الموضوع: براغ صور شوي سوالف

السلام عليكم ياشباب ...
ابي اسولف معاكم شوي و اقولكم اشياء... :101:

من الصغر تعودت على السفر لدول الخليج بحكم زيارة الاهل ... ولا فكرت يوم اني اسافر لاوروبا او اي دوله اخرى... حتى العربيه. كنت اتمتع بوجودي في الخليج و عند ناسه الحلوين.:24:

و في سنة 2002 و اثناء جلوسي مع احد الزملاء اللي ماعندهم سالفه بالسفر ...:109: جاب طاري التشيك ما كنت اعرف وين مكانها حتى في اوروبا. و قهرني انه راح لها...:112: فابدائت اتجول في المواقع و اجمع الصور و بعد شهر من الدواره عزمت اروح و عزم معي 4 من الشباب ... لكن للاسف كلهم تراجعوا بسبب الميزانيه. و خلوني اغير الوجهه الى صلاله.

و كل عام احاول اروح لكن للاسف ما عندي خوي ينشد الظهر فيه.:109:

و عام 2005 و بعد ما وصل الشوق حده وانا بعدي ما شفتها. بديت احاول الاقي خوي بس زي العاده الشباب مفلسين :101:

:114: فكرت و عزمت السفر لوحدي .... ترن ترن .. ترن ترن .. رن تلفون مكتبي واذا هو واحد من الشباب اللي الاقيه كل يوم. و قلتله اني بسافر و عزم معي. اخيرا.....

انا ادري ان الموضوع متاخر لكن الاهم الصور فما بشرح السفره بتفصيل لاكن بعلق على الاماكن شوي...

الانطلاق الى المطار:

الخروج من مطار رزينيه ببراغ:



طبعا الجو كان بارد بعد مهرجان صيف الشرقيه :109:

في التاكسي الى قلب المدينه:





طبعا كنا متجهين الى مقر المكتب اللي اجرت من عندهم الشقه. في Wenslaces . و عند الوصول انصدمت :112: ان الشقه اجرت لشخص ثاني ... طبعا غلطتي لاني ما عطيتهم الفيزا نمبر. و بعد لف و دوران لقيت فندق بالقرب من محطة المترو Flora و اخذنا غرفه نستريح و ثاني يوم ندبر حالنا.
طبعا صحينا بعد نومة 4 ساعات لتجديد النشاط... و الوقت ما كنا عرفين وشهو ... بس كان نهار:109:
نزلنا للمطعم ... صاحبي اللي معاي اخذ ستيك دجاج . اما انا طلبت بطاطس :24: عشانه اسلامي 100%:109:

و طلعنا نتمشى ... و بلغلط لقينا المحطه Flora و نزلنا المتر ولا حنا عارفين شي :109: اهم شي كنت عارف القوانين و كانت عندي خريطه و اتكلنا على الله ودحدرنا تحت ....

خلاص خلاص الباقي صور ما بعلق :109:

هذا انا و خلفي المتحف






هذا Wenclases square من عند المتحف





يتبع ....

مواضيع عشوائيه ممكن تكون تعجبك اخترناها لك:

• استفسار عن شقق في بروكسل وامستردام
• الف مبروووووك للأخ الإنسياب المتزن الإشراف
• استفسار هل المرشد بالبوسنه ضرورى
• استفسار بخصوص السفر الى رومانيا
• تنصحوني بالمجر او النمسا
• خذلك مليون ريال سعودي ببلاش
• استفسااار عن الجواز الامريكي
• الفزعه تكفون ياعرررب ابي فيزا
• الشرق الأقصى الروسي فيديو كليب
• ليمووونة تستنجدكم يا اهل اوروبا
• انا خايف و متوترررر
• امستردامهولندا هانوفرالمانيا
• من هولندا لبلجيكا دلوني
• الشيك منو يفيدنا فيها
• خبراء بلجيكيا ، الفزعة ،
• جورجياشبق لا ينتهي
• أين أنتم يامغتربي بلجيكا لعلاج العقم
• العربية تنطلق لموسكو وإيكاترينبرغ
• من النرويج
• شوفوا اللي مكتوب فوق هالصورة حقارة

