الموضوع: حجزت وتوهقت شنو الحل؟ ممكن احد يفيدني

السلام عليكم ورحمة الله وبركاته
انا حجزت عمره بتاريخ 7-11-2009 لمدة يومين يعني لغاية 9-11-2009
وصدرت التذكره على طيران الجزيره
من حظي ان موسم الحج يصادف اليوم اللي انا حاجز فيه ( زمزم-ابراج مكه -هيلتون مكه - الصفوه ) ماكو حجز وانا متعود اسكن بهالاماكن وهالمره متمسك فيهم لان الوالده وياي لو بروح اقزر اموري بأي فندق
اللي عنده معلومات عن الفنادق القريبه من الحرم ( مشي على الاقدام )
انا اعرف ايلاف كنده ودار الايمان

اللي عنده معلومات يساعدني وشكراً

مواضيع عشوائيه ممكن تكون تعجبك اخترناها لك:

• سؤالي ل رحلة الايمان
• ماعرف شلون اصلي على الميت في الحــــرم ؟؟ علموني بليز
• وينكم يااهل ينبع ومن يعرف عنها شئ ياليت تفيدوننى
• استفسار عن
• زيارتي للمدينه وإاقامتي في فندق موفنبيك المدينه
• يااهل المدينة هل من مجيب ؟؟؟؟؟؟؟؟
• طلب أثار أو مزارات في مكة و المدينة
• شاطئ لاكوستا افيدوووني
• برنامج سياحي لشهل العسل في المنطقة الغربية يحتاج خبرتكم
• مســـاع ـــــده ولا عليكم أمر
• الى أهل المدينه المنورة
• لعيون الوالدة فنادق او شقق في المدينة الله يوفقكم
• تقريري عن فندق دار الإيمان أنتركونتننتال المدينة المنورة
• للخبراء والمجربين وش أفضل فندق شذى المدينة أو دار التقوى
• فندق الريادة ام القرى
• نشبتي مع ام العيال
• استفسار بخصوص مجمع العرب في جدة
• اسئلة محيرتني واحتاج مساعدة بخصوص ابراج البيت
• مطعم الايطالي ردسي مول
• صور شاطئ جدة وقت الأمطار

اخوي ومين قالك مافي امكانية في هذي الفتره امكن الفندق ماعنده امكانية لكن الشركات عندهم امكاانية

وعليكم السلام ورحمة الله وبركاتة عندك اجياد مكة عنده باص فندق الماسة 50 متر عن الحرم الكعكي 200 متر عن الحرم بس غريبة محجوزة من الان الله يسر امرك

حمام الحرم : لا الامكانيه غير متوفره عند الشركات ( يقولون ان هذي بداية فترة الحج مع العلم ان تاريخ الحجز قبل العيد بعشرين يوم )

ام هلاله : جزاج الله خير اختي ، وانا فكرت بالماسه لانه الاقرب بس مادري فيه حجز والا لا

powerful505 : مشكور اخوي وبارك الله فيك

المشاركة الأصلية كتبت بواسطة اسيـ الحالمه ـر
http://www.arabtravelersforum.com/tr...0/#post3416340

هلابك يالغالي
كنسل حجزك ورتب امورك
لانو دخولك هالفترة راااااااااااح يكون لازم معاااااااااااك تصريح حج
انت حاجز بعز الموسم
والا اقلبها حج
وبالتوفيق يالغالي



قواك الله نبهتني على هالسالفه

سيتم تأجيل او تقديم العمره

شكراً للجميع

شوف اخوي عندك احد الحلين :

اما تكنسل او تحجز في فندق اجياد مكة ممتاز جدا 450 ريال لشخصين مع وجبة افطار وفيه باص او انك تسكن في جده تاخذ عمرة وترجع ليش تجلس واذا حاب تصلي بعد ما تاخذ عمرة استاجر سيارة واسكن في اي فندق بعيد عن الحرم واذا جاءت الصلاة وقف في المواقف الي برسوم او مواقف كدي وتعال بتكسي واشتري تعب راسك السيارة في امان وتصلي وترجع بتكسي للموقف وترجع للفندق بسيارة الاجار وكل صلاة كذا

تأكد من السماح بدخولك لمكة من عدمه لان منافذ مكة حسب معرفتي لاتقبل الدخول خلال الفترة الحالية وحتى آخر ايام التشريق الا بتصريح حج لان الموسم موسم حج واعانك الله ووفقك

السلام عليكم ورحمة الله وبركاته
شكراً من القلب للجميع على التعاون الجميل اللي شفته ومساعدتي بمشوراتكم الطيبه اللي مالي غنا عنها

انا قدمت عمرتي وهليتها من 2-11 لغاية 4-11 والحمدالله حصلت سكن في زمزم

فعلاً نقطة التفتيش ترد المعتمرين بس تمشي الخليجين ومشوني اول ماشاف الجوازات ولله الحمد
واول مره بحياتي اطوف بالدور الاول ( حتى في رمضان ماطفت بالدور الاول ) لانهم رفضوا ادخل العربانه تحت اضطريت اخذ والدتي فوق واطوف فوق
كانت فعلاً عمرتي متعبه ( لاني مونايم وقدر الله اني اطوف بالدور الاول ) ولكن التعب بإذن الله بيكون أجر لان الأجر على قدر المشقه

فعلاً يا أخوان زحمة شي موطبيعي وكأنك في رمضان بره وداخل الحرم
شكراً للجميع مره اخرى

عمره مقبولة بأذن الله..

جزاج الله خير اختي ام ياسر

[color="red"]أخوي أحجز عن طريق الشركات لانهم يحجزون ادوراار كاملة وان شاء الله بتحصل ...


اول مشاركة لي

منا ومنك صالح الاعمال اخوي قاهر العالم جزاك الله خير






المشاركة الأصلية كتبت بواسطة أجهل عناوينك
http://www.arabtravelersforum.com/tr...9/#post3434179

أخوي أحجز عن طريق الشركات لانهم يحجزون ادوراار كاملة وان شاء الله بتحصل ...


[color="red"]اول مشاركة لي



اعتمرت وخلصت ولله الحمد

ياحضي بمشاركتك واتشرف