الموضوع: هل التأشيرة صارت من نفس السفارة يعني سعودي مافيه

السلام عليكم

مرحبا أخواني وأخواتي الاشقاء العرب عندي استفسار بسيط ياليت الى يعرف مايبخل

ذهبت الى مكتب سفر وسياحة بقص تذكرة لبانكوك قالى ممنوع وثاني شي صارت الفيزة أو التأشيرة تاخذها من نفس السفارة هل صحيح الكلام هذا قبل 10 أيام لان حسب كلامه فيه ناس ردوهم من المطار طبعا أنا سعودي وأنتم عارفين مافيه سفارة تايلندية فاليت احد يتأكد .

وشكرا لكم ,,,

مواضيع عشوائيه ممكن تكون تعجبك اخترناها لك:

• رأيكم يهمني و عندي سفرة بتاريخ
• الي كل من يعتقد ان تايلاند ليست جميله . انظر الي هذا
• فندق دار زايد
• السفر بالسياره داخل تايلند ، ما نصيحتكم؟
• عائلة جاية وتبي مساعدتكم في الرحلة الي بوكيت
• أبي رايكم بين هالفندقين محتار ومستعجل
• استفسار بخصوص الفيزا الى تايلند
• عودتي خلال الايام الي راحت من دمشق
• ضروري أحبابي، شهر عسل بتايلاند
• استفسار لسفره سريعه للشام
• حجزت التذاكر وباقي الفنادق
• فندق في بوكيتوين؟
• بخصوص البوردنق على الطيران العماني ؟؟
• هل صحيح طيران اير اسيا سوف ينتقل الى المطار القديم ؟
• ما الفرق بين بايوك سكاي و أماري بوليفرد
• ضروري راتشابوري
• فندق في بانكوك اسمة
• برنامج رحله عائليه لمدةيومممكن مساعده
• اللي يرد علي الله يجزاه خير بخصوص السفر الى تايلند
• اللي ع العمانيه وش صار عليكم

هلا حبيبنا ..

شوف في الرياض فيه قنصلية لهم حتى في جدة وولمعلومية كانت من زمان لك خيارين يا في مطار بانكوك او تاخذها من هنا لا يلعب عليك راعي المكتب بس بعدين في المطار وش بيدرية موظف الجوازات لانك اساسا انت رحلتك ماراح تكون دايركت لبانكوك اكيد ترانزيت واذا استقعد لك ورة البوردنق الاول لا توريه الثاني يابطل ..

هلا بك اخوي عبادي طيب وين مكتب القنصلية بالرياض وكم رقم التلفون وبعدين ماتوقع المكتب يكذب لانه له مصلحة بقص التذاكر .

تلقاه في حي السفارات اول ماتدخل راح يوقفونك العسكر التفتيش بيقولك وين تبي قلة ابي القنصلية التايلندية وبيعلمك وين موقعهم بالوصف لانه ماراح يخليك تدخل وانت ماتدري وش السالفة .. بعدين انت اي خطوط بتروح عليها

السلام عليكم
اخوي عبادي
انا حاجز على العمانيه وش رايك افيز من الرياض ولا من مطار بانكوك

شف تبي ترتاح وتريح راسك فيز في الرياض واذا جيت في المطار وطلب منك موظف الجوازات الجواز والبوردنق وسالك قله رايح لعمان لاتقول لتايلند لانه بيكون معك بوردنق اثنين واحد للرياض عمان والثاني عمان تايلند عطة الاول وبس

أنا طالع على العمانية لانها الظاهر من ارخص الخطوط وحلوة وفيه خطوط جت الهندية سمعت عنها جيدة

بكم اخذت التذكرة على العمانية اخوي

أنا بطلع بالحج 2000 ريال وعبر موقعهم أقل مشكلتي ماعرف انجلش لان موقعهم انجلش

اذا المكتب اللي بتحجز منه الطيار انتبه يمكن يصير لخبطة في حجوزاتهم على تايلند خاصه عبر العمانيه
انا الأن في تايلند حجزنا كل الفنادق والتذاكر الخارجية من مكتب الراجحي عبر خطوط الاتحاد واخذنا الفيزا مثل ماقالوا لك

بس يستحسن تدور خطوط غير العمانيه وغير الطيار لانه فيه ناس ردوهم
والله يوفقك

مافهمت قصدك كشمونه يعني غير الطيار العماني يفيز بالمطار ولا كيف .

فيز من السفارة كانك بتجلس في تايلند اكثر من 15 يوم

لا الفيزا ماللمكاتب فيها دخل
انت سوها بنفسك
بس اقصد يمكن الطيار حجزهم مو اوكي

يعطيــــــك العافية أخوي
أنا راجع من تايلاند منذ 20 يوم
وكنت ماخذ التأشيرة من مطار بانكوك لمدة 15 يوم
تقريبا على ما اعتقد بـــ20 دولار

وعندي سؤال لأختي كشمونه وأخواني الذين أخذوا التأشيرة من القنصلية بالرياض :
- ما متطلبات القنصلية وما هي التعقيدات التي قد تواجهني وكم تستغرق ؟
,, كوني من خارج الرياض فبودي أعرف الأجابات ,,

اتفق معك وين الحبايب وأنا من خارج الرياض والصراحة ماودي احجز وادفع فلوس واخر شي ماروح

وانا معكم شايل هم التفييز لاني مالقيت حجز الا 16 يوم اكثرهم يقولون هنا اقل من 15 يوم من المطار انا حجزي بالبظبط 6 شوال لين 24 شوال بالهجري كم يعتبر يوم هذا ؟