يعطيك العافية على البداية الرائعة

تاااااااااااااااااااااااااااااااااااابع

بالتوفيق الدائم للجميع

أخي الكريم

الله يعطيك ألف عافية على هذا التقرير المميز

والله أنك ذكرتني في عشقي العاصمة الجميله براغ

واصل أخي الكريم ، وسجلني من المتابعين لهذا التقرير

مع تمنياتي لك بالتوفيق

مشكور و الله يعطيك ألف عافية على هذا التقرير المميز

eyesmax
خـــوش سالفه
الله يكون في عــــــــــونك خلاص من اليوم وطالع بتصير مرشد سياحي من الدرجة الثالثة وأذا طلع التقرير الثاني بنغير التصنيف الى الافضل :109:

الله يعطيك العافية
ونتطلع الى المزيد
:smile106:

السلام عليكم....

اتشرف بمرور العمالقه اللي فوق. :101:

تصدقون .... انا اكتب واحط صور وبموت من الشوق لبراغ. لي 11 شهر من اخر مره رحت. والله ياشباب ما تولعت بديره كثرها.. حاولت ادخل بوابات واقراء عن دول ثانيه لكن نفسي ما تقبل :108:

و يوم الله يعطيني كم مليون بشتري بيت هناك :101: :24:


قريب نكمل المشوار

اما انا طلبت بطاطس :24: عشانه اسلامي 100%:109:





:109: :109:
طيب يمكن يكون مقلي بدهن الخنزير


المدينة من الصور شكلها مررة خطيييييييرة
بس ماقلت كيف الناس هناك (أهم شي عندي)
أغلبهم يهود ؟؟ ولا ؟؟؟

.
.

مشكوور eyesmax
بداية مرررة حلوة

ننتظر الباقي

Rima

مشكوره على المرور.....

البطاطس ... ما عطوني اياه دايركت .. قالوا لازم تطلب طبق رئيسي فاطلبت ستيك دجاج و قطيته.. كنت ميت جوع ولا صدقت يجيبونه


شباااااااااااب بنات بحاول اكمل بعدين احداث الشقه

المشاركة الأصلية كتبت بواسطة عاشق الطبيعة
http://www.arabtravelersforum.com/tr...1/#post1055421

تقرير في غاية الروعة وصور في غاية الإبداع يسلموووو يالغالي .



حياك الله و تشكر على الابداع

السلام عليكم...زي ما وعدتكم نكمل مع حفلة الشوي.

طبعا اندرو نزلنا البيت و راح يتقضى من السوق و كانت زوجته الين موجوده. المهم بعد ما رجع كان بصحبته سيرجو (شاب مهوي ماعنده مخ) :109: روسي الجنسيه.

طبعا حنا توقعنا الحفله كبيره وحركات طلعت مقتصره علينا 2 و هم 3 صرنا خمسه اشخاص. و هذا الشي خلانا نتسائل عن سبب الحفله :114: نقزت و سألته فا شرحوا لي السبب::::::::

هم يعتقدون ان مع بداية موسم التأجير اذا استأجروا منك شباب معناها الموسم راح يكون ناجح و بيربحون فيه.
لكن اذا المستأجرين بنات معناها خسرانين :109:

و من فرحتهم فينا سوو لنا حفله كلفتهم نص المبلغ المتفق عليه :109: :109: :109:

اتركم مع الصور.

هذا سيرجو الروسي يشب النار





فاجلسنا نشوي و كانت والجلسة في الحديقه.



لكن الجو صار صقيع و قررنا نكمل عشانا في الداخل. في الصوره اندرو يشب النار و زوجته ترتب الطاوله.







انتهت الحفله.


يتبع صور و معلومات متفرقه من براغ

تقرير جميل لمنطقه يجهلها الناس كثيرا
ولاكن ماهي اللغه المستخدمه في التشيك
مستوي المعيشه ي التشيك يقارد بدول اوروبا
والف شكر لك

المشاركة الأصلية كتبت بواسطة شيش ملك
http://www.arabtravelersforum.com/tr...1/#post1056151

تقرير جميل لمنطقه يجهلها الناس كثيرا
ولاكن ماهي اللغه المستخدمه في التشيك
مستوي المعيشه ي التشيك يقارد بدول اوروبا
والف شكر لك



حياك الله اخي الكريم.

اللغات المستخدمه في التشيك هي التشيكيه و الالمانيه والروسيه والانجلزيه. طبعا الاكثر انتشار بعد لغتهم الالمانيه "على ما اعتقد" لكن التواصل بالانجليزيه ليس صعب معهم... في المطار والفندق والمطاعم و الاسواق.

بالنسبه للمعيشه.. قبل لا اسافر كنت ادخل لتشات تشيكي و اسولف معاهم عرفت منهم ان متوسط الرواتب عندهم 15000 كرونا اي مايعادل 2600 ريال سعودي ( SAR = 5.71494 CZK )

انا يوما كنت اصرف اقل من 2000 كرون بين مطاعم و كافيهات و تذاكر لدخول الاماكن السياحيه ... علما بان العدد 2

الله يجزاك خير

ابدعت وتسلم ايدك

ومتابعين ان شاء الله

واوووو
الله يعطيك العافية على هالتقرير
كمل بعد نبغى اكثر عن التشيك
على اي خطوط جوية رحت؟ وكم كلفتك؟
وكم يوم جلست فيها؟

المشاركة الأصلية كتبت بواسطة راى
http://www.arabtravelersforum.com/tr...6/#post1057346

الله يجزاك خير

ابدعت وتسلم ايدك

ومتابعين ان شاء الله



حياك الله اخوي و نتشرف بمتابعتكم



[glint]يتبع ... بعدنا المشوار طويل[/glint]

المشاركة الأصلية كتبت بواسطة ريلام
http://www.arabtravelersforum.com/tr...0/#post1057500

واوووو
الله يعطيك العافية على هالتقرير
كمل بعد نبغى اكثر عن التشيك
على اي خطوط جوية رحت؟ وكم كلفتك؟
وكم يوم جلست فيها؟



اخت ريلام "واوووووو" هذي الصراحه حسستني اني مبدع و عبقري ولا فيه مثلي :113:

ان شاء الله بكمل و بدخل بالتقرير معلومات السفره الثانيه في شتاء 2006.

بالنسبه للخطوط كانت اللوفثهانز ... اما التكلفه كانت 3330 للتذكره من الدمام

و جلست هناك 14 يوم.

[glint]يتبع صور و معلومات على قد الحال [/glint]
:101:

يعطيك العافية يا عسل

ما شاء الله عليك ( أكمل ......................

بالتوفيق الدائم للجميع

ياحلــــــــــــــو أنت

حرام علـــــــــــــــــيك

طولت علينا حمستنا

أحنا معاك للآخر ,,,

أخي الكريم مشكور على التقرير اللطيف جداً ، ومهما قلنا في التشيك يضل مكسرين في حقها وخاصةً براغ.

المشاركة الأصلية كتبت بواسطة منصور عبدالرحمن
http://www.arabtravelersforum.com/tr...3/#post1059233

أخي الكريم مشكور على التقرير اللطيف جداً ، ومهما قلنا في التشيك يضل مكسرين في حقها وخاصةً براغ.





ايووووووه ... خبير التشيك وصل . :109:

كيفك عمده؟؟؟ الزبده حياك الله في موضوعنا و بنكمل معاكم قريب.




[glint]بكمل بعد شوي[/glint]

لاتقهرنا أخوي
خـــــــــــــلاص

أنا رايــــــح رايــــــح
بس بشرط


لازم تكووون معاي

المشاركة الأصلية كتبت بواسطة skr600
http://www.arabtravelersforum.com/tr...2/#post1061482

لاتقهرنا أخوي
خـــــــــــــلاص

أنا رايــــــح رايــــــح
بس بشرط


لازم تكووون معاي




:109: :109: :109: :109: :109: :109:
الولد شكله تولع مثلي

شوف لا تدخلني بمشاكل :109:

تعرف لو اروح التشيك لوحدي ... اتوقع زوجتي تجي ركض ... شهر العسل وديتها هناك اسبوعين .... و الى الان سنه و هي تحلم نروح مره ثانيه.... مشاء الله عليها تذكر كل زاويه.:109:

مشكور و الله يعطيك ألف عافية على هذا التقرير المميز

المشاركة الأصلية كتبت بواسطة asmar100
http://www.arabtravelersforum.com/tr...6/#post1062996

مشكور و الله يعطيك ألف عافية على هذا التقرير المميز



الله يعافيك و تشكر على مرورك



[glint]بعد شوي بكمل المشوار الى الجسر[/glint]

