السلام عليكم
اناالآن في المالديف انا وزوجي..
مشكلتنا اننا حجزنا في فندق الهيلتون كونراد بالذات لتعدد انشطته ولكن المكتب اتم الحجز لفندق الهيلتون فرع ثاني له يسمى الايرو فوشي ..
صحيح انه جديد وراقي ولكن للأسف تكاد تنعدم فيه الأنشطه الممتعه ..
_ فرحلةالصيد كلها فُل وقالوا بنحطكم انتظار لمدة اسبوع قدام .. لكن انا حاسه اننا بنطلع من المالديف وهو ماجانا الدور ..!
_ وبالنسبه للغوص لأنني مااعرف اسبح فزوجي رافض رفضات تاما .. ويقول بأانها مخاطره ..فهل يمكنني الغوص دون التمكن من السباحه ام لا ..؟؟؟ لأن ودي اغوص مررره
_ وبالنسبه للسباحه في البحر .. انا ودي اسبح بس للأسف المنتجع مليء بالناس وخصوصا الأجانب صحيح ان الأجنبيات هنا كلهم بالمايوهات ومفاصيخ ..لكن ولو ماطاوعني قلبي اسبح بملابس السباحه قدامهم ...فكيف يمكنني السباحه هنا ؟؟؟
علما بأن غرفتنا تعتبر ووتر فيلا اللي تكون بوسط البحر ..وعمق الماء عميق نوعا ما .,.
_ المشكله الثانيه كل العاملين مايتكلمون عربي ابد ابد... فصايرين انا وزوجي مانتكلم معاهم الا على خفيف او بالأشاره كأننا صم بكم ...

وترانا طحنا بمشكله كبييييره اول يومين .. الاوهي زوجي ماكان جايب معاه دولارات .. فقط العمله السعوديه ..\
وماكان عامل حسابه للفيزا ..كانت فاضيه .,
وهم طبعا مايعترفون بالعمله السعوديه ابدا .. ولم نستطع تحويل الريالات لدولارات ..
وكان يومها الخميس وتونا واصلين الصباح ويستحيل تحويل مبلغ من السعوديه على الفيزا لكونه يوم اجازة ..
ماتتصورون كيف توهقنا يومها .,.. بس الحمدلله فرجت الآن ..
وباقي لنا يومين وتنتهي مدة اقامتنا بالمالديف وللحين مااستمتعنا بالأنشطه الموجوده ....
وابي اعرف نصائحكم لما رحتوا للمالديف كيف استمتعتوا فيها

وشكرا ,,

مواضيع عشوائيه ممكن تكون تعجبك اخترناها لك: