الموضوع: محتاااار وأبي أحد يقنعني

السلام عليكم ورحمة الله وبركاته /

أخواني وأخواتي الموضوع وبما فيه أني محتار وين أقضي شهر العسل

طبعا راح يكون بتاريخ 12/9/2010

الحيره هي في تقاريركم لعبت فيني الصور اللي أشوفها لوووول

الموووهم وانا قاعد اشوف من هنا ومن هناك الين ماانحصرت حيرتي على ماليزيا + أوروبا+ الجزر

ماليزيا وجدت فيها الطبيعه وتعاملهم مع المسلمين بشكل جيد واحترام العادات والتقاليد والخصوصيه بالنسبه هع هع

أوروبا التعامل الراقي والاماكن السياحيه الممتازه والطبيعه الخلابه

الجزر وجدت فيها الاسترخاء والرومانسيه والمنتجعات الفخمه والتجهيزات الخاصه بالهني موون

وان قلت الجزر فا ماادري وش الفرق يعني لو اخترت المالديف او موريشيوس او سيشل كلها اشوفها مررره حلوه

يعني ودي احد يعطيني وش تفرق كل جزيره عن الثانيه بمعنى اصح وش ميزة موريشيوس عن المالديف أو سيشل

عطوني رأيكم اخليها جزر أو سحر الشرق ماليزيا (مدينة العرسان) او أوروبا

تحياتي لكم يلي وهقتوني بتقاريركم اللي تاخذ العقل

مواضيع عشوائيه ممكن تكون تعجبك اخترناها لك:

• الاوربيين واليابانين زعلانينن من المالديف
• ساعدوني رحلة مع رضيع الى سيشيل
• استفسار عن المالديف شهر عسل
• سؤال؟
• استفسار وشكر
• أحتاج المساعدة ضروري
• هل تستحق المالديف التجربة
• جزيرة في أبريل؟
• أفضل منتجع في المالديف
• الي خبراء موريشوس
• خيره وحيره
• مساعده من خبراء موريشيوس ضروري
• جدا هام مطلوب منكم التعاون
• كم تكلفة 10 ايام في المالديف
• اول مره فالجزر اساله اتمنى القى اجابات عليها
• ايهم اجمل الموريشوس او المالديف من تجربه
• أسئله مهمه اللي عنده خبره عن جزر المالديف وسبق ان زارها ؟
• ايام في المالديف ل افراد
• سؤال للي راح لماليزيا والمالديف
• يااهل موريشوس وش رايكم بالباكج حقي

هههههههههههه أعصابك أعصابك


أنت ويش تحب؟؟
تحب الرومانسية والإسترخاء والجلوس بالفندق ولا السياحة والفر من مكان لمكان؟
تحب الجو البارد ولا ماعندك مشكلة من الشمس والدفا؟

المشاركة الأصلية كتبت بواسطة مجنونة لندن
http://www.arabtravelersforum.com/tr...1/#post4020231

هههههههههههه أعصابك أعصابك


أنت ويش تحب؟؟
تحب الرومانسية والإسترخاء والجلوس بالفندق ولا السياحة والفر من مكان لمكان؟
تحب الجو البارد ولا ماعندك مشكلة من الشمس والدفا؟

لووووول هلا بك مجنونه لا مو معصب هذا يقولك من كثر الحماس والحيره ودي اقطع شوشتي

والله عرفتي اللي يقول بتاع كلوو احب الرومانسيه والاسترخاء واحب السياحه

لاسافرت نومتي ان طقت 4 ساعات والباقي تمشيات وفله

بس الحين الوضع اختلف فيه انثى تبي تدرعم حياتي هع هع

والبرد مااطيقه اللي نظام خذ لك جاكيت واقعد طقطق ضروسك من البرد عز الله ماانبسطنا

تحياتي لكـ بس ماادري اذا عندك فكره اوروربيه دامك خبلة لندن مسوي يموون هع

المشاركة الأصلية كتبت بواسطة بدر التركي
http://www.arabtravelersforum.com/tr...7/#post4020437

انصحك بالمالديف وممكن تضيف لها ماليزيا اوسريلانكا لأن المالديف كافي عليها اسبوع
وسيشل اتركها عنك مرة غالية
واذا المادة تساعد خلك ب اوربا لأنك باول حياتك وبتقدر على المصاريف والحياة فرص
الله يوفقك




هلا فيك اخوي بدر طيب وموريشيوس وش فرقها عن المالديف

حلو رأيك اضيف سيرلانكا بس ماليزيا صعبه لبعد المسافه عنها

طيب كأني حسيت من كلامك أن أوروبا افضل منهم بشرط توفر الماده طيب ليه ؟؟

وش اللي يميزها عن الجزر وماليزيا ؟؟

المشاركة الأصلية كتبت بواسطة Ignor
http://www.arabtravelersforum.com/tr...2/#post4021062

