الجدول بسيط بإمكانك تسوينه بعد ما تعرفين المدن اللي راح تزورينها

وأنا بصراحة ما رحت أسبانيا قبل، وبأروح لها خلال شهر، بس ما حطيت برشلونة من ضمن الخيارات، لأن إذا بتروحون سياحة وقصدكم فيها رؤية معالم الدولة الإسلامية هناك.. برشلونة ما راح تفيدكم، وأغلب اللي راحوا لها يقولون مافيها إلا نادي برشلونة والمتجر حقها..


يصير قدامك خيارين مهمّين، الأول مدريد، وهي مدينة جميلة ومشهورة ما يحتاج.
والثانية جنوب أسبانيا، وفيها كل المعالم الأندلسية الجميلة.


أنا أرشّح التالي:


3 أيام في مدريد
ثم الانتقال للجنوب إلى أشبيليا، والبقاء يومين.
ثم غرناطة يومين، وخلال هاليومين بإمكانكم تزرقون لقرطبة نصف يوم تكفي فيها، ما فيها إلا الجامع الكبير، وترجعون لغرناطة مرة ثانية.
ثم رندة يومين.
ثم بعدها مدينة ماربيلا الساحلية، وفيها سعوديين كثير وقصورهم هناك.. موجود قصر الأمير سلمان يتفرجون عليه السياح .
ماربيلا تصلح يومين بس للاسترخاء.
بعدها تتوجهون عاد لمدريد للعودة إن أمكن لأن الجدول المكتوب 11 يوم بالضبط.


وطبعًا بخصوص الـ 30 ألف.. فهي تكفي وتزود .. أسبانيا تُعتبر من أرخص دول أوروبا مقارنةً بفرنسا وبريطانيا وألمانيا.
بس أهم شيء الهدايا خلوها آخر يوم
موفقين خير.

مواضيع عشوائيه ممكن تكون تعجبك اخترناها لك: