الموضوع: ما هي المناطق السياحية فيها والمعالم البارزة والأسواق الشعبية والمجمعات والفنادق مسقط

و عليكم السلام و رحمة الله

هلا اختي امواج


بالنسبة لمسقط انا أفضل اول يوميين تاخذون لكم تاكسي عشان يعطيكم اسرار البلد و من ناحية الاسواق أعتقد ما فيها الا سوق توه مفتتح جديد و الا قبل سنه ما كان فيها اي شي اسواق عادية جداً و اسواق شعبية جداً

تبين الجد ما فيها الا الكورنيش اللي يفتح النفس و شوي من منطقة السيب لكن ما تستاهل اكثر من 3 أيام

و آسف كل زياراتي لمسقط خطافيه ما تتعدى يومين و تكون لاماكن معينة لكن ما يمنع من الشوي على البحر اللي تنقصه بعض الخدمات و عيب مطاعمهم اللي ما تقعد الا الى 1 بالليل او قبل

و تقبلي تحياتي

أختي أمواج

يوجد مراكز تجارية في منطقة السيب مثل مركز البهجة يوجد به سينما ومطاعم السينما في الدور الأرضي والمطاعم في الدور الثاني

كارفور لكني لم أزر ذلك المكان لكنه قريب من مركز البهجة .

وأتمنى أن تزوري منطقة القرم ومطرح فيها أماكن حلوة ومرتفعات مطرح أو القرم بصرحة نسيت ماهي متزينة بالخضرة وبإمكانك الذهاب إلى الكورنيش مثل ما قال أخي كابيان .

يوجد مجمع مطاعم في القرم مطعم لبناني ومطعم صيني ومطعم دجاج تكا وبيتزا هت وهذا المجمع واقع في منطقة القرم على الطريق السلطان قابوس وأنتي متجهه إلى مسقط القديمة .

أتمنى أن أكون وفقت لإجابتك .

أخوك : ناظم

مسقط

بالبداية بعد العيد وقت جيد لمسقط بس إذا أخرتي لغاية شهر يناير يعني بعد عيد الأضحى يكون افضل لأن مهرجان مسقط إبتدأ و راح تتجمع كل عمان في مسقط

الأسواق

السيب ( بهجه - سيتي سنتر ) طبعاً هذوله مركزين كبار و في سوق السيب العام اللي يقع في السيب و فيه اشياء كثيره ( مثل سوق واقف يعني )

القرم ( مركز العاصمة - سابكو - خميس بلازا - العريمي - الوادي ) هذي مراكز تجاريه كلها عند بعض و عندك سوق مطرح اللي عند كورنيش مطرح و المينا طبعاً هذا السوق هو السوق التاريخي لمسقط هذا بجد سوق واقف

الأماكن الترفيهيه ( حديقة القرم الطبيعية )) و فيها مرح لاند للأطفال طبعاً

و الترفيه البحري - عندك منطقة السوادي و هذي قبل المطار و انت جاي من الإمارات تقريباً 45 كيلو و فيها 3 جزر قريبه مو بعيده و تقدري تروحيها بالقارب أو مشي اذا المايه رايحه

الجصه و هي منطقه بحريه للسباحه

و هذا موقع بلدية مسقط http://www.mctmnet.gov.om

نسيت اقول

و اي شي تبغين تعرفين حددي ( لأني بصراحه انسى اشياء ) و ان شاء الله راح ارد عليك

جزاكم الله كل خير وما قصرتوا .... انا الحين عرفت الأسواق .. بس ابي اعرف هل توجد بها اماكن سياحية مثل مناطق ترفيهية او متاحف او مناطق تاريخية مشهورة ؟؟؟
بعدين ماهو الشي اللي تشتهر فيه مسقط من بضاعة ؟؟؟

و آسف على التأخير