الموضوع: سؤال للسويدى ؟

السلام عليكم ورحمة الله وبركاته ,
الله يجزيك الخير اخوى وين بوسترات المطاعم ؟
بخصوص فندق فريزر لانجسوان عندك فكرة متى انبنى هل الفندق وهل هو نظيف لانى ان شاء الله راح احجز فى هل الفندق ؟
ارجوا من الأخوة الأعضاء الى سكن فى نفس الفندق يفيدنى باى معلومة زينة كانت او شينة .

مواضيع عشوائيه ممكن تكون تعجبك اخترناها لك:

• محتاره بين هواهين وبين شنغ ماي وجزيرة كود
• أماطار الخير في سوريا
• مساعده في خطة السفر
• بطاقة الفيزا بتايلند سؤال عاجل ؟؟
• أي افضل احجز تذكرة السفر الداخلية من بانكوك لين بوكيت قبل لا أسافر تايلند ولا بعد
• والله ما ندري وش الخيره فيه يا جماعه وش رايكم؟
• مسافره لبانكوك عن قريب
• المعجبنات والحلويات
• وين اسكن في الشمال
• رأيك فيه لاهنت
• استفسار عن السكن في دمشق
• شقق فندقية بكسب ؟؟؟؟؟
• عين البيضا هي نبع مياه تتوسط ثلاث قرى في اللاذقية
• خطوط جآكرتآ بوكيت بتآيآ
• لكل السعوودين اللي سافروا تاااايلند وججدوا جوازاتهم ولكل من له خبرة بالموضوع ادخلو
• رحله فردية الى تايلاند
• الى خبراءنا الاعزاء اسئلة عن محبوبتكم
• سلام عليكم يا شباب ويا صبايا انا موجود في بوكيت اي خدمة او استفسار
• الطيران الداخلي والخارجي خدمة الايفون
• اريد السفر الى سوريا و لكن ليس عندي خبره ؟

هلا اختى ام الحلوين انا اقصد هذا الفندق
Fraser Place Urbana Langsuan Hotel

[
1- اقرب فندق للأسواق ويكون ممتاز ونظيف وآمن - وأريد 3 غرف وصاله ويفضل يكون فيه شطاف وانتوا بكرامه.
من رأيي تأخذ فندق قريب عن المستشفي يكون أفضل و أرشح لك فندق زينيث اولا او اماري بوليفارد .


3- أفضل طريقه للمواصلات خاصه انه بيكون عندنا حرمه كبيره. التاكسي يكون وسيلة مناسبة جدا .

4- أماكن قريبه للنزهه والنقاهه ويكون الذهاب إلها بالسياره ولو تبعد ساعه ونص عن بانكوك . ما عندي فكرة الي أعرفة ببانكوك هناك ال سفاري وورلد و دريم لاند ما ادري تناسبكم ام لا ؟

5- هل احول كل المبلغ بالدولارات أو نص دولارات ونص تايلندي . من رأيي حولهم دولارات امريكي و لا تنسي تأخذ البطاقة الائتمانية و مبلغ لا يقل عن 10000 بات من العملة التايلندية كمصاريف الطريق فقط .

6- اول مره اسير تايلند ولا اعرف فيها الشرق من الغرب فهل تنصحون ناخذ سايق خاص ويكون عربي وناصح ويساعدنا في كل شي . من مميزات تايلند ان كل الخدمات موجودة فيها و الوسائل للتنقل كثيرة و متنوعة و ما في داعي تأخذ سائق خاص الا اذا ظروفك لا تسمح لك ( اقصد المرضية ) و تريد الخصوصية .

وجزاكم الله خير ونفع بكم واتمنى الرد بسرعه لا حرمكم ربي الاجر[/quote]

لحضه وحده اختي الفلاسيه ممكن توضحين تم الحجز عن طريق وين ؟

1- اقرب فندق للأسواق ويكون ممتاز ونظيف وآمن - وأريد 3 غرف وصاله ويفضل يكون فيه شطاف وانتوا بكرامه

اختي الغاليه , جميع الفنادق اللي محتاره فيهم قريبين من المجمعات , ووالشقق الفندقيه اللي كنتي محتاره فيهم يعتبرون من الافضل في هذه المنطقه ..