تشجيع شباب
يعيش يعيش السمك في الماء
يسقط يسقط المطر في الشتاء
ياويلك ان ماجيت اليوم ننتظرك عند الجسر , واصل ابداعك اخي eyesmax
لاتزعل من تشجيع اخوك الصغير

المشاركة الأصلية كتبت بواسطة eyesmax
http://www.arabtravelersforum.com/tr...0/#post1058210

وثاني يوم الساعه 7 الصباح و بعد القاء نظره من الدريشه لين صار ودي اقلب خروف من كثر الخضار والربيع :109:

:109: :109: :109:








المشاركة الأصلية كتبت بواسطة eyesmax
http://www.arabtravelersforum.com/tr...0/#post1061540

:109: :109: :109: :109: :109: :109:
تعرف لو اروح التشيك لوحدي ... اتوقع زوجتي تجي ركض ... شهر العسل وديتها هناك اسبوعين .... و الى الان سنه و هي تحلم نروح مره ثانيه.... مشاء الله عليها تذكر كل زاويه.:109:




أول مرة أسمع عن عروس تروح شهر عسل لوحدها:109: :109:

متابعين لهذا الأسلوب الشيّق

الموضوع رووووووعه . والصور أروع . استمر الى الأمام .وكمل الموضوع لوسمحت .:x1: :24: :106:

ما شاء الله


جميل جدا

كأنك طولت الغيبة ... ولا انتهى الموضووووووع .... ولا أنا أبالغ شوي ؟:105:

السلام عليكم


انا جيييييييت :101: :101: :101: :101:

اسف على التاخير

اليوم او بكره ان شاء الله نكمل معكم

:15:

متابعتك من فتره في هالموضوع بس بهدوء

المشاركة الأصلية كتبت بواسطة ~ كاس عسل ~
http://www.arabtravelersforum.com/tr...1/#post1079281

:15:

متابعتك من فتره في هالموضوع بس بهدوء




خييييييبه ... والله ينخاف منك انتي .. تشتغل من تحت لتحت :101: :109:

اقولك انا وهلي من كثر ما نبي التيشك نفكر نهاجر و نشتغل في مطعم هناك:109:

:105: :105: :105:
:112: :112:
وش جاب عجوز النار في موضوعي
:112: :112:
:105: :105: :105:

شكله موقع التحميل


عموما نتشرف بمرورك اختي و انصحك تروحين و احلى شي في موسم التخفيضات بتتسوقين اشياء على كيفك و لا في مثلها في عريبيه.

شكرا اخي على تقريرك الخفيف الظل...عن براغ و كنت اود الاستفسار هل الجولة اقتصرت على براغ فقط ام مدن أخرى

تحياتي

المشاركة الأصلية كتبت بواسطة nouran
http://www.arabtravelersforum.com/tr...4/#post1079384

شكرا اخي على تقريرك الخفيف الظل...عن براغ و كنت اود الاستفسار هل الجولة اقتصرت على براغ فقط ام مدن أخرى

تحياتي



مرحبا اخ الكريم...

الجوله كانت في براغ و كالوفيفاري...

لكن المتعه بالنسبه لي في براغ و حتى في زيارتي الثانيه ما طلعت من براغ

حذفتها

[CENTER]السلام عليكم..

في البدايه اعتذر من كل الزوار الكرام على التاخير.. المزاج كان مقفل:105: ولا لي خلق اكتب حرف واحد ... بس ولا يهمكم رجعنالكم وحاضرين لاستفساراتكم.

في اخر مشاركه كانت الصور للجسر الشهير و بعض المناطق المحيطه. و مثل ما قلت لكم الجسر كان احد احلى البرامج اليوميه عندي كنت امره من 3 الى 4 مرات يوميا و اوقف عن كل واحد يبيع او يسوي حركات:109: . نكمل مشوار الصور.

