنادق الهيلتون و ليمريديان و واحد ثالث نسيت اسمه

احس ان المالديف هي انسب شي لانها ارخص واقرب من باقي الجزر وتكلفكم تقريباً نفس ميزانيتكم 25 الف حق 3 او 4 ايام

وبورا بورا بعيييييييييده اللي اعرفه تروحين له عن طريق نيوزيلندا

وسيشل غاليه ومستحيل تكلفكم اقل من 25 الف

بس تصدقين اتمنى اروح للجزر ونوينا قبل العام نروح للمالديف بس انجنيت قلت لي فتره ماطلعت وماسفرت واخرتها على 3 ايام ههههه وعشان 72 ساعه ههههه وبس مقابلين البحر ههههه اصلاً ان رحت مايمديني استوعب اني مسافره الا حنا راجعين وحتى ان رجعنا من المالديف ورحنا لدبي وجلسنا فيها يومين او 3 ايام احسن انه ماتسوى ولا تكفي 5 ايام وقلت اقول بهالمبلغ نسافر لأوروبا احسن لنا وفعلاً بهالمبلغ اللي نوينا نروح بالمالديف رحنا فيها لثلاث مدن اوروبيه ومع التنقلات ومع التذاكر ومع كل شي كلفتنا حدود 22 الف لمدة 12 يوم ووفرنا 3 الاف ريال وحطيناها بجيوبنا والحمدلله سافرنا وامدانا نستوعب اننا مسافرين وانبسطنا وطفشنا وبعدين رجعنا بـ 22 الف ريال هههههه

وبالتوفيق لك اختي وربي يكتب لكم اللي فيه خير

حلووو و بصرااحه شفت للمالديف على القطريه طلعت لي بـ 6170 درهم

طيب حلوو اتفقنا بنروح مالديف

هيا الحين كملوا جميلتكم واعطوني جزر حلوه فيها


ويا سعفه وليفه اناا قبل كم شهر راجعه من اوروبا وعلى قولتك لو لكي فترة ما سافرتي وتجين اخر شي على سفره 3 ايااام و بنفس المبلغ تقدرين تسافرين مكان ثاني بأكثر من 3 ايااام لا والله اسافر فترة اطول خخخخخخخ

لا بس اناا سفرتي كانت للنمسا و فرنسا و اسبانيا وايطاليا وكلفتني 40 الف مع طيران الداخلي

وينكم ؟؟ يااهو مافي مسااعده وينك مشرفنا ؟؟

رغم ان بورا بورا الفرنسية الاجمل الا انها الاغلى


انسب الخيارات من هالقائمة المالديف و الاسعار تتراوح بين 25 الف لاسبوعين الى اكثر . لان زميلي دفع باكيج 25 الف اسبوعين في اماكن جدا نظيفة هناك

هلا بك اختي
بالنسبة للمكان الاجمل واللى راح يناسب ميزانيتك وراح تحسي فية بالرومنسية وتغيير الجو وعن تجربة
انا انصحك بالمالديف ولمدة 6 ايام
حترجعون عرسان جدد
بالتوفيق

طيب و الوقت الي اخترته منااسب ؟؟ للمالديف ؟؟ والا افضل اغير الوقت

و بعد وش الفنادق الي تنصحوني فيها ؟؟