الموضوع: بحريني وعندي بعض الاستفسارات عن الفيزا يا ريت اخوي ولد البحرين وخبراء تايلند يساعدوني

مرحبا أخواني

حبيت استفسر وباقي عن السفر يومين


انا بحريني وسبق وسافرت لتايلند واخذنا الفيزا من مطار بانكوك كما هو متعارف بس هالكلام من 2007 هل الوضع تغير او كما هو عليه يعني نفس قبل البحريين نفيز من مطار بانكوك او تغير الوضع ولازم من سفارتهم في البحرين ابي أتأكد إذا في تغيرات في الاجراءات والسؤال الثاني اخوي يبي يدرس في الخارج واحتمال ندور له جامعة في بانكوك هل عندكم فكرة عن الجامعات التايلندية والتأشيرة الخاصة بالطلاب ؟ والسؤال الخير وآسف على ازعاجكم انا حجزت ولاول مرة عن طريق النت على العمانية شنو يطلبون مني في المطار للجيك ان

وتسلمون مقدما على المساعدة

مواضيع عشوائيه ممكن تكون تعجبك اخترناها لك:

• بورصة التربتيك
• ما هو الموسم الافضل للسفر لبانكوك
• إستفسار مهم رحلة بحرية إلى سوريا فترة الحج
• تأشيره تايلاند
• إستفسار عن العمله
• ان شاء الله مسافر مع الاهل في شهر و محتاج مساعده
• عاجل احتاج مساعدتكم ارقام مطار بانكوك
• بانتظار الرد السريع
• سفرتي يوم
• لو سمحت ولد البحرين والعصيمي وعبدالله الكويتي واخوني الخبرا ابيكم ضروري
• إستفسار عن فندق هلتون بتايا
• بسم الله الرحمن الرحيم احذر من الخداع عند الصرف
• بوكيت زوو ببوكيت أو سفاري ورلد ببانكوك؟
• مساعدة في حجز فنادق بوكيت ايهم الافضل من الثلاثة ؟
• مساعده لو سمحتوا يا اخواني
• اخذ فلوسي كاش ؟ طيب كيف احاسب من البوكينق
• وين المهندس الاول
• استفسار لو سمحتو
• استفسار حول الطيران اخطيت بالحجز
• طلب مساعدة ونصائح

هلا الغالي

دام انك بحريني ما عليك فيزا ،، لك دخول مجاني لمدة 30 يوم بدون دفع رسوم فيزا واذا زاد يوم راح تدفع غرامة او مثلا تقدر تمدد اذا سفرتك اكثر من 30 يوم طبعا السفارة بالبحرين ،،

اما اذا سفرتك اقل من 30 يوم فلا داعي للفيزا ، الفيزا المجانية هي نفسها البطاقة اللي توزع بالطيارة تملي البيانات ولم توصل المطار في بانكوك راح ياخذون نصفها والنصف الثاني تخليه عندك لانه وقت الخروج ومغادرة تايلند راح ياخذونها منك ،،
في حركة تغنيك عن استخراج فيزا هي انك تحجز رحلة الى ماليزيا عن طريق اير اسيا اسعارها رخيصة وترجع مثلا بنفس اليوم بالليل منها تاخذ طلة على كولالمبور ومنها جددت فيزا مجانية لمدة 30 يوم هههه ،، لانه لما يختم الموظف بجوازك خروج خلاص دخولك القادم بيكون لك 30 يوم فيزا مجانية ،،

اما سؤالك عن الدراسة بصراحة ما عندي علم لكن اسأل او كلم سفارة تايلند في البحرين راح يفيدونك بالجامعات والتخصصات المتوفرة ويسهلون امورك ويعطونك صورة كاملة بالتكاليف وغيره ،،

واخيرا بخصوص حجزك على العمانية المطلوب تطبع التذكرة الي ارسلوها لك على الايميل وفيها بيانات حجزك وكود الحجز وتسلمها لكونتر العمانية بالمطار حتى يعطونك البوردينق ،،

شوف اختصر الوقت عليك شوف فندق grand hotel

هههه هذي الفندق في شارع الولكينق ستريت يعني ما يحتاج تمشي للشارع بس تطلع من الفندق بتلقى روحك في الولكينق ستريت

شوفه بالنت اذا عجبكم توكلوا على الله وحجزوا فيه او شوف فندق مارين ينسباي شبابي ورخيص وفيه غرف كبيرة وبمنطقة العرب ،،

مشكووور الغالي وبخصوص الفنادق انا شفتها ولقيت الاول افضل أما الثاني فسمعته تعبانة كلش من ناحية الازعاج ومعاملة الموظفين وخدمتهم ونسلم يا الغالي

سامحني يا الغالي هذا الفندق اشرايك فيه من ناحية الموقع والمستوى
http://www.booking.com/hotel/th/four...ml?aid=1329869

الفندق ما عليه كلام ممتاز وحاصل على تقييم رائع من الزوار اللي سكنوا فيه ،،

لكن موقعه في الثيرد رود شوي بعيد لمشاوير المشي يعني تحتاجون تكسي او توك توك او حتى البيك اب ابو 10 بات ،،

هذي الفندق حلو ومناسب : Mercure Hotel Pattaya

تسلم يا الغالي

هذا الفندق اش رايك في موقعه اخوي

http://www.booking.com/hotel/th/apri...ml?aid=1329869

ابريل سويت ،،

الفندق حلو ومكانه حلو ،، توكل على الله ،،

هو مو جريب وايد من الولكينق سترين لكن في بتايا لا تحاتي المسافات عليك بس تركب البيك اب بو 10 بات ويلف بك الشارع وقت ما تبي تنزل طق الجرس وخلاص يوقف ينزلك والسعر ثابت 10 بات ما ادري للحين السعر او صار 20 بات بس بعد بلاش 100 فلس او 200 فلس نعمة ،،