السلام عليكم
مساء الخيرات مع المكسرات في البداية احب اشكر القائمين على هالصرح العظيم والذي بفضل الله ثم ابداع الاعضاء كثير من المسافرين حدد وجهة سفره وخطط لرحلته بمساعدتكم
تكفون ابي مساعدتكم ابي اسافر وزوجي دوامه طويل ومشغول قال اذا تبين السفر ضبطي البرنامج وانا ادفع الحساب
ابي دوله فيها خضار اتبطح فيه وبحر اطافش فيه وشلالات اعيش جو مع صوتها وتمشيت في الموقع حصلت سريلانكا هي مطلبي
بنسافر ان شاء الله في شهر يناير انا وزوجي الي وهقني بالتخطيط لرحله .
جدول الرحله تسع ايام الوصول الى كولمبو والانطلاق مباشره الى بنتوته يومين وبعدها كاندي ثلاث ايام وبعدها نوراليا ثلاث ايام العوده الى كولمبو يوم لتسوق فقط وبعدها العوده لرياض الشهبا الهبا .
عندي كم سؤال واتمنى صدوركم توسع اسئلتي عارفه اني طولت عليكم ما اعرف اختصر قرقي كثير احب الهذره
1/ كيف الجو في يناير ما احب الحر والرطوبه ؟
2/ الجدول وتوزيع الايام وترتيب المناطق حلو عادي لو تضيفون منطقه واحذف لان فيه نوقمبو وكم منطقه احذف بنتوته او لا؟
3/ممكن ترشحون اسماء فنادق مجربه نظيفه وسعر معقول واكل حلو واطلاله روعه بحر او طبيعه؟
4/ كيف افضل وامن وارخص طريقه لحجز الفنادق والبكج عن طريق بوكنج واذا فيه مكاتب مجربه هناك ليت ترسلونها لي؟
5/العوده ابي ارجع من نوراليا بالقطار لان المسافه بعيده ومتعبه واذا فيه كيف احجز عادي من هناك او لهم موقع عالنت؟
6/ بالنسبه للمطاعم الي في المناطق ابي مطاعم روعه او فنادق عندهم مطاعم لان نفسي شينه مو أي شي يعجبني؟
7/ بالنسبه لسائق احجز من السعوديه او اذا وصلت ارخص وكم يكلف باليوم ما ابي تك تك لانها غير مريحه وكربون؟
8/ كيف الامان والخصوصيه بالنسبه للنقاب بحكم انهم بوذيين ما فيه موضايقه؟
يعطيكم العافيه مقدما واسفه على الاطاله على فكره مسويه مختصره الكلام وعلى اعصابي اخاف انسى شغله كيف اسئل عنها مره ثانيه
مواضيع عشوائيه ممكن تكون تعجبك اخترناها لك:
- طلب مشورة
- منتجع أنانتارا بيس هافن تانغالي
- تكفون وين اروح
- هــام جــداً ... إلى الراغبين في السفر إلى سريلانكا
- الحرمه زعلانه وتبي سيرلانكا
- سريلانكا لؤلؤة المحيط سبتمبر
- مطاعم عربي في كيرالا؟
- الخدمات الطبيه والجويه السيلانيه
- المتحــف
- هل تؤيد السفر لبنتوته ومعك نساء وأطفال ولالا
- افضل الشهور للسفر سريلانكا
- مساعدتكم في سفره شبابيه للهند
- قصة رحلتي إلى سيرلانكاذكريات لاتنسى مصورة
- كيرلا الهنديه فنادق شلاالاات مولات منتجعات الملاهي المائيه ارجو المساعده
- سيرلا نكا للسياحة العائلية
- إستفسار من خبراء سوريا حلب
- من بفدني في هذا البرنامج
- رحلتي بعد ايام ماهي صحة المظاهرات في سيريلانكا ؟
- سريلانكا والمستقبل السياحي الواعد
- ابي رايكم بالجدول
رد مع اقتباس
المفضلات