3- أفضل طريقه للمواصلات خاصه انه بيكون عندنا حرمه كبيره

الله يحفظها ويخليها لكم , اذا كان في صعوبه في ادخالها لـ سيارة الاجره العاديه والاغلب تكون السيارات نوع كورلا فـ عليكم بتأجير سيارة .. اما اذا لم يكن هناك مشكله فالافضل استخدام التكاسي المنتشره والاتفاق بالمبلغ قبل الصعود او طلب تشغيل العداد وهو اللي افضله لكن وهذا يتطلب سعت صدر

4- أماكن قريبه للنزهه والنقاهه ويكون الذهاب إلها بالسياره ولو تبعد ساعه ونص عن بانكوك

هناك الكثير من الحدائق والمنتزهات , ويوجد منتجع اضن اخوي الكبير العصيمي وضع تقرير عنه ..

5- هل احول كل المبلغ بالدولارات أو نص دولارات ونص تايلندي

الأفضل هو الدولار ويتم صرفه في شارع العرب في محل بوداود هو أفضل سعر , ويتم حمل مبلغ بسيط 10,000 بات وذلك من اجل الصرف اذا احتجتوا شي من المطار , وايضا من اجل التوصيل ..

6- اول مره اسير تايلند ولا اعرف فيها الشرق من الغرب فهل تنصحون ناخذ سايق خاص ويكون عربي وناصح ويساعدنا في كل شي

تايلند لا تحتاج الى مرشد , وهي سهله جدا .. اذا اردتي المكان الفلاني أخبري الرسبشن في الفندق عن المكان المطلوب واجعليهم يكتبون لج اياه في ورقه باللغتين التايلنديه والانجليزيه واريها التاكسي واتفقي معاه على العداد فهو الافضل وألحوا عليه قبل الركوب ..


وجزاكم الله خير ونفع بكم واتمنى الرد بسرعه لا حرمكم ربي الاجر

اتمنى لج سفره ممتعه , وتجربه فريده ..

وتوصلين بالسلامه ..

رحلة سعيده

وضحكت على كلمة شطاف لان اخونا العصيمي ماسكها علينا

لازم شطاف ونبي شطاف ههههههههههههههههاااي

وبصراحة ما ألومك

اتمناها رحلة سعيدة وخالدة للذكريات الجميلة

كل الود

المشاركة الأصلية كتبت بواسطة فلاسه
http://www.arabtravelersforum.com/sh...50#post5397850

شفت في بوكينق لكن ماعندي بطاقه فخبرت مكتب سياحي دخل وحجزلي وباجر بيرد عليه... هوه في البوكينق 11460 وهم عطوني ب 13600 بالريوق...؟

فشو ظنك ... وغن تعرف طريقه خبرني دهديه لأن راسي صدع من هالحجز ست وستين فندق

ونحن نبا هذا الفندق فأسعفني الشيمه

ملاحظه (( فلاسه )) مب فلاسيه ربي يسعدها



اولا اسمحيلي انا بروحي مختبص ومتفشل اني تأخرت على اختي الفلاسيه ويوم جفت موضوعج وان يوم الاربعاء قلت شلون سفرتها تعجلت وحاولت اني ابحث وادور والساعه احين عندنا 5 فجرا في بانكوك .. يعني اعذريني ..


اما بخصوص السعر , نعم هذه مشكله .. والسعر في موقعهم الرسمي تقريبا 3200 دولار وهو نفس سعر بوكنق تقريبا لكن يشمل الفطور والانترنت مجانا ( لان له سعر خارج سعر الغرفه ) يعني عاملين بكج ..

http://www.marriott.com/hotels/trave...ve-apartments/

تقريبا 2000 زياده للحجز من المكتب , ولكن نفس ماقلتي مجبورين انتوا .. الفيزا مهمه في هذه الاشياء وتوفر عليكم مبالغ وانتي تقدرين تحكمين احين ..

وان شاء الله يتم الحجز غدا من المكتب , وعليك بسؤال اكثر من مكتب وحاولي تقولين للمكتب انج حصلتي سعر افضل تره بعضهم ينزل من سعره ..

والله يوفقج وتحصلين السعر المناسب وتحجزين وترتاحين ..

الله يسر امركم
واتمني لكم يا اختي رحلة موفقة وسعيده

السلام عليكم
أختى فلاسة موفقة ان شاء الله تروحون وترجعون بالسلامة .
والله يعافى ويشافى مريضتكم ويذهب البأس عنها يارب .
مت من الضحك يوم عرفت ان السويدى لخبط بين اسمج واسمى .
اتصدقين من كم يوم افكر اغير اسمى لام جمال صار الكل يعرفنى بام جمال واحس احلى اذا الحرمة ينادونها بكنيتها يا ريت لوحد يعرف شقايل يساعدنى لانى حاولت وما عرفت .
دمتم بود اختكم ام جمال .

المهم يا اختي ياليت تباشرينا من هناك ونسمع اخباركم اول باول
ولازم اول ماترجعين تضبطين لنا تقرير وصور عن الرحلة

وعليكم السلام اختي أم جمال... يزاج الله خير وربي يصرف عنا وعنكم وعن المسلمين السوء..
غمظني اخويه السويدي وحليله تحراني إنتي زين ما اخترب عليج حجزج بسبتي
نشوفج على خير ربي يرضى عليج ويسعدج

أخويه بق بن ... عاد اباشركم ما اوعدكم تراني من اهيز الناس في الكتابه وإن كان المزاج زين والرحله مبشره من البدايه برسل شوية اخبارنا .... وأما عن التقرير إن شاء الله من ارد برتبه وبنزله في المنتدى وأظن في حياتك ما بتشوف شرات تقريري

اسأل الله أن يجزي كل من رد علي وساعدني خير الجزاء وأن يرزقكم من خيري الدنيا والآخره وأن يحفظكم في حلكم وترحالكم ويسعدكم في الدارين ويجعلكم في طاعة الله حتى تلقوه وهو راض عنكم

نراكم على خير ونستودعكم الله الذي لا تضيع ودائعه

.

اختي الغاليه ام جمال , سيتم تعديل الصور ورفعهم الان ..

عطيني شوي وكل شي يكون موجود بذن الله ..

اول شي اسمحيلي مره ثانيه على التأخير , وعدتج بـ هديه وهاذي هي ..

اليوم رحت للفندق المطلوب وذلك لرؤية المنطقه .. طلعت من الفندق الساعه 4 وربع العصر من منطقه نانا بالسكاي ترين ووصلت محطه جات لوم وسعر التكت 20 بات ونبدأ بالصور من هذي المحطه ..






وهاي التقاطع واللي فوقه هي محطه السكاي ترين والسياره اللي داخله هالمدخل هو نفس المدخل المؤدي الى الفندق ..





وهاي هو الطريق المؤدي للفندق الشارع نظيف ووسيع وحتى الرصيف كبير واريح من للمشي ..





وهاي بعد المشي شوي وتصوير التقاطع من بعيد وفي الصوره تقدرين تجوفين سنترال جادلوم وهو مجمع جميل للتسوق انصحج فيه ..





وهذا بعد المشي 3 دقائق حصلت 7 الفن ويمه محل للثياب + مطعم كوري مادري ياباني + سبا راقي ..





هذي صوره توضح المحلات الـ 4 + الشارع ورصيف المشاه , واللي زار بانكوك قبل يجوف هالرصيف من انظف الارصفه واوسعهم ههه

وبعد 5 دقائق مشي وجدت ستاربكس , فرع كبير وراقي ..