المالديف وسيشل السياحه فيها تكون بحدود المنتجع اللي تسكن فيه
لكن موريشيوس غيييييير فيها أماكن سياحيه تقدر كل يوم تنظم مع الفندق او المنتجع جدول رحلات سياحيه




الله عليك ignor كذا عرفت الفرق بين الجزر الثلاث

يعطيك العافيه وماقصرت طيب ماعطيتني رأيك بالنسبه اوروبا او ماليزيا او جزر ؟؟

انا اشوف انو اوربا بتكون باردة فما تناسبك

اما الجزر ممكن تناسبك جوها رطب و حار بس لطيف عموما

خلي الفرفرة خلاص

و لازم تروق بشهر العسل

الله يوفقك


و بعدين لازم تسئل الطرف الاخر إش يحب برضو ؟؟؟؟

المشاركة الأصلية كتبت بواسطة سالي كروي
http://www.arabtravelersforum.com/tr...1/#post4022441

انا اشوف انو اوربا بتكون باردة فما تناسبك

اما الجزر ممكن تناسبك جوها رطب و حار بس لطيف عموما

خلي الفرفرة خلاص

و لازم تروق بشهر العسل

الله يوفقك


و بعدين لازم تسئل الطرف الاخر إش يحب برضو ؟؟؟؟




يعني بشهر 9 / 2010 أوروبا بتكون بارده؟؟ كذا كنسلها من البال حلوو


ومن ناحية أسئل الطرف الآخر الخطه ودي تكون مفاجئه لها مااقولها

الا بس جهزي شنطتك وين بنروح وعند مين لووول ماراح اقولها

لكن مافيه مانع اسئلها بطريقه غير مباشره مثلا عن المكان اللي

تتمنى تروح له واقولها لا لا لا موب زين وعععع ههههه واخليه لها مفاجئه

طيب اخوي ماليزيا مالها كرت في شهر العسل مع اني كل ماشفت شخص متزوج

ورررر على ماليزيا مادري وش السر فيها؟؟

كلها حلوة وانت وراحتك وميزانيتك وظروفك

المشاركة الأصلية كتبت بواسطة ناسي626
http://www.arabtravelersforum.com/tr...8/#post4030068

انا بشهر العسل رحت ماليزيا متنوعه حلوه جزر شواطئ شمس والجبال براد ومطر والمطر بكل الاوقات بماليزيا وتسوق ورخص يعني اللي بقوله تغيييير بما اته انتو توكم معاريس ما اخذتو على بعض فالاماكن المتنوعه تكسر الخجل شوي احسن من الجزر ومنحكرين بالفندق ومجابلين بعض
عن تجربه نصيحه مالييييييييزيا
وانت براحتك

كلامك اخوي ناسي مقنع جداً بس الشي اللي يمنعني ومتعبني أن ماليزيا عند الخليجيين
وخصوصا عندنا يالسعوديين باقي لها شوي وتصير من ضمن دول مجس التعاون فاهمني يعني
مابقى احد ماراح لماليزيا احسها صارت مستهلكه
يعني رايح لشهر العسل ابي أريح ماابي اقعد كل شوي اسلم على احد اعرفه هناك لووول
تحياتي

هههههههه ضحكتني على سالفة بتنظم لدول الخليج صاج والله تمشي وتقول هذا فلان وهذا علان
حيرتني والله يعني شكلك صارف النظر عن ماليزيا واوروبا بارده وانا ارشحلك بعد ماليزيا
الــــــمــــــالـــــــــــديــــــــــــــــــــ ــــــف
حيييييييييل عجبتني من تقرير الاخ السلطان من قطر

انا ماطلعت الا لدبي من زمان لعدم توفر المحرم بس لو يقول تروحين ماليزيا وتكاليفج علينا قلت لا لو شف تقارير ابو عزيز سويسرا واروبا عامة كان اخترت سويسرا او موريشيوس لأن انشطتها متنوعة اذا كان الطرف الاخر يهوى البحر واذا كانت تحب التسوق فتبي تخق على اوروبا والله يسعدك ويوفقك في حياتك ويجمع بينكم على خير

طيب ليه ما تروحون أسبانيا

المشاركة الأصلية كتبت بواسطة مشردة بلا خطيئة
http://www.arabtravelersforum.com/tr...1/#post4033661

انا ماطلعت الا لدبي من زمان لعدم توفر المحرم بس لو يقول تروحين ماليزيا وتكاليفج علينا قلت لا لو شف تقارير ابو عزيز سويسرا واروبا عامة كان اخترت سويسرا او موريشيوس لأن انشطتها متنوعة اذا كان الطرف الاخر يهوى البحر واذا كانت تحب التسوق فتبي تخق على اوروبا والله يسعدك ويوفقك في حياتك ويجمع بينكم على خير..
صح انا مع اختنا خد القمر روحوا اسبانيا ولكن شمال ولكن اجوائها حارة شوي اهاي رالحوا العام بشوال ويقولون حارة



