قطار سكاي بانكوك بتايا

**ahmedgaper** · 01-16-2015, 05:45 AM

الأعزاء خبراء تايلند الله لايحرمنا منكم ولا من خبرتكم ,, بودي أستفسر عن قطار بانكوك sky انا رحلتي قريبة جدا وناوي أول ما أنزل بانكوك أروح بتايا .. بس وش أفضل طريقة للذهاب لبتايا .. فيه ناس تقول تاكسي المطار أفضل وفيه ناس تقول تكسي خاص كامري 2004 وفيه ناس تقول القطار أحسن وأرخص وأسرع ..

سؤالي هو للي جرب القطار : هل القطار أفضل وأسرع ؟ وهل هو داخل حرم مطار بانكوك يعني أقدر أحجز من أول ما أطلع من صالة المطار ذهاب وعودة أو ذهاب بس ..؟ ووين يتوقف القطار في بتايا ؟ وهل أقدر أحجز للعودة أول ما اوصل إذا كان زحمة وإلا برحة ؟

لاخلا ولا عدم منكم ... الله يوفق ويرزق وييسر أمور كل من يجاوبني ويعطيني الجواب الشافي ...

مواضيع عشوائيه ممكن تكون تعجبك اخترناها لك:

**ahmed1** · 01-16-2015, 05:45 AM

السكاي ترين ،، ليس له خط الى بتايا ،،

خطوطه فقط داخل بانكوك وله خطان واحد اسمه سوكموفيت والثاني سيلوم ،،

في موضوع مصور وشرح لطريقة استخدامه في قسم التقارير ،،

اما عن افضل طريقة للذهاب لبتايا هي التاكسي والاوفر هي الباص من المطار مباشرة لانه سعر الباص رمزي تقريبا 140 او 150بات ،، اما التاكسي من 1000 الى 1500 بات

**ahmed1** · 01-16-2015, 05:45 AM

انا جربت التكسي وجربت الباص

لكن اشوف انه الأفضل الباص لعدة اسباب :
- الباص عالي و قزازه كبير و يسمح لك تستمتع بمشاهدة الجمال والطبيعة التايلندية !
- الباص طريقه سريع لبتايا و اسرع من التاكسي لانه ممكن تطيح في سواق تكسي مايتعدى الـ 80 طول الطريق !
- الباص كراسيه مريحه جداً جداً و واسعه يعني تقدر تمدد الكرسي و تريح
- التكاسي مشكلتها انت ونصيبك ممكن يطلع سواق التكسي كلامه كثير او كل شوي يوقف يرتاح او يكون نعسان طول الطريق مثل ماحصل معي بأحد المرات أو أو أو ،

**ahmedali** · 01-16-2015, 05:45 AM

في تاكسي من المطار وباص
طبعا الباص ارخص بكثير سعره يتراوح 150 او 170 بات
اما التاكسي 2600 بات لانك مجبرو تاخذ تاكسي من المطار بعد ما امنعوا التكاسي الخارجية وهذي التكاسي اضمن او على حسب نوع السيارة
فاذا انت معاك حقائب كثيرة وما تبي تشيل وتمشي مسافة خذلك تكسي وريح راسك

**ahmed3** · 01-16-2015, 05:45 AM

سعر مبالغ فية 2600 شئ غريب

**ahmedgaper** · 01-16-2015, 05:45 AM

الافضل تروح بالبــــــــــاص , ارخص واحلى ,,

**ahmedali** · 01-16-2015, 05:45 AM

مشاء الله انا ماراح ازيد على كلام الشباب لأنهم ماقصرو , لاكن توضيحي هو انه صحيح تم منع التكاسي الخاصه لاكن هذا ما يمنه انه لا وجود لهم بلعكس عندمى ترخج من بوابه المطار راح تلاحض في الممرات العلويه إلي تتوجه إلى المواقف الخاصه لسيارات راح تلاحض انه في ناس راح تصفر لك او تأشر لك و تقولك بتايا او تكسي ف ممكن انك تروح و تتفق معاهم على المشوار بس للأسف راح تواجه مشكله في التفاهم معهم للأنهم يخافون يتكلمون علني خصوصآ بعد قرار منعهم من الدخول مع العلم انه راح يواجهون غرامات عاليه , و من واقع خبرتي البسيطه التي تعدت 7 زيارات ل تايلاند الجميله السعر بلنسبه لي ما تغير و إلي هو 800 بات شامل ضريبه الطريق , لاكن بلمقابل راح تواجه أسوء السيارات و اسوء السواقين إلى من رحم ربي .

و اتمنى التوفيق و السلامه لنا و لكم . و شكرآ

**ahmed2** · 01-16-2015, 05:45 AM

ألف شكر لكم إخواني وأخواتي ماقصرتوا الله يجزاكم الجنه .. كفيتوا ووفيتوا .. الحين أقدر أعرف وش أنا عليه وصارعندي الدرايه بالموضوع وهذا بفضل الله ثم بفضلكم الله لايخلينا منكم ..

الله يرزق ويوفق كل من رد علي ويباركله في رزقه ويحفظه ..