ارقى من فرعين نانا اللي مجابلين الـ JW ماريوت وله صور اقرب لكن في طريق العوده بحطهم ..




وبعد 8 دقائق مشي وصلت الى مدخل فندق الفرازير ولي عوده اليه ..





محل لـ ملابس النساء + كوفي شوب وفي صوره اقرب في العوده ..





وصلت الى الماي فير ماريوت ويمكن يبعد عن الفرازير 4 دقايق مشي يعني كلش مب بعيد ..





وجدامه لونيتر ( ماعرف انطقها بالفرنسي ) وهو مطعم وكوفي شوب بس مادري عن اللي موجود عندهم بس الاكيد ان نفس اللي عندنا في البلاد ..

يتبع ..

هاي مبنى شقق الماي فير من الخارج وهو اللي على الجهى اليسرى ..




وملاصق للماي فير سوبرماركت كبير وهو من الأفضل بالنسبه لي لان اغراضهم منوعه وتوجد انواع كثيره من الاجبان وبعضها العربيه ..

وهو فيلا ماركت ..




وهاي صورة البوابة ..





ومن الداخل ..




يعني الله سهل لكم اموركم , تعتبر أفضل من 7 ألفن بمراحل لـ وجود انواع اميز من الدهون والخبز والبيض والاجبان بأنواعها ..


وهذي صورة من خارج بوابة الماركت وتبين مبنى الفرازير ..





وهذا كوفي شوب بجانب الفيلا ماركت ..





وبعدها كملت المشي الى اخر الشارع , بعد الماركت تقل العمارات وتظهر عمارات اقدم وهي جميعها شقق للايجار لكن ليست بضخامه وفخامت اللي مريت عليهم والمنطقه يوجد بها الكثير من البنوك لذلك هي منطقه نظيفه وهي بالاساس منطقه عمارات وليست سكنيه وبالمشي وجدت اكثر من سبا واغلبهم فخم وعلى مستوى عالي .. وبنهايه الشارع توجد حديقه كبيره واسمها lumphini park ..

صوره التقاطع وخلفه الحديقه ..




وخارج الحديقه هناك الكثير من الباصات السياحيه ..





وخلف الحديقه توجد منطقه سلوم وبها محلات ليليه يمدحونها لكن للأمانه الى الان لم اذهب اليها ..

وبعدها عدت الى الفرازير وفي الطريق العوده اخذت هذه الصوره للكوفي شوب + محل نسائي وهي اقرب ..





وبعدها دخلت الى فندق الفرايزر ..

يتبع ..

السويدي والله انك ماتقصر الله يطول بعمرك


بس ماقلت لنا كم اسعارها عساها رخيصه ام ثلاث غرف

بصراحة واااااايد حلوة الشقق وشكلها راقية ونظيفة عندي سوال كم اجار الغرفة وصالة والغرفتين بعد ومكان الفندق وين نقدر نسير نانا مشي او تاكسي ومشكوووور اخوي وجزاك الله خير

والله يـ ام جمال التقييم للفندق قوي وهو يعتبر من الافضل , والميلينيوم تقيمه اقل من الهوليدي ان بشوي .. لكن للأمانه ماسكنت في اي واحد فيهم ..

لكن من الشكل العام مبين عليه فندق محترم , واما عن ( الله يعزج ) الحمام فـ ماعرف اذا كان الشطاف موجود او لا .. لو احد من الاخوان سكن في الفندقين من قبل يقدر يساعدج اكثر مني ..

مششششششششششششششكور وما قصرت على الرد
الله يجزيك الجنة
بنكون على تواصل ان شاء الله اذا جد فى الأمر جديد

مشكور اخوى
بانتظار رد الخوة الأعضاء الى جرب ميلينيوم والى جرب هوليدى ان فوكيت ايجابيات وسلبيات المنتجعين.