السلام عليكم
مساء الخيرات مع المكسرات في البداية احب اشكر القائمين على هالصرح العظيم والذي بفضل الله ثم ابداع الاعضاء كثير من المسافرين حدد وجهة سفره وخطط لرحلته بمساعدتكم
تكفون ابي مساعدتكم ابي اسافر وزوجي دوامه طويل ومشغول قال اذا تبين السفر ضبطي البرنامج وانا ادفع الحساب
ابي دوله فيها خضار اتبطح فيه وبحر اطافش فيه وشلالات اعيش جو مع صوتها وتمشيت في الموقع حصلت سريلانكا هي مطلبي
بنسافر ان شاء الله في شهر يناير انا وزوجي الي وهقني بالتخطيط لرحله .
جدول الرحله تسع ايام الوصول الى كولمبو والانطلاق مباشره الى بنتوته يومين وبعدها كاندي ثلاث ايام وبعدها نوراليا ثلاث ايام العوده الى كولمبو يوم لتسوق فقط وبعدها العوده لرياض الشهبا الهبا .
عندي كم سؤال واتمنى صدوركم توسع اسئلتي عارفه اني طولت عليكم ما اعرف اختصر قرقي كثير احب الهذره
1/ كيف الجو في يناير ما احب الحر والرطوبه ؟
2/ الجدول وتوزيع الايام وترتيب المناطق حلو عادي لو تضيفون منطقه واحذف لان فيه نوقمبو وكم منطقه احذف بنتوته او لا؟
3/ممكن ترشحون اسماء فنادق مجربه نظيفه وسعر معقول واكل حلو واطلاله روعه بحر او طبيعه؟
4/ كيف افضل وامن وارخص طريقه لحجز الفنادق والبكج عن طريق بوكنج واذا فيه مكاتب مجربه هناك ليت ترسلونها لي؟
5/العوده ابي ارجع من نوراليا بالقطار لان المسافه بعيده ومتعبه واذا فيه كيف احجز عادي من هناك او لهم موقع عالنت؟
6/ بالنسبه للمطاعم الي في المناطق ابي مطاعم روعه او فنادق عندهم مطاعم لان نفسي شينه مو أي شي يعجبني؟
7/ بالنسبه لسائق احجز من السعوديه او اذا وصلت ارخص وكم يكلف باليوم ما ابي تك تك لانها غير مريحه وكربون؟
8/ كيف الامان والخصوصيه بالنسبه للنقاب بحكم انهم بوذيين ما فيه موضايقه؟
يعطيكم العافيه مقدما واسفه على الاطاله على فكره مسويه مختصره الكلام وعلى اعصابي اخاف انسى شغله كيف اسئل عنها مره ثانيه
مواضيع عشوائيه ممكن تكون تعجبك اخترناها لك:
- المكاتب السياحية التي في مطار كولومبو
- سريلانكا حتماً سوف أشتاق إلى الهدوء والراحة والجمال تقرير مصور نوفمبر
- استفسار
- ضروري جداً بحجز هاليومين
- أيهما أفضل الحجز عن طريق موقع أو المكاتب السياحية
- عااجل اللي بيسافر للهند هالليومين تغير شي بخصوص متطلبات استخراج الفيزا بالرياض؟؟؟؟
- الله يخليكم فزعتكم بسرعه
- كيرلا يا كيرلا والي نايم يصحى
- لاهل الخبره في سيريلانكا
- الفرق بين كيرلا و سيريلانكا
- الى اهل الخبره لاهنتوا
- عاجل بليز ساعدوني
- جاني عرض من شركة بس وش رايكم في الفنادق و السعر
- أرجو إفادتي ولكم جزيل الشكر
- استفسار بسيطه عن سيرلانكا
- ما عندي وقت كافي ورايكم يهمني بهذا البرنامج
- هل مساري صحيح ومناسب في هذه الخطة؟!
- سيرلانكا تم حجز تذكره فنادق موصلات ابي استفساااااااااااار
- مساعدة السفر الى الهند
- سائق ممتاز جدا في سريلانكا
رد مع اقتباس
المفضلات