الموضوع: مساعده عرسي ومسافر المالديف بليز

السلام عليكم ورحمة الله وبركاته

تحيه طيبه الى الجميع

اخواني انا عرسي ان شاء الله تعالى تاريخ 6-10-2009
وشنو احسن الجزر الى تنصحون اروح لها طبعا حاط في بالي يومين
في منتجع ويومين في منتجع ثاني


ابي احجز هل يومين حق المالديف مدة 4 ايام كم الميزانيه

وهل تنصحوني اسافر مع

الطيران السيلاني للارحلات او الاماراتيه

وحبيت اعرف كم الميزانيه تكفي حق 4 ايام

بنتظار ردكم جزاكم الله خير

مواضيع عشوائيه ممكن تكون تعجبك اخترناها لك:

• اش سر انخفاض الاسعار للمالديفياخبرائنا الاعزاء؟؟؟
• استفسار عن موريشس
• فزعتكم يا خبراء أرخص طيران من الرياض إلى المالديف ؟؟؟؟؟؟
• المالديف موريشوس
• عروض الماديف
• استفسار عن الوصول لجزر المالديف ؟
• شكر خاص جدا لابو عزيز
• نداء لعمالقة المالديف لمن اتحفونا بتقاريرهم ساعدوني
• استفسار عن الخطوط الجويه الى المالديف
• فنادق المالديف اسعارها ناااااااااااااااار ليه كذا ؟؟؟؟
• قدر الله علينا ونبي نروح المالديف نصيحتكم
• عندي عرض للمالديف واحتاج مشورتكم
• تكفون ساعدوني محتارين مابين المالديف وسيشيل
• لو سمحتو يا أعضاء المنتدى الأعزاء نصيحة بخصوص المالديف
• هل يوجد ما يسمى بجزيرة للايجار
• بمشاركاتكم تحلى السفرة إلى المالديف
• ارجو الدخول وشكرا
• عنوان عطلات الامارات
• يااهل الخبره جاني عرض ايام بالتذاكر ريال شخصين في افضل الجزررايكم؟
• إستفسار عاااجل عن المالديف

ولله انا مثلك ناوي اروح على شهر 12 ومادري كيف الاجواء في المالديف وابغي اعرف كم الميزانية

ياليت المجربين يساعدونا

تشكرات للجميع

مليون مبروك أولا

الميزانية للمالديف في منتجعات اربع نجوم شامل كل شي من طعام وشراب ورحلات وتاك النقل للجزيره يكلفك تقريبا الف دينار كويتي او الف ومئة دينار كويتي

بلريال تقريبا 15 الى 13 الف ريال

لمدة اربع ليالي ....

انصح بالطيران الاماراتي طبعا

وانصح انك تروح لماليزيا وتختار احد جزرها لان الجو هناك جو عرسان وفيه صخب واسواق وهدايا وايضا جزر جميله

أخوي واسطة ,,

كل عام وأنت بخير ..


مبرررروووك الزواج مقدما ...


ودي افيدك لكن عشان نسهل المهمة...


أولا : لابد أنك تذكر ميزانيك للرحلة عشان يفيدوك الأخوان بأنسب المنتجعات المتوافقة مع الميزانية لأن فيه منتجعات 5 نجوم و فيه أقل و كل شيء بحقه .


ثانيا : بما أن الرحلة كلها 4 أيام ان اقترح ان تقضيها في منتجع واحد لأنكم عرسان و التنقل كل ليلتين مرهق خصوصا بالطائرات المائية اضافة إلى الرحلة الدولية التي لا تقل عن 5 ساعات .


ثالثا : الإماراتية للعطلات ثم القطرية الأفضل ترتيبا , و لم اجرب السيلانية و لا أدري كيف خدمتهم .


شهر 10 في المالديف الجو طبعا استوائي و الحرارة بين 25-30 درجة مئوية لكن معدل هطول الأمطار هو الأعلى بعد نوفمبر شهر 11 يعني حط في بالك غيوم و أمطار .

بالتوفيق و اتمنى يفيدك الأخوان أكثر

تروح و ترجع بالسلامة

مثل ما تفضلوا الاخوان
15 الف ريال سعودي تقريبا
منتجع واحد يكفي

هناك بعض المنتجعات غير مذكورة بالمنتدى جميلة ورائعه
من واقع بحثي خلال مواقع أجنبية عديدة
طبعا غير مجربة ,, ولكن بلد سياحي لا تخاف منه
لانه يهمهم سمعة المكان قبل اي شي ثاني

اذا حبيت اي مساعدة لاتتردد
وخصوصا ان ما عندك وقت كثير للتفكير ومتأخر جدا بالنسبة للحجوزات

اضم رايي للاخوه ترا 4 ايام يعني 3 ليالي او حتى 4 ليالي 5 ايام بتكون مريحه اكثر في منتجع واحد لان التنقل من بين واحد والثاني يبي له وقت و مجهود و ما بيمديك تستانس بالجزيره ونشاطات الفندق ,, وهذي كله يبي له حجز و من رايي تقعد في فندق خمس نجوم عشان تستانس و بما انك معرس شهر عسل لازم يكون مكانك حلو بس تاكد من شي ,, ان دورات المياه تكون داخليه عشان ما تكره حياتك هههههههههههههه مثل ما حصل لي سكنت بالفورسيزن و كان روعه و رجعت بنيان تري والله لا يوريك عالعموم عزم و حدد و بنفيدك باللي نقدر عليه ,, ولا تنسا اهم شي الهاف بورد لان الاكل بالمالديف غالي ومع الهاف بورد يوفر عليك كثير .. و بعد في شغله اذا رحت المالديف اذا بتروح ماليزيا و جزر بعد بيكون ممل يعني 4 ليالي بالمالديف جزيره وبعد ماليزيا جزر من رايي تغير عشان تكون نوعت ,, و الف مبرووك

الله يجزاكم الف خير كلكم
وبيض الله وجيهكم
عمومن انا حاط ميزانيه حق السكن من 500 الى 750 دينار كويتي حق 3 ايام
وحبيت اعرف تنصحوني في اي من الفنادق والمنتجاعات
وبخصوص ماليزيا انا مافكر فيها راح انزل في سيلان بما انها لي تجربه حلوه فيها
انتظر ردكم
والله يجزاكم خير كل من دش الموضوع وحاول يساعد والله يجزاكم خير كل من شاهد موضوعي
وشكرا لكم

اهلا بك اخى الكريم
اولا
بارك الله لكما وبارك عليكما وجمع بينكما فى الخير.
ثانيا
هل فيه امكانية انك تغير وجهتك
انت رايح مع المدام ولازم تنستر قدامها وتكون عارف كل
حيث ان المعلومات عن المالديف ليست كثيرة مثل ماليزيا
يعنى حتى لو ماعمرك رحت ماليزيا من تقارير الاخوان راح تروحها وانت فى بيتك
وبعدين التكاليف اقل
وايضا ضيف عليها ممكن انك تروح سنغافورة مع ماليزيا
تثريبا 3 ساعات بالباص من كوالا

الف مبروك

وانصحك بزيارة تقريري عن رحلتي الى المالديف

عن طريق هذا الرابط

http://www.arabtravelersforum.com/travel251934/