تسلمين اختي مشرده على الدعاء الحلو يسلمك ربي من كل شر والله يجزاك خير

السوق مااظن ليه لانها اكيد بتكون طووول الفتره اللي ماقبل الزواج رايحه للأسواق كلها ومتشبعه منها

فكرة سويسرا خصوصا من بد الدول الاوروبيه تستهويني جاري التفكير فيها بس ماادري شلون بيكون جوها شهر 9

موريشيوس بصراحه هي اختياري لو وقع على الجزر ...



تحياتي لكـ والله يوفقك

المشاركة الأصلية كتبت بواسطة ام نوف الحلوه
http://www.arabtravelersforum.com/tr...1/#post4038151

انا من رايي الجزر احلى لانكم معاريس ومحتاجين الهدوء والرومنسيه
وكفايه عليها اسبوووع
وماتوقع المدام تبي اسواق لانها تعبت من الفرفره بالاسواق وهي تجهز



طيب والاسبوع الثاني وين ؟؟

لان اسبوع ونرجع خطأ هع هع

أم نوف تدرين مررره خاق على الجزر لكن يقولك اذا الشي زاد عن حده انقلب ضده وانا ماودي اطول فيها

يعني اسبوع حلو بس الاسبوع الثاني وين نروح انا تقريبا حاط من 15-17 يوم للهني مون



تحياتي

المشاركة الأصلية كتبت بواسطة خدالقمر
http://www.arabtravelersforum.com/tr...0/#post4038310

طيب ليه ما تروحون أسبانيا




أسبانيا حلوه لكن تنفع هني مون ؟؟

وماادري بتكون بارده بـ 12/9 ؟

تحياتي لكـ وأشكرك على إهتمامك

اخوي لاتتعدى المالديف ..

انصحك بماليزيا روووووووووووووووووووووعه
واذا حابه جزر موريشيوس براااااااااااااااااااااد وجميلة جدا

اسبوع موريشيوس واسبوع جنوب افريقيا
اذا نويت اعطيك رقم صاحب مكتب سياحي في موريشيوس اسعاره ممتازه ومستحيل تحصل ارخص منه
وريال مسلم وتعااااااااااااااااامله جميل
وتعرفت على زوجته

اختلفت الاراء والريال توهق .. اسمع طويل العمر .. اوروبا ما تنفع بهالوقت من السنه لانه يبدا البرد .. ماليزيا انساها لانه زحمه لا اله الا الله .. امسك مع الجزر .. وراح اشرحلك الفروقات بين الثلاث جزر وانته قرر مصيرك ..

المالديف :
الايجابيات : انته بشهر عسل ولا فكرت تسوي شي بعيد عن زوجتك راح تخرب يومك .. فخلك لاصق فيها وهالمكان تقدر تقابلها فيه وتتمشون وتتكلمون وتتعرفون على بعض اكثر من قبل الزواج .. الجو رايق وايد ومافي زحمه وكنكم عايشين بكوكب لحالكم .. انته كرجل تقدر تقزر يومك العاب بحريه وصيد والخ .. ومعظم فنادق المالديف تعامل اللي بشهر العسل معامه غير ولو تعطيهم خبر قبل ما توصل يكونو مرتبين لك جو في قمة الرومانسيه .. طبعا هذا يعتمد عليك وعلى الزوجه اذا جوكم رومانسي وهادي .. تتعشون مثلا على الشاطيء على ضوء الشموع والخ .. واسعارها معقوله .. وما انصحك بأكثر من اسبوع فيها .. والشعب مسالم ومسلم والاكل ما ينخاف منه .. التذاكر معقوله.. البحر فيه ميزه عن باقي الجزر .. تقدر تتمشى فيه على راحتك وما يوصل الى بطنك بصفه عامه .. يعني اذا ماتعرف تسبح مافي مشكله .. الله عاطنهم حيد على كل جزيره يمنع وصول الامواج العاتيه بس عموما شي جهات من الفندق اذا انته غاوي تطالع المحيط بتكون متوفره .. ( هالشي مش متوفر في باقي الجزر )

السلبيات : مافيها اماكن وايد تلفلفهم ..مافي مناظر طبيعيه .. انته والشاطيء والبحر رباعه .. واذا تفكر تروح العاصمه مالي ما انصحك لانه بعيده شوي ومافيها شي .. فنادق ال 4 نجوم عاديه جدا والخدمه لك عليها .. عموما المنتجعات اغلبها متوسطة الغلاء مقارنة بسيشل ..

