بسم الله الرحمن الرحيمطبعا هذه اول مشاركة لي بهذا الموقع وحبيت اشارك بموضوعي لأني ما كنت اعرف انه في عندنا بدول الخليج العربي مناطق بغاية الجمال , فأرجو انكم تسامحوني اذا كان في هناك اية اخطاء او تنبهوني عليها وان شاء الله يكون الموضوع واضح بالنسبة لكم , مع العلم انه بأول ايام الرحلة ما كنت اصور كل شي الى بعد عدة ايام.
بدأنا الرحلة يوم السبت الموافق 4/9/2011 الساعة 6 الصبح بعد صلاة الفجر واصحاب الرحلة 2 انا وولد خالتي وكانت مدة الرحلة اسبوع واحد الهدف منها نوصل الى دولة عمان منطقة اسمها (خصب)
هذا ببداية الرحلة واحنا نجهز السيارة (قرش الصحراء) قبل لا نطلع من البيت
هني بعد الفجر حركنا من الكويت ووصلنا حدود السعودية تقريبا الساعه 9ونص بعد ما اكلنا فطور من ماكدونالدز .
وواصلنا الدرب الى حدود السعودية والامارات وتقريبا خذا الدرب منا 5 او 6 ساعات وكانت اشكالنا يرثى لها من التعب العيون طالعه والشعر واقف بسبب الدرب الطويل
بعد ما دخلنا الامارات كانت المسافة طويييييلة وااايد لي ابوظبي تقريبا خذت 5 ساعات والطريق كان ممل لأن الدنيا ظلمت وما قام يبين شيء بالطريق , وبس وصلنا ابوظبي حسينا بفرحة كبيرة انه قربنا بعد المشوار الطويل .
وكملنا الى ان وصلنا دبي وكانت الساعة 10 تقريبا وعلى طول رحنا الى شقة واحد من الشباب من الكويت شاري شقة جديدة بدبي والمفتاح كان عندنا بس للاسف كانت مو مفروشة لحد الان .....
طبعا من التعب نزلنا الفرش معانا ونمنا على طول ,,,
صرنا من اصحاب الكهف من كثر ما نمنا لأن ما ادري كم ساعة نمنا .. وقعدنا اليوم الثاني اللي هو يوم الاحد , وهذه صورة الشقة وسيارتنا من فوق
وبعدها طلعنا نتمشى بدبي شوي ورحنا الى مجمع السيتي سنتر ديره , واول شي سويناه لعبنا بولينغ وبعدها رحنا نتغدى بمطعم حاتم .....
وقعدنا نتمشى ونتسوق بمجمع سيتي سنتر لي بعد المغرب وبعدها طلعنا ورحنا الى منطقة اسمها (الذيد) تبعد عن الشارقة نص ساعة تقريبا , كان عازمنا صديق من نفس المنطقة على العشى (ذبيحة) , بس الصراحة شي حده عجيب الاكل كان
واهل الامارات معروفين بالكرم والطيب
طبعا ما قدرت اصور لأن الدنيا ليل ونسيت موضوع الكاميرا من السوالف بالدرب مع ولد الخالة .
المهم......
طلعنا من منطقة الذيد ومشينا لي المناطق الشرقية اللي بدولة الامارات ومرينا على منطقة اسمها (وادي الحلو) وهي قرية صغيرة تكون فوق الجبل بس ما قدرنا نصعد لها لأن الدنيا مظلمة كانت وخفنا نضيع.
ومشينا الى ان وصلنا الى منطقه اسمها (كلباء) وهي قريبة من الحدود العمانية اذا كنت بتروح (مسقط), بس احنا كنا بنروح (خصب) فلازم ندخلها من عند حدود عمانية اخرى بالقرب من منطقة راس الخيمة..
وكانت عندهم بحيرة حلوة بمنطقة كلباء بس الدنيا كانت مظلمة..
وبعدها قمنا نتمشى ندور على فندق ننام فيه الى الصبح ..
وشفنا على البحر موتيل اسمه (بريز موتيل) قلنا زين حق نرتاح لي الصبح بس اول ما دخلنا شفنا الموتيل نجمة وحدة قلنا خل نشوف الليلة بكم؟
طلعت الغرفة لشخصين ب150 درهميعني يا بلااااش ورحنا شفنا الغرف طلعت نظيفة ولا بأس فيه حق يوم واحد ....
.
.
.
.
.
.
.
.
.
وهذا المصعد لحمام السباحة بس ماكان فيه ماي ....
بس للامانة وايد استانسنا على الموتيل لأن كان جدا بسيط بس جميل وهدوء
المهم حطينا اغراضنا ونمنا ..
قعدنا اليوم اللي بعده اللي يصادف يوم الاثنين وطبخنا الفطور داخل الغرفة يعني حركات
وبعدها قلنا بنرجع للبحيرة بنشوفها الحين بالنهار.
.
.
.
.
.
.
وهذه صورة الوحش مالنا على البحيرة
.
.
.
.
.
.
.مواضيع عشوائيه ممكن تكون تعجبك اخترناها لك:
- ياهل صلاله سؤال بخصوص الشقق والفنادق الله يخليكم
- ايام جميلة قضيتها في صلالة
- هل هناك أفراد او شركات تأجير بدون رخصة أو بطاقة وظيفية ؤفي صلالة
- كيف الزحمه والأسعار هاليومين ؟؟
- مطلوب دليل سياحي صلاله
- أربعة أيام في مدينة الخريف الجميلة
- التقرير المصور بحول الله الاسبوع القادم
- بسم الله الرحمن الرحيم احذر من الخداع عند الصرف
- مسافر يومين الي عمان في مسقط ابي ازور افضل المطاعم والاماكن السياحية
- من يفيدني من اهل صلالة واكن له من الشاكرين
- رحلة مكوكية من حلب الى البدروسية
- هل تسبب امراض حشرات صلاله
- نبغى أرخص طيران من الرياض الي دبي
- صلالة بشهر جمادى الأولى
- الاخ واسف ع الازعااج
- القلاع والحصون في سلطنة عمان
- أين أهل مسقط
- حجزت سيارة من يورب كار فهل سياراتهم جديدة ؟
- منتجع مسندم في عمان
- الطيران إلى صلالة استفسار
رد مع اقتباس
المشاركة الأصلية كتبت بواسطة azizbaqer
المشاركة الأصلية كتبت بواسطة OmaniHero
وانتوا بعد ما عليكم قصور ماشالله كلكم شرطه 
الحمدلله عدت على خير يومها وان شاء الله لنا زيارة ثانية ، لأن اللي يشوف ويعرف جمال دولة عمان الحبيبة ما يقدر يستغني عنها.
المشاركة الأصلية كتبت بواسطة omani_engr
المشاركة الأصلية كتبت بواسطة دبي عشقي
المشاركة الأصلية كتبت بواسطة steven gerrard
المشاركة الأصلية كتبت بواسطة حمــــامة مكه
المفضلات