الموضوع: الفزعة الفزعة وأرائكم تهمنا

السلام عليكم ورحمة الله وبركاته
ياشباب والله جاني خمول واحباااااااااط يوم قريت الاخت اللي رفضت الخطوط العمانية الاقلاع بهم الى تايلند ليش لأنهم سعوديين الله يعوضهم خير ان شاء والخيرة بإذن الله فيما اختاره الله
السؤال: انا لي اشهر واعد الساعات والليالي على انتظر اللحظة اللي اروح الى تايلند
انا رحلتي من الرياض البحرين ومن البحرين تايلند مع العلم اني قاص البوردينق بورقتين لي ولزوجتي وكل ورقة فيها خط الرحلة الرياض البحرين البحرين بانكوك ودقيت على موظف الطيران بالشركة اللي قصيت عندهم التذاكر ابيه يفصلهم عن بعض اي تكون الرياض البحرين ورقة و البحرين بانكوك ورقة بحيث اعطي بحيث اخفي البحرين بانكوك عنهم
انا السراحة جاني احباط عنيف ومتجهزين لها وانصدمنا بالمنع من قبل الدول الخليجية
ياليت اللي غنده خبر والا يبي يروح الايام القريبة مرة يبلغنا ويبلغ المنتدى
ونبي وقفتكم يالربع يالنشامى مانبي نروح ونتوهق لانها رايح تكون تاريخية ويكره المسافر السفر وينصدم
نريد الاراء الحقيقية الفعااااالة ولا نريد اجتهاداااااات ابدا ومطلقااااا لأنه موضوع حسااااااااس مرة


وشكرا لكم

مواضيع عشوائيه ممكن تكون تعجبك اخترناها لك:

• استفسار عن العلاج في تايلند
• فندق في دمشق
• تربتيك
• هل تعطلت الرحلات السياحيه
• رايكم بفندق Phachara Suites Sukhumvit
• مساعده عاجله في اسم مطار بانكوك ومشكله في الحجز الداخلي وفندق في بانكوك
• استفشسار عاجل عن انفلونزا الخنازير ودخول المطار
• استفسااار عن التأشيرة الله يعافيكم
• سؤال ياخوان المصرف
• تل مريبط المسكن والزراعة
• الجـــــــــــــولان معلومة وصور ؟
• مطلوب جــدول رحله الى بانكوك ايام
• ساعدوني بليز
• استفسارات عن تايلند
• استفسار شغلوا القطار من المطار الى وسط بانكوك ولا بعده
• المرحله الاخيره ومالي غنى عنكم
• نصائح لمن يقصد سوريا عن طريف حالة عمار او منفذ الدره
• اريـد حل من شخص سعودي قد حصل معه
• اجمل عيد باجمل شام
• صاحبي التايلندي ۔ يقول

تكفوووون لا تخلووووننا
تراي انتظركم

يالله يالربع همتكم

الغالي موضوع الاخت حدث مع الطيران العماني ،،

اما باقي الخطوط مثل : طيران الخليج ، الاتحاد ، الامارات ، القطرية

ما في اي مشكلة بإذن الله ،، اهم شي اتصل بمكت شركة الطيران في السعودية او الفرع الرئيس للدولة اللي تتبعها الخطوط واستفسر منهم اذا بتكون في مشكلة او منع سفر واعطاء بوردينق ،، اذا عطوك الضوء الاخضر توكل على الله واهم شي وانت خارج من السعودية لا تعطيهم البوردينق تبع بحرين بانكوك بل عطهم بوردينق الرياض بحرين فقط لان المشكلة ممكن تكون في بلدك اما بالبحرين اعتقد عادي جدا راح يسمحون لك بدون اي ازعاج ،،

لا تنسى تتصل فيهم تستفسر ،،

انا مثلكم ومحتار لاني دقيت على الموظف قالي لامانقدر نفصلها لأن النظام مايسمح ياليت احد يعرف احد بمطار البحرين ويخبرنا لأن الموضوع بغاية الأهمية ولا يحتاج الى التأخير

يا اخوان الحاله الي صارت هي حالة وحده فقط من بين مئات المسافرين من اخوانا السعوديين الى تايلند هذا الصيف .
انا اقول تفائل وتوكل على الله والي كاتبه ربك يبي يصير .

