الموضوع: استفسارات بخصوص السفر الى التشيك براغ

السلام عليكم عندي شوية استفسارات تطرأ كل شوي بغيت فزعتكم:
1- انا عندي فيزا شنقن من سفارة المانيا العام الماضي واعتقد التشيك منضم للشنقن وفيزتي من تاريخ 24-8-2012 الى 23-8-2013 ،،، وسافرت الى المانيا ورجعت من المانيا ،، حاليا ناوي اسافر الى براغ عن طريق برلين ترانزيت ، بتاريخ 27 يونيو والعوده من براغ او ميونيخ بتاريخ 8 يوليو .... السؤال هل بأواجه مشاكل مع مطار المانيا اقصد جوازات المانيا او جوازات التشيك ؟

2- اهم المدن في التشيك للسياحه براغ وش فيه غيرها احرص على التنقل لها عبر الباص او القطار ؟ عشان اشيك عالفنادق واسعارها

شكرا ونكمل الاستفسارات بعدين .. في انتظاركم

مواضيع عشوائيه ممكن تكون تعجبك اخترناها لك:

• تكفوووون ساعدوني ضروري جداااااااااااا
• دعوة زيارة لألمانيا
• النرويج اجمل بلدان العالم
• ساعدوني الله يخليكم فين أسافر السنة هذه
• جنيفهولندا استفسار
• الى مشرفتنا العزيزة هولندا
• كل ماتعرفونة عن في السويد
• استفسار عن فنادق في بروكسل امستردام
• ابغي اروح بلد فيها ثلج في ديسمبر وين اروح ؟
• رحلة 16 يوم في اوكرانيا اربع مدن كييف و لفوف و سمفربول و يالطا من عنده استفسارات
• اذا كانت النيه على المجـــــــــــر سم الله وادخـــــــــــــــل
• أخوكم مسافر لمالطا أبي أي معلومات الفزعة
• بحمد لله عدت من روسيا بلأمس
• ليله في سراييفو البوسنه استفسارات
• الدراسة في روسيا الاخ جــاسم وكل اصحاب الخيره
• توفير معلومات عن الســــــــــــــــــــــــــــــــــويد ليكون مرجع ،،،،
• باقي على السفر اسبوعين
• زيارة دولة اسكندنافية
• تبليسى عاصمه جورجيا لؤلؤه بلاد القوقاز
• أرجو مساعدتي التشيك النمسا تركيا

و عليكم السلام

لن تواجه مشكلة ان شاء الله
بس احتفظ بحجوزات الفنادق معك في حال السؤال

مدن كثيرة بالتشيك
الموضوع يعتمد على اهتماماتك
كثير يروح لكارلوفي فاري مناظر طبيعية
لكن الكثير يزورها عشان مصحاتها

الله يعطيك العافيه مراقبنا العزيز
الحمد لله شيكت على الفيزا لقيتها ملتي يعني متعدد

الحين انا حسب ماشفت وقرأت ثلاث مدن
براغ اربع ايام اوصل لها بالطائرة عن طريق ميونيخ او فرانكفورت
كارلوفي فاري 3 ايام اوصل لها من براغ عن طريق القطار
بعدين بالقطار بروح الى ميونيخ او فرانكفورت 3 ايام ثم اعود للديار

سؤالي هل عدد الايام ومساري صحيح ولا فيه افكار اخرى .. خصوصا هدفي السياحه فقط لاغير تمشيات وقهاوي
اذا ما سبق صحيح لاهنتم عطوني المناطق المهم السكن فيها لان هدفي للسفر لاروبا هو ممارسة رياضة المشي دون استخدام تكاسي او مواصلات عامه يعني فنادق قريب منها كل شي وفي وسط او قرب وسط المنطقه السياحيه وسعر معقول لان باحجز من الحين طبعا سفري بتاريخ 22 يونيو

التخطيط حلو
كلنا بحاجة للمشي دون استخدام المواصلات
و هذا اللي يسويه الاوربيين في رحلاتهم
يسكنون في بد اند بريكفاست نزل بسيطة تقدم الافطار
يستمتعون بالتعامل مباشرة مع اهل البلد و يمشون طول الرحلة
و حنا في فنادق خمس نجوم يس سير هاي سير و كله تكاسي

ارشح هذي الشقق بوسط براغ
ممكن تاخذ استوديو او شقة بغرفة

http://www.arcadiaresidence.com/?lang=en

و هذا الفندق الصغير المطل على النهر و المدينة
موقع رائع و رخيص

http://www.villarosa.cz/web/en/titulni

واختار لك هذا الفندق بميونخ

http://www.hotel-marc.de/

اشكرك يالغالي
شقق براغ مافيه امكانيه لمدة طويلة لذلك بحثت عن فنادق في نفس المنطقه لقيتهم يمدحون هالفندق Panorama Hotel Prague وسعره 315 باليوم وش رأيك ، مع ان فيه ارخص ؟
اما السكن في http://www.villarosa.cz/web/en/titulni لقيت التسعيره غاليه تكلفني 84 يورو باليوم ؟؟؟؟ هل انت شايفها تسوى!؟؟ ، ماعندك افضل ولا المطلوب مني اني ابحث في نفس المنطقه؟
اما بالنسبة لميونخ فهي ديرتي ادبر حالي وفندقك حلو بس غويلي لقيت حوله فنادق حلوه وبسعر زين

اشكرك من الاعماق ولكن انا استغرب ماوجدت شركات سياحيه تسوي تور في الديره وبالاصح زيارات لخارج الديره حفل شواء او تسوق او بحيرات ما ابي تراث ومتاحف ماني من اهلها ولو عندك فضلا لا أمرا تعطيني الرابط وانا بأدبر عمري
شي اخير هل فيه موقع للقطارات عشان اشوف التكلفة من مدينه الى مدينه والوقت المستغرق ووقت الانطلاق والوصول وتوضيح اذا كان بدون توقف او لازم اغير القطار بواحد آخر يعني شي يساعدني في اتخاذ قرارات

بوركتم جميعا