هذا واحد مركز .....:109:


من على الجسر ... تمنيت بيتي هناك :110:



هذا مجسم ومن كثر ما يمسحون عليه صار يلمع :109: ... كل اللي يتباركون فيه بنات :114:



شي جميل ثاني صادفنا و حنا نمشي..قروب من الصينين مسوين زواج و كانوا يتمشون في كل مكان... الصراحه فكره حلوووووه و لو اني مب مسلم سويتها :109:

صوره جميله لقلعة براغ من الجسر

[glint]يتبع ما بعد الجسر[/glint]

الغريب انه بالصيف و الناس لابسة جاكيتات

مع إن شهر 6 الجو حار بالتشيك



كمل يا غالي .. متابعينك و نسترجع ذكريات باريس الشرق ( براغ )

المشاركة الأصلية كتبت بواسطة سيفين و نخلة
http://www.arabtravelersforum.com/tr...3/#post1079643

[img]

الغريب انه بالصيف و الناس لابسة جاكيتات

مع إن شهر 6 الجو حار بالتشيك



كمل يا غالي .. متابعينك و نسترجع ذكريات باريس الشرق ( براغ )



مرحبا اخوي و حياك الله في الباص :109:

الجو كان بارد درجة الحراره في النهار من 13 الى 19 في اسوء الاحوال .. اما في الليل كانت تنزل الى 8 درجات. لكن بين فتره والثانيه اشيل الجاكيت.

أخي الكريم " eyesmax " ..

سلمت الأيادي على هذا التقرير الممتع والصور الرائعة لمدينة جميلة ومريحة ..

كتب لي زيارتها في 2002 .. وأتوق لزيارتها دائماً ..

تحياتي ،،،

شوف عام 2005 شهر سته كان برد بعض الايام من شدة البرود نشغل الدفايات والسنه اللي بعده حر تبهذلنا يوم مطر وبراد وعشره حر

سنة 2006 التشيك جاها موجه حر قويه

شكرا على التقرير

المشاركة الأصلية كتبت بواسطة أوبرا
http://www.arabtravelersforum.com/tr...4/#post1089024

أخي الكريم " eyesmax " ..

سلمت الأيادي على هذا التقرير الممتع والصور الرائعة لمدينة جميلة ومريحة ..

كتب لي زيارتها في 2002 .. وأتوق لزيارتها دائماً ..

تحياتي ،،،




الاخت اوبرا تسلمينلي على الكلام الطيب....

المشاركة الأصلية كتبت بواسطة smart82
http://www.arabtravelersforum.com/tr...6/#post1089146

شوف عام 2005 شهر سته كان برد بعض الايام من شدة البرود نشغل الدفايات والسنه اللي بعده حر تبهذلنا يوم مطر وبراد وعشره حر

سنة 2006 التشيك جاها موجه حر قويه

شكرا على التقرير



كلامك صحيح اخوي ... :24: و بعدين لاحجه الشرع ... الكل ياكل خبز :109: :109: :109:


اذا انت موجود اخذ تقريري و ابله واشرب مايه :109: انت راعي التشيك و لا انا :108:

:109: :109: :109:

المشاركة الأصلية كتبت بواسطة eyesmax
http://www.arabtravelersforum.com/tr...3/#post1090933

كلامك صحيح اخوي ... :24: و بعدين لاحجه الشرع ... الكل ياكل خبز :109: :109: :109:


اذا انت موجود اخذ تقريري و ابله واشرب مايه :109: انت راعي التشيك و لا انا :108:

:109: :109: :109:



العين ما تعلى على الحاجب

اخي العزيز اشكرك جزيل الشكر على هذا الابداع ولدي استفسار لو تكرمت
انا انوي السفر للتشيك تقريبا في 30/6/2007 ولمدة شهر
كم الميزانية المتوقعة لشهر كامل شاملة كل شي من والى بدون التذاكر طبعا
تقبل تحياتي
اخوك وبران

والله حلوة البلد تسلم ايديك على التقرير الحلو والمميز وتحياتى لك .وعندى لك سؤال وش اسمالشارع الرئيسى فى براغ واللى فيه اكثر اماكن التسوق؟؟

تقرير رائع و مدينة تستحق الزيارة
في صيف 2005 اخذت التأشيرة و حجزت
لكن الله ما كتب لأني ما لقيت مرافق
و قلبتها كندا
لكن ان شاء الله رايح رايح في 2007
الله يعطيك العافية على التقرير

المشاركة الأصلية كتبت بواسطة wbran
http://www.arabtravelersforum.com/tr...5/#post1094355

اخي العزيز اشكرك جزيل الشكر على هذا الابداع ولدي استفسار لو تكرمت
انا انوي السفر للتشيك تقريبا في 30/6/2007 ولمدة شهر
كم الميزانية المتوقعة لشهر كامل شاملة كل شي من والى بدون التذاكر طبعا
تقبل تحياتي
اخوك وبران



السلام عليكم ... اخ وبران حياك الله في موضووووعي :101:

بالنسبه للميزانيه..... الصراحه سؤال يحير. لكن بتكلم شوي.
اول شي تعتمد على المدينه اللي بتسكن فيها. فا براغ اغلى مدينه في التشيك. لو قلت شهر في براغ تكلفه الشقه من 5000 الى 10000 ريال عن طريق
http://www.flats.cz/shortterm.php
الشباب تعامل معاهم و زرتهم في مكتبهم و هم جادين. لكن للاسف ما اجرت من عندهم بسبب غلطه مني. وعلى فكره تقدر تفاوضهم بالسعر.

ثانيا ... المواصلات طبعا بالمترو ما راح تكلفك شي . انا كنت اخذ تذكرة 14 يوم باقل من 50 ريال. لكن تاكد من وجود التذكره معاك على طول.

الاكل و المطاعم ... ما ادري ... تعتمد عليك ... بس اسعارهم عاديه.

بالعربي انا لو بجلس شهر باخذ معي اقل شي 30 الف ريال ... طبعا شامله التذاكر 6600

المشاركة الأصلية كتبت بواسطة saeed20061
http://www.arabtravelersforum.com/tr...0/#post1095500

والله حلوة البلد تسلم ايديك على التقرير الحلو والمميز وتحياتى لك .وعندى لك سؤال وش اسمالشارع الرئيسى فى براغ واللى فيه اكثر اماكن التسوق؟؟



الله يسلمك اخ سعيد الفين و سته :101:

براغ كلها محلات ... بس التمركز الاكثر من المتحف "وينسالز سكوير او ما شابهها:109: " الى الجسر.

اخي العزيز الله يعطيك الف عافيه ويطول بعمرك عندي استفسار بسيط

هل جربت السكن في الريف التشيكي ؟؟ انا من هواة الاسترخاء والاستجمام احب اسكن في فيلا يكون فيها مسبح وتكون امنه طبعا ..... هل يوجد هذا الشيئ هناك واي الاماكن هي الانسب لذلك وكم تقريبا تكلفة الفيلا لاربع اشخاص ؟؟؟؟؟ ارجوك الرد لاني بأذن الله راح اكون هناك في جولاي القادم تحملنا شوي هذي بس الدفعه الاولى من الاسئله

مغليكم

:24: :24: :24:
خلونا نعمل طلعة شبابية لتشيك بالصيف وش رأيكم ؟؟؟؟؟؟؟؟؟؟؟؟؟؟ ((للجدية )):101:

موضوع.جمييييل
صراحتن..مره.حمستني.للتشيك
طيب.بسألك
اذا.خيروني.لقضاء.شهر.عسل.بين.التشيك.وتايلند.ايش.اخ تار؟ ؟
وتسلم.يدينك........على.كتابه.ذا.الموضوع

المشاركة الأصلية كتبت بواسطة wajeeh
http://www.arabtravelersforum.com/tr...8/#post1098898

اخي العزيز الله يعطيك الف عافيه ويطول بعمرك عندي استفسار بسيط

هل جربت السكن في الريف التشيكي ؟؟ انا من هواة الاسترخاء والاستجمام احب اسكن في فيلا يكون فيها مسبح وتكون امنه طبعا ..... هل يوجد هذا الشيئ هناك واي الاماكن هي الانسب لذلك وكم تقريبا تكلفة الفيلا لاربع اشخاص ؟؟؟؟؟ ارجوك الرد لاني بأذن الله راح اكون هناك في جولاي القادم تحملنا شوي هذي بس الدفعه الاولى من الاسئله

مغليكم



مرحبا اخوي و اسف على التاخر في الرد...

نعم جربت و سكنت في بيت في الريف كان فيه مسبح بس الاجواء كانت بارده ولا تصلح للسباحه.
اما السعر بما انا كنا اثنين كانت الفلا او البيت بـ 1500 كرونا لليله. يعني الاربع اشخاص بـ 2500 او اقل.

