استفسار لقضاء ايام في مسقط

**ahmedali** · 01-16-2015, 05:56 AM

السلام عليكم

انوي الذهاب إلى سلطنة عمان بعد اسبوع من الآن

والرحلة ستكون من البحرين إلى (مسقط) مطار السيب بالطيارة

عند الوصول بالسلامه إن شاء الله بحتاج آخذ سيارة إيجار

سأكون في مسقط لمدة ثلاثة ايام

بعدها سأتوجه إلى منطقة صوور لمدة ثلاثة ايام

استفساراتي؟

- ايمهما افضل إستأجار سيارة من المطار او خارج المطار؟

- كم سعر ايجار السيارة الصغيرة الإقتصادية وكم سعر التأمين؟ (طبعاً سعر تقريبي)

- كم تبعد المسافة بين منطقة السيب في مسقط ومنطقة صوور؟ وماهو طبيعة الطريق بين المنطقتين؟

- بالنسبة إلى السكن في المنطقتين اين اجد فنادق اقتصادية؟

وشكراً

مواضيع عشوائيه ممكن تكون تعجبك اخترناها لك:

**alifun** · 01-16-2015, 05:56 AM

للرفع للرفع

**ahmed2** · 01-16-2015, 05:56 AM

اهلا وسهلا بك في بلدك الثاني سلطنة عمان

ايمهما افضل إستأجار سيارة من المطار او خارج المطار؟
الافضل على حسب اعتقادي من خارج المطار،، دايما في المطار الاسعار غالية

- كم سعر ايجار السيارة الصغيرة الإقتصادية وكم سعر التأمين؟ (طبعاً سعر تقريبي)
لا اعلم صراحة

- كم تبعد المسافة بين منطقة السيب في مسقط ومنطقة صوور؟
من السيب الى صور تقريبا 300 كم ولكن يوجد طريق جديد بحري يربط قريات بصور.۔ طوله 80 كم فقط.۔
وتبعد قريات من السيب تقريبا 120 كم ،، لأن السيب ولاية في محافظة مسقط وتبعد عن مركز المحافظة 40 كم تقريبا

وماهو طبيعة الطريق بين المنطقتين؟

كما ذكرت لك من قريات الى صور طريق بحري جميل جدا..

- بالنسبة إلى السكن في المنطقتين اين اجد فنادق اقتصادية؟
لا اعلم .۔

بالتوفيق لك

**ahmed3** · 01-16-2015, 05:56 AM

بإمكانك التوقف في قريات لأنها ايضا جميلة وتجلس فيها يوم او يومين

**ahmedali** · 01-16-2015, 05:56 AM

يا هلا وغلا باهل البحرين دار الزين عذرا على التاخير
بتنور عمان ...۔
طبعا الاخت فاطمه ماقصرت واستفساراتك في محلها
بس ممكن اعقب على كلام الاخت فاطمه بأن استأجار سياره من خارج المطار افضل بكثير وسعر السياره الاقتصاديه مثل ما طلبت ما راح يكون اكثر من 10 ريالات عمانيه او في هذا الحدود تقريبا
وبالنسبه للطريق بعد ما كنا نقضي 3 ساعات من مسقط الى صور اصبحت ساعه واحده بفضل الطريق ا لبحري المختصر والطريق جدا ممتع وراح تشوف مناظر حلوه ان شاء الله
بالنسبه للفنادق او الشقق الرخيصه ممكن تسال صاحب التاكسي يوصلك الى شقق فندقيه واسعارها بالتقريب بين 15 الى 20 ريال عماني وعادي ياخوي لا تتخوف من شي اسأل اي شخص بالشارع ومتاكد محد راح يقصر بشي ترا كلهم اهلك وناسك
اما بالنسبه للسكن بصور فليس لي خلفيه واتمنى احد من صور يجاوب على سؤالك واذا ما صار ممكن تسال اهناك وراح يدلونك انشالله

كان ودي اخدمك اكثر لاني ماراح انسى وقفتكم معاي بالبحرين اهل الطيبه
بس هذا اللي عرفته واذا عندك اي استفسار لا تتردد

**ahmedali** · 01-16-2015, 05:56 AM

مرحبا ....۔ اكيد تكون وصلت عمان بالسلامة

عموما انا اشوف ان صور يكفيها يوم وليلة لا تنسى راس الحد وهوية نجم اسال عن ها المعالم بليز وقريات وقراها تكون نفسها على نفس الطريق تقدر توقف وتاخذ صور

عاد انا انصحك والله انك تروح صحراء بدية في منطقة الشرقية وتبيت في المخيم هناك واو ليلة ولا اروع في الصحراء

وانصحك تروح منطقة الداخلية هذة تحتاجد يوم كامل وبتمر على قرى الداخلية بالطبيعة والجبال الشامخة والقلاع وكلها تتشابه لين توصل نزوى شوف القلعة وبعدين بعد نزوى روح منطقة تنوف وكهف الهوتة وارجع الى مسقط بالسلامة عشان ترتاح

وبعدها خذ منطقة الباطنة ورح الرستاق ونخل عشان تشوف عين الكسفة وتغتسل من مياها وانت راجع اوقف في بركا مصانع الحلوى هناك واطلب حلوى عمانية بالزعفران وااااااااااااااااو

واقضي اليومين الباقين في مسقط فديتها اجلس على مقاهي شارع الحب ( ما ادري ليش يسموه كذيه ) هذا في منطقة الشاطي

وهناك السينما والفنادق

عندنا كم مجمع مثل السيتي سنتر اللي بالقرم او اللي بالموالح

عاد اذا ما رحت مسقط القديمة ومنطقة البستان والخيران والسيفه بتندم صدقني

اما ملاهي وترفيه مثل اللي بدبي لا تحلم تلقى في عمان

عمان هادئة مثل شعبها وتنام من بدري

لا يردك الا لسانك لو بغيت اي خدمة

باي واستمتع ولا تنصدم من الهنوود تراهم واقع مرير في حياتنا

اووووووووووو لا تنسى تروح مطرح وسوق الظلام