وسفره موفقه انشاءالله

حنا نخاف نروح ونكون وانا اخوك الحاله الثانية لانه من غير المعقول تكون متجهز لك اشهر وبالاخير يقولون لك ماتصعد لانه ممنوع ودنا نتأكد منكم ومن الاخوان اللي عنده خبر عن الموضوع هذا يكتبه واعذرونا لاننا مالنا الا الله ثم هذا المنتدى الرائع اللي نستفسر فيه

طيران الإتحاد غير

والعاملين عليه غير

لدرجة إنهم ينبهونك بوضع بوردنق بانكوك في الشنطة

وبوردنق ابوظبي بيدك ...

أما الخطوط الأخرى مالي خلفية عنهم وحسبي الله عليهم لو رجعو أحد ...

صدق المثل الي يقول (الباب الي يجي منه ريح سده واستريح)ههههههههههههههههههههه


رحلتي 12/7 الله يستر على طيران الاتحاد من كثر الاشاعات كرهت السفرة وضيعت شغلي بكثر الهواجيس

الآن نبي شي واحد ويهمنا اللي يعرف احد بالمطارات يذكر له الاشكاليه هذي ويبلغنا بأسرع وقت

اخوي asd321
الظاهر انك في نفس رحلتي انت من وين اقلاعك
انا من الرياض

انا رحلتي على الإتحاد بإذن الله فجر الجمعة..الرياض أبو ظبي بانكوك
بإذن الله بخبركم ولو ماجاكم خبر مني أو ماحصلت نت..فأنا بإذن الله بكون سافرت
لأني لو ماسافرت بكون معصبه وبجي افش غلي هنا خخخخخ
وإذا غبت فتراني إن شاء الله قاعده اتشوبنق ببانكوك..أو ملتهية بصحن بحريات ببوكيت خخخخخخخخ
دعواتكم

ههههههههههههههه
الله يسهل عليك ,لازم تطمنينا

المشاركة الأصلية كتبت بواسطة fm07fm123
http://www.arabtravelersforum.com/tr...2/#post5705982

اخوي asd321
الظاهر انك في نفس رحلتي انت من وين اقلاعك
انا من الرياض




هلا بالحبيب fm07fm123

من الرياض الله يسستر المغص اشتغل

المشاركة الأصلية كتبت بواسطة asd321
http://www.arabtravelersforum.com/tr...6/#post5707496

هلا بالحبيب fm07fm123

من الرياض الله يسستر المغص اشتغل



كلكم قبلنا حنا السبت 16-7 من مطار الرياض على الاتحاد
فالرجاء من جميع الركاب على طيران الاتحاد تبليغ المسافرين بعدهم بأي خطوة يخطونهــــــــــــــا ههههههه
ولاتصيرون نكابين لاقصيتوا البوردنج تنسون الدنيا من الفرحة وتنسون المنتدى ننتظر كم

ياالله همتكم بلغونا عن اي جديد تكفووون خاصة اللي على طيران الخليج من الرياض البحين بانكوك

اي والله تكفى ننتظركم من الاحباط نسيت البرنامج اللي ابا اقضيه هناك صارررر همي نروح ةلا لا

اتصلت امس على مكتب الخطوط العمانية في مطار الدمام استفسر عن قص البوردنق من المطار رد الموظف وقال اذا الحجز مؤكد نعطيك البوردنق

طيب ياأعضاء من يجيب الخبر الأكيد انه إذاغادرنا السعوديه مايتم منعنا هناك سواء من ابوظبي او عمان او البحرين من أجل نختصر على أنفسنا الروحة والشحططه لأنه من غير المعقول اننا مغادرين وموادعين وبهذله وحجز وغربله وتسحيب للشنط وخساير وحجوزات وبنهايه يقولك انت ماتطلع طيب اذا كنت ماطلع امنع الحجز من البدايه اي وانت تحجز ترانزيت تطلع لك خانه ممنووووووووع مو نتوهق ونضيع وقت بالفاضي والله ندمت على الاختيار لأني نسيت البرنامج والايام والفنادق صار شغلي الشاغل اغادر ولا مااغادر اغادر ولا مااغادر والله مو حاله هذي وانا من ضمن المئات اللي ينتظرون الخبر الأكيد
لكن مالنا الا ان نقف بكل شجاعه حتى لو كانت صدمه لنا نطلع ولا لا لان الصدمه هنا اهون بكثير من انك تنصدم بالمطار رايح والله تكره طاري المطارات اما الآن صح انه يبي يضيق صدرك وتكسل لكن اهون عموما انفجر راسي من التفكير لكن بنهايه مالنا الا الامر الواقع*

يوه رحمتكم