مورشيوس :
الايجابيات : اذا انت تحب الطلعه عندك اماكن وايد تروحها .. واذا ما تحب الطلعه اقعد فالفندق مالك وما راح تفرق معاك .. الشعب مسالم جدا .. عندك خيارات بالفنادق من 3 - 5 نجوم وفيلل وشقق مفروشه .. بعكس المالديف اللي مافيها هالشي .. اذا اخترتها مو اقل عن اسبوع ومو اكثر عن اسبوعين ( يومين بيروحون على الفاضي وصول ومغادره )

السلبيات : المسافه طويله يعني اعمل حسابك (اذا انته بالسعووديه ) على 9 ساعات طيران على الاقل غير الترانزيت في دبي او الدوحه .. (اذا انته تبا جو رايق ورومانسي وناوي تتمشى ) .. اعمل حسابك انه يومك كامل يروح من الصبح لين المغرب تقريبا .. الجزيره كبيره بصفه عامه مقارنه بالمالديف وسيشل وفيها اماكن كثيره .. الاسعار معقوله بس التذاكر اغلى من سيشل ومن المالديف .. البحر اذا ماتعرف تسبح انسى موضوعه

سيشل :
الايجابيات : احسها خليط بين ايجابيات المالديف وايجابيات مورشيوس .. يعني اذا تبا تقعد بالفندق ما تطلع .. تقدر وخصوصيه عاليه وجو رومانسي على كيفك .. واذا تبا تطلع تقدر تطلع بس الخيارات محدوده لانه الجزيره تعتبر بين مورشيوس وبين المالديف مساحةً .. عندك خيارات بالفنادق بين 3 - 5 نجوم .. بس طبعا الخمس نجوم احلى وارقى .. التذاكر معقوله ..

السلبيات :
اسعارهم نااااار .. اي مشوار وانت مبتسم جهز 200 يورو .. ماعندك اماكن كثيره تروحها .. تقدر تلف البلد ب 4 ولا 5 ساعات .. حدها بالسفر اقل من اسبوع .. المنتجعات اغلبها غاليه .. واتفه شي تشتريه غالي يعني بختصار البلد غاليه ..
.. مافي بحر مثل المالديف والشاطيء مش كبير مثل المالديف واذا ما تعرف تسبح لا تتهور (محيط )

واي معلومات اخرى نحن فالخدمه ..

نصيحه شوف الامارات للعطلات بس قبل ما تتصل حدد اليوم اللي تبغي تسافر وترجع فيه وعدد الليالي وقارن بين الاسعار .. واقترح عليهم بجت معين راح يساعدونك ..
وسوري على الاطاله

اعتذر عن تاخري بالحضور و الرد وذلك بسبب تجهيزي للعرس وانتم عارفين الوقت ضيق مررره وأشكر لكم إهتمامكم

أختي عرووس يعطيك العافيه يعني تنصحيني اخذ رقم المكتب واخليه يحجز لي من هناك الفنادق ولا اخذ بكج من طيران الإمارات وش الافضل ؟؟

اخوي خربش وربي انك ريحتني بالعربي عطيتني الزبده وهذا اللي كنت محتاجه ايجابيات وسلبيات بالمختصر المفيد

ومدامنا بالجزر وش قالت جزيرة بالي ؟؟

شاكر لكـم إهتمامكم

تبي نصيحتي
خمس ايام في المالديف وخمس ايام في سنغافوره
بتكون كذا جمعت بين الجزر والمدن والاسواق
بس الله يعينك المالديف حيل غاليه اللي بتصرف في ماليزيا لمدة اسبوعين بتصرفه في المالديف خمس ايام من فنادق وطيران ومنتجعات

وبالتوفيق وجمع بينكم على خير

انا أرشح وبقوووووووووووة موريشيوس
رحت شهر العسل ماليزيا لكن لما رحت موريشيوس ندمت على شهر العسل اللي قضيته بماليزيا
لايزعلون علي عشاق ماليزيا وعلى فكرة انا بعد من عشاقها لكن بغير شهر العسل لأن مافيها خصوصية ومليانه عرب
اما موريشيوس مع اني رحت لها قبل ثلاث سنوات في عز الاجازة شهر سبعة ماصادفت عرب الا عائلتين فقط بكل مدة زيارتي لها والله انها رووووووووووعة لشهر عسل لكن اهم شي تأكد من الجو في شهر تسعة انا بالنسبة لي كانت سفرتي بسبعة الجو شي خياااالي
وعلى فكرة السياح اللي بموريشيوس غير سياح جنوب شرق اسيا سواء عرب او اجانب سياح الجزر غير

أنا أشوف أنه على حسب ميزانيتك

اذا ربي فاتحها عليك شل ماليزيا من حساباتك

الجزر فيها الرومانسية والهدوء وتصلح للي توه متزوج