الموضوع: استفسار رحلة عائلية

السلام عليكم ورحمة الله
انا ناوي اسافر لاسبانيا بشهر 1 تقريبا وحاب استفسر عن كذا شغلة
لان ما عندي اي خبرة بخصوص اسبانيا ، الرحلة بحدود تقريبا 10 ايام ، ابي مناطق تكون
تاريخيه وفيها متاحف ومباني قديمة وما تكون غالية حيل وياليت ذكر الفنادق والاماكن المميزة بعد
العائلة مكونة من ام واب و4 ابناء اعمارهم 18-14
وكم تقريبا تكلفة الرحلة ، وشكرا

مواضيع عشوائيه ممكن تكون تعجبك اخترناها لك:

• مساعدتكم في فنادق مدريد برشلونه والجنوب تكفون
• اوت لت اسبانيا
• استفسارات عن الشراءوالتسوق والهاتف
• تكلفة التاكسي من المطار للفندق ؟؟
• ساعدوني كليوم اغير قراري حق شهر العسل
• سائق و مرشد سياحي مع جميع انواع السيارات في اسبانيا
• الاندلس للخدمات السياحية في اسبانيا
• استفسار عن التأشيرة اللغة
• اجمل ستة ايام برشلو غرناطية
• مساعدتكم الله يساعدكم
• فينيسا يوم الاحد
• مساعده بخصوص الوقت المناسب للسفر لمدريد والفيزا
• مساعدة برنامج بليز بالسفر لاسبانيا
• ساعدونى من فضلكم
• محتار بين ماربيا وبرشلونه في اسبانيا
• اسعار المطاعم والمقاهي في اسبانيا عمومآ
• ارجو المساعدة في حجز فنادق
• هل استجار السياره في الجنوب الاسباني اريح ؟؟؟
• تكاليف المصروف اليومي
• اخواني ابيكم تساعدووني ضروووري شهر العسل

المشاركة الأصلية كتبت بواسطة mixloyalo
http://www.arabtravelersforum.com/tr...6/#post6379698

السلام عليكم ورحمة الله
انا ناوي اسافر لاسبانيا بشهر 1 تقريبا وحاب استفسر عن كذا شغلة
لان ما عندي اي خبرة بخصوص اسبانيا ، الرحلة بحدود تقريبا 10 ايام ، ابي مناطق تكون
تاريخيه وفيها متاحف ومباني قديمة وما تكون غالية حيل وياليت ذكر الفنادق والاماكن المميزة بعد
العائلة مكونة من ام واب و4 ابناء اعمارهم 18-14
وكم تقريبا تكلفة الرحلة ، وشكرا



10 أيام و 6 أشخاص
الأفضل لك استئجار سيارة حتى تخف عليك تكاليف التنقلات
وأما المدن التي أرشحها لك فهي مدريد 3 - طليطلة 1 - قرطبة 1 - غرناطة 2- أشبيلية 1 - مدريد 2
كما يمكن زيارة طليطلة من مدريد وعدم السكن فيها وكذلك زيارة أشبيلية وقرطبة من غرناطة
السكن تحتاج تقريبا غرفتين ولكن بإذن الله سوف نجد لك فنادق بأسعار معقولة لكن نحتاج التواريخ المضبوطة للسفر
ولا يمكن تحديد التكاليف إلا بمعرفة التواريخ
عموما
السكن 1000 ريال في اليوم
المصاريف من 150 - 200 يورو في اليوم
السيارة 1500 ريال
التذاكر بحسب التاريخ لكن أعتقد من 2000 وانت طالع

شكرا على سرعة الرد وان شاءالله احددلك التاريخ
بالضبط متى بس ياليت تدخل برشلونة على
خط السير لان اسبانيا بدون برشلونة !
اهم شي برشلونة وغرناطة واشبيلية ياليت خط سير يمر بهالمناطق وشكرا مرة ثانية ما تقصر

المشاركة الأصلية كتبت بواسطة mixloyalo
http://www.arabtravelersforum.com/tr...4/#post6379984

شكرا على سرعة الرد وان شاءالله احددلك التاريخ
بالضبط متى بس ياليت تدخل برشلونة على
خط السير لان اسبانيا بدون برشلونة !
اهم شي برشلونة وغرناطة واشبيلية ياليت خط سير يمر بهالمناطق وشكرا مرة ثانية ما تقصر



أنا أعطيتك على حسب طلبك مدن تتميز بالتاريخ والآثار
عموما
إذا كان ولا بد برشلونة فاحجز الذهاب لبرشلونة ثم خذ سيارة لزيارة قرطبة وأشبيلية وغرناطة عن طريق بالنسيا ثم مدريد وحاول يكون حجز العودة من مدريد

حلو خلاص الرحلة ان شاءالله
برشلونة بالنسيا قرطبة غرناطة اشبيليا مدريد
عدل ?
الرحلة تقريبا من 30-1 إلى 9-2
ممكن ايام الاقامة في كل منطقة واهم المعالم
والفنادق ، وشكرا

ميلادي ، لا الاقامة راح يكون هوتيل في برشلونة وغرناطة ومدريد

عطني رأيك في ها الفندق ( طبعا تحتاج غرفتين ) سعره معقول والفندق حلو هذا ببرشلونة والباقي عطني فرصة أشوف لك قريب إن شاء الله
http://www.booking.com/hotel/es/onix...king_confemail

يعطيك العافيه بس دورت بالموقع ولقيت
كذا واحد حق برشلونة وغرناطة ومدريد ، بحطلك الروابط وانت شوف
اذا مضبوطين ولا لا بعد اذنك ،
بس الحين السيارة شلون الطريقة والليسن وقبل السفر شالمطلوب
وشنو تنصحني بموقع احجز منه السيارة
وطريقة التعامل معاهم
وللاسف الحجز التذاكر الطيران مضطر ارجع لبرشلونة مرة
ثانية ، سهله العودة من مدريد الى برشلونة ?