و انا حاضر لاستفساراتك


[blink]اسف على الانقطاع و بنكمل التقرير[/blink]

المشاركة الأصلية كتبت بواسطة المهجوج
http://www.arabtravelersforum.com/tr...3/#post1099883

:24: :24: :24:
خلونا نعمل طلعة شبابية لتشيك بالصيف وش رأيكم ؟؟؟؟؟؟؟؟؟؟؟؟؟؟ ((للجدية )):101:



:101:

السفر الجماعي حلو ... لكن المشكله عدم معرفتك للاشخاص اللي بتسافر معهم مصيبه.

الناس اجناس منهم الطيب و منهم الخبيث

و منهم راعي مزاج و خايس و نفس خايسه و منهم البشوش


و غيرهم ..... و انت ما تعرفني وانا ما اعرفك وكذالك لو عزم احد :101:

ادري سويت محاضره :109:

المشاركة الأصلية كتبت بواسطة مايكبرني لقب00
http://www.arabtravelersforum.com/tr...0/#post1102800

موضوع.جمييييل
صراحتن..مره.حمستني.للتشيك
طيب.بسألك
اذا.خيروني.لقضاء.شهر.عسل.بين.التشيك.وتايلند.ايش.اخ تار؟ ؟
وتسلم.يدينك........على.كتابه.ذا.الموضوع




بدون كلاااااام بقولك لا اسمع بقول :109:

الوجهتين لا تقااااارن.

تايلند للاسواق والازعاج و و و التلوث.

التشيك انا قضيت شهر العسل هناك .. على فكره براغ تسمى (مدينه الحب او الرومنسيه) نسيت.

انا كنت خايف انها ما تعجب المدام لكن الموقف اللي شفته اول ما وصلنا خلاني ارتاح.
وصلنا بعد تعب الطريق و المدام كانت تبي النووووووووووووم . لكن مجرد ما شافت الناس والزحمه . خاصه اني سكنت في الاولد تاون سكوير و مقابل للساعه الفلكيه حيث الازدحام. قامت تهددني :109: تنزل معي الحين او انزل لحالي :109:

الديره مره رومنس و حلوه

السلام عليكم و رحمة الله و بركاته

اخواني اخواتي اعتذر عن الانقطاع الطويل. و ان شاء الله تعذروني :101: ((قصب عنكم)) :109:

المهم ... توقفنا المره اللي راحت بعد مرور الجسر و اليوم بنكمل. و اول ما نبداء فيه احد الابراج و الصراحه نسيت اسمه و هو مباشر بعد الخروج من الجسر. كان عدد الدرجات حقته ما تنزل عن الـ 170 اذا ما تجاوزت الـ 200 بس للاسف نسيت. :109: .

اتركم مع صور ماخذها من الاعلى...


الصوره هذي باتجاه الجسر.


هذه الصوره باتجاه الباترن و هو البرج اللي فوق التل ويسمونه 266 Steps عدد درجات البرج يوجد تلفريك يودي فوق بس مب من البدايه. يعني لازم تركب الترام شوي و تمشي شوي و الاخير تصعد 266 درجه. لكن خويي اللي معاي حلف ما يروح لاني ذبحته بكثر الصعود للابراج :109:




في هذي الصوره جزء من قلعة براغ



[blink]يتبع صور من القلعه[/blink]

السلام عليكم
صراحة حيرتني انا كنت مخطط على النمسا لكن لما قرأت عن زيارتك للتشيك صرت في حيرة تقدر تقولي من فضلك يا الحبيب eyesmax عن الافضل ....
وشكراً

الحقيقة كثرة التقارير عن البلد

وروعتها

تزيد من الرغبة لزيارتها

اتمنى ان اتمكن من زيارتها خلال الصيف القادم

ما شاء الله اثرك هنا

الله يعطيك العافيه ويعين خويك والله انه ماجور
ان كانك تبين خوي ماعندي مانع بس ابقعد بقهوة سلافيا وانت ان بغيت رح لتبليتسه رجلية
هههههههههههههههه

السلام عليكم جميعا
اود الاستفسار عن المصحات الجيدة والمختصة بتخفيض الوزن الزائد بالجسم, وكم ممكن ان ينقص الشخص في الشهر اذا طبق كل ما يطلب منه