كيف أحجز فندق في المالديف

**ahmedali** · 01-16-2015, 05:16 AM

السلام عليكم

يا ليت اللي عندهم خبرة يعلموني إذا في إمكانية حجز فندق في المالديف بطريقة غير المكاتب السياحية لأني لقيت فرق في الأسعار شي خيالي بين المكاتب و الـonline و إذا احد منكم عنده خبرة عن فنادق سعرها معقول و تكون ممتازة يعلمني لأني ناوي أروح بس ميزانيتي تعبانة حبتين ؟

و أكون شاكر للجميع

تحياتي

مواضيع عشوائيه ممكن تكون تعجبك اخترناها لك:

**ahmed1** · 01-16-2015, 05:16 AM

وعليكم السلام ورحمة الله وبركاته

اتمنى ان تاخذ القليل من وقتك لقرائة المواضيع الموجودة في البوابة اخترت لك منها

http://www.arabtravelersforum.com/travel342730/

http://www.arabtravelersforum.com/travel345958/

http://www.arabtravelersforum.com/travel346347/

وعموما اللي بتوفره في السكن راح يطلعونه منك بتذاكر الطيران اللي هي بتكون مرتفعة جدا اذا اخذتها "حاف"

لكن ماعندك ان شاء الله مشكلة

عندك 5 شركات تفكر فيها خليني اذكرها لك

الأماراتية عن طريق دبي

القطرية عن طريق الدوحة

العمناية عن طريق مسقط

والسيرلانكية عن طريق كولومبو (سيريلانكا)

والسعودية عن طريق كولومبو

اذا وفقت بسعر طيب وغالبا راح يكون الى كولومبو راح توفر كثير

وبرضه فيه اسعار ممتازة للمنتجعات من المكاتب السياحية في كولومبو للمالديف مع تذكرة الطيران طبعا

ما اعرف اي من هذه المكاتب لكن ممكن تبحث عنها في النت او ممكن تسافر وتجلس يومين في سيرلانكا ومن هناك تحجز وتسافر

ام شيء ائمن تذكرة السفر من والى سيرلانكا والفندق هناك قبل السفر

باكجات القطرية اللي منزلينها جدا مغرية اسعارها وهي عبارة عن باكج يشمل

طيران (الدوحة مالي الدوحة) على الدرجة السياحية
المواصلات
الفندق لشخصين لمدة 4 ايام و3 ليالي
وجبة الأفطار
الضرائب
يبدأ السعر من 16 الف ريال والليلة الاضافية من 1720 ريال

مثال الباروس يطلع 17 الف لمدة 5 ايام و4 ليالي

مثال اخر الفور سيزون مع مسبح 13420 لمدة 4 ايام و3 ليالي (فقط للفترة بين 12 ابريل الى 30 ابريل)

والعروض متنوعة منهم ونفس الشيء بالنسبة للأماراتية اسعارهم قريبة جدا

لكن لاتنسى ان القطرية من الدوحة وبدون عشاء وهذا يفرق كثير
وانا وضعت لك اسعار الباكج فقط لغرض المقارنة يوم ما تجمع مصاريف رحلتك بالطريقة اللي تفضلها

اتمنى لك التوفيق وتحقيق مرادك