استفسار عن مطاعم حلال في برشلونة

**ahmedgaper** · 01-16-2015, 12:11 AM

السلام عليكم

لو سمحتم ياليت تفيدوني عن بعض المطاعم الحلال في برشلونة وبالأخص تكون على شارع الرامبلا ؟
كنت أقول ماراح آكل إلا من محلات الوجبات السريعة أضمن مثل ماكدونالدز وبرجر كينج وغيرها بس قريت رد من الردود إن حتى أكلهم يكون فيه من منتجات الخنزير !!

فياليت تفيدوني عن مطاعم على الرامبلا متأكدين منها 100% مافيها منتجات الخنزير ؟ (على فكرة ماأحب المأكولات البحرية)
ولو بعد فيه بوفيه مشهور على الرامبلا لوجبات الفطور ..

وممكن ترجمة الجملة هذي للأسبانية
كيف أقول ماأبي لحم خنزير أو أي شي يكون فيها منتجات الخنزير ؟

وألف شكر

مواضيع عشوائيه ممكن تكون تعجبك اخترناها لك:

**ahmedali** · 01-16-2015, 12:11 AM

مرحبا اخوي ابوصف لك وصف ربيعنا شوف اذا جيت مدحدر مع شارع الرامبلا نزولا باتجاه البحر (يعني وجهك مشرق ) بتجيك ساحة الريالPlaça Reial على يسارك اذا تعديتها بخطوتين بيجيك شويرع على يمينك اسمه Carrer Nou de la Rambla ادخل معه ثاني محل على يدك اليسار مطعم تركي يحبه قلبك انواع المشويات والكباب والمقبلات وتقدر تجلس بالدور الثاني بعده فيه مطعم باكستاني اسمه Raja لكني ما جربته واذا بغيت الموقع على الخريطه انسخ العنوان هذا وطبقه في قوقل C/ Nou de la Rambla, 1-3 08001 Barcelona, Spain 933 17 55 78 المطعمين كلهم يقولون حلال والله العم تحياااااااااااااتي

**alifun** · 01-16-2015, 12:11 AM

الخنزير له عده مسميات لكن تقدر تقول نو خامون و نو بيخ
الدجاج اسمه بويّو بشد الياء واللحم كارني

اما المطاعم العربيه فما لي تجارب ولا خبره فيهم
لكن ياخي طعام اهل الكتاب حلال وماحد مهتم انه يغشك ويقولك لحم دجاج ويطلع خنزير .. ماعندهم حركات بعض الدول العربيه اللي يقولك لحم بقر ويطلع حمار