صدقني ما راح تحتاج إلى برنامج المكان يبرمج نفسه و خاصه في حالة الأوتار :109:

المهم خصص يوم كامل لبندر يتي و بندر الخيران على اساس إنك تتوتر :109: ( تتغدى ) في إستراحة يتي و تكون ماخذ معاك ( حصير ) بساط و ملابس بحرية المكان أكثر من روعه و تاخذ معاك خيوط الصيد :surf

و تخصص يوم كامل لهم لأن المسألة فيها تعب الوناسه :24:

و تخصص يوم للمجمعات التجارية بس تتمشى و لا تشتري شي :109: خلهم يشوفونك بس و هم حاطين الأمل :109: و في نفس اليوم تروح للمرح لاند و هي جنب المجمعات التجارية و فيها العاب الأطفال و الكبار ( يعني ممكن تلعب لأني لعبت مع العيال :109: و قاموا الناس يضحكون يقولون شايب و يلعب :109: )

و تخصص يوم لزيارة الرستاق - نخل تبعد الرستاق عن مسقط 150 كيلو بإتجاه الإمارات بس فيها العين الحاره و فيها الحصون و نخل فيها عين الثواره و ترجع نفس اليوم

و تخصص يوم لنزوى و تبعد تقريباً 170 كيلو تزور الحصون بنزوى و بهلا و الأسواق الشعبية و تزور فلج دارس قبل المغرب و تتوتر ( تتعشى ) هناك و ترجع لمحل الإقامه

و إذا كنت تحب البحر و المشي عنده ركز على منطقة شاطئ القرم ما بين فندق الكونتننتال و الكراون بلازا بصراحه روعه و فيها اماكن للوتر :109:

و عندك بعد جوله عامه في نفس يوم البحر في منقطة مسقط القديمه و مروراً إلى فندق قصر البستان و عودة إلى منطقة القرم عن طريق الوادي الكبير و روي :114: صعبه صح بس كلها على بعضها مسافات بسيطه جداً و الزحمة مو مثل دبي و الشارقه :112:

عندك متحف الطفل و هو جميل و فيها الإبتكارات العليمة و عندك متحف القوات المسلحه و يمشي معاك واحد من العسكرين يشرح لك و كأنك جالس بحرب و عندك متحف التاريخ الطبيعي هو صغير بس تشوف جزء من الطبيعية العمانية مجمده و محنطه

و في المتحف الوطني بس أظنه بالصيانه و عندك متحف بيت الزبير ( هذا بمسقط القديمة )

و تروح سوق الظلام ( سوق مطرح القديم - صار جديد :109: ) تتمشى هناك و فيه بداية السوق من صوب الكورنيش مقهى قديم جداً على شكل بسطه و الشاي الكرك اللي فيها قديم تشربه يطلع منه غبار :109: بس روعه

و عندك سوق السمك على الكورنيش تروح له صباح الجمعه لا تشتري بس شوف البيع و الشراء بصراحه وناسه

و عندك السوادي ( بس بحر ) سباحه و قوارب تروح للجزر القريبه :24: و في السوادي شاليهات زوينه

و تروح نفس يوم السوادي إلى سوق السيب و تتور مشاكيك ( المشكاك هو لحم شقف - كباب قطع - تكه ) و يخيرونك بين الطازج المشكاك الواحد 200 بيسه يعني درهمين و المثلج 100 بيسه يعني درهم و عندهم حبار يعني خثاق على الفحم ( حق شهر العسل زين :109: ) خوش وتر عندهم :109:

و بعدين انت آمرني أمر ذا وصلت من عيوني الثنتين :24:

----------------

ويتينج لست ( حاجز الإنتظار :115: )

الوتر هو الأكل

لأن الأكل هو الوتر الحساس عندي لما تقول أكل تجيني نفضه :109:

مواضيع عشوائيه ممكن تكون تعجبك اخترناها لك: