مرحبا اختي
مدريد فعلا رائعه
بس ليش الجدول جي مشوار
ترى اغلب المناطق السياحيه بمدريد حول بعض وبالمشي تمرونها المعالم السياحيه كامله
مثلا احنا اخذنا تكسي من الفندق الى بلازا اسبانيا خلصناها بسرعه في غضون ساعه مافيها شي الساحه غير تصوير وتمشي واستجمام الساحه صغيره طلعنا منها ومشينا وكان على يسارنا قصر رويال مشي مال 10 الى 15 دقيقه على حسب الخطوات وحديقة اورينت مقابله القصر بس مادخلنا القصر تفرجنا من الخارج والافتات بالشارع ماتضيع تخلون القصر يمينكم تكملون سيده تقطعون المشاه يسار توصلون جران فيا وبلازا مايور وبرتا ديل سول، أهم مافي الموضوع اللياقه والخارطه تمشون عليها والامور طيبه ولاسمح الله ضيعتوا ولا شي الشرطه متواجدين بكثره والاسبان نفسهم مايقصرون
حديقة ريتيرو حولها دوار القلعه ومتحف تايسن ومتحف برادو
هاذي خارطة سياحية في مدريد
http://www.vidiani.com/maps/maps_of_...adrid_city.jpg
رد مع اقتباس
المفضلات