معنى كذا أنك حجزت وخلصت
بس كل الخطوط الجوية تعطي خيار الذهاب من محطة والعودة من أخرى وبنفس السعر تقريبا
المطلوب الآن
استخراج التأشيرات
وللاستفسار عنها هناك موضوع مثبت لي في البوابة هنا وموجود في توقيعي خاص بالتأشيرة
أما السيارة فأرخص موقع وجدته هو ترافل جيغسو
http://www.traveljigsaw.ae/
وميزتهم تقدر تتصل عليهم برقم مجاني ويضبطون لك حجوزاتك
والعودة من مدريد لبرشلونة بسيطة ( وممكن تواصل بالسيارة عادي كلها 600 كلم )
وعلى فكرة أنا في انتظار روابط الفنادق

لا الى الان ما حجزت
شكرا ما تقصر عالموقع وبضبط الشغل معاهم
لكن الآن بشوف الفنادق لان غيرت
الوجهه ما راح امر على مدريد
راح تكون الرحلة
برشلونة فالنسيا غرناطة ومن غرناطة الى ملقا وقرطبة واشبيليه
وارجع مرة ثانية الى برشلونة بدون مدريد
لان ما انجذبت كثير لمدريد
راح يكون الفندق في برشلونة وفي غرناطة
ويمكن نحجز فندق في المناطق ما بين برشلونة وغرناطة
حاب اسأل بس عن الجو وتعرف راح يكون وقت شتا فكيف الانتقال بالسيارة
بين هالمناطق اذا كان فيه ثلج ?
ولو عندك نصائح للمناطق الي كتبتها ويعطيك العافية

لكن الموقع مضمون ؟ مو مشكلة اذا كان موقع غالي لكن شغل
مضبوط ومجرب ، لان تعرف اول مرة ما ابي اتوهق

المشاركة الأصلية كتبت بواسطة mixloyalo
http://www.arabtravelersforum.com/tr...4/#post6380694

لا الى الان ما حجزت
شكرا ما تقصر عالموقع وبضبط الشغل معاهم
لكن الآن بشوف الفنادق لان غيرت
الوجهه ما راح امر على مدريد
راح تكون الرحلة
برشلونة فالنسيا غرناطة ومن غرناطة الى ملقا وقرطبة واشبيليه
وارجع مرة ثانية الى برشلونة بدون مدريد
لان ما انجذبت كثير لمدريد
راح يكون الفندق في برشلونة وفي غرناطة
ويمكن نحجز فندق في المناطق ما بين برشلونة وغرناطة
حاب اسأل بس عن الجو وتعرف راح يكون وقت شتا فكيف الانتقال بالسيارة
بين هالمناطق اذا كان فيه ثلج ?
ولو عندك نصائح للمناطق الي كتبتها ويعطيك العافية



ما أدري
أحسك ضيعتني
برشلونة في الشمال وغرناطة في الجنوب ومدريد في الوسط ( بينهم ) وأحسن طريق من برشلونة للجنوب يمر بمدريد لكن عطيتك الترتيب الأول حتى أغير لك الطرق
أنا ما أدري ليش تكره مدريد مع أنها من أفضل المدن الأسبانية خصوصا لمحبي المتاحف والتسوق والمباني القديمة وبحكم قربها من مدينة طليطلة التاريخية
عادة المناطق المذكورة هنا ثلوجها قليلة ( أسبانيا عموما ثلوجها قليلة ) والتنقل بالسيارة سهل جدا

هههه لا لا ما ضيعت ماشي عالخريطة
والله يسلم قوقل وخريطة
بس خلاص ناخذ رايك ونروح مدريد ان شاءالله

بس انا قلت بدال ما تكون طريق العودة مرورا بمدريد
اخليها على طريق فالنسيا مرة ثانية
بس خلاص راح آخذ بنصيحتك ونروح مدريد

في برشلونة
من 30/2 - 2-2
http://www.booking.com/hotel/es/ramb...ml?aid=1329869
هل تنصح فيه ? ومكانه هل هو قريب من معالم برشلونه

غرناطة
من 2/2 - 6/2
http://www.booking.com/hotel/es/el-a...ml?aid=1329869

اخيرا في مدريد
من 6/2 - 8/2
http://www.booking.com/hotel/es/host...ml?aid=1329869
وآخر ليلة سنقضيها في اي فندق بين مدريد وبرشلونة

شققك أماكنها جيدة وأسعارها رخيصة ومستواها بحسب موقع بوكينج انت شايفه
وفندق برشلونة موقعه ممتاز على شارع الرامبلا المشهور
بس المشكلة ممكن تعذبك مواقف السيارات شوي

مشكور ما تقصر ، اممم مو مشكلة لو في مواقف بعيدة ونروح مشي
بعدين تتدبر هناك اهم شي الاساسيات مثل ما قلت

مرحبا اخوي

اسمحلي بهالنصيحة:

في برشلونة ما تحتاج سيارة ، وجميع الاماكن السياحية عندها مترو قريب منها، ومن والى المطار بباص المطار..

التنقلات جدا سهلة في برشلونة سواء بالمترو او الباص او الترام او القطار..

بس المناطق الثانية اكيد تحتاج سيارة..


يوفقك ربي ان شاء الله

المشاركة الأصلية كتبت بواسطة lo0onely
http://www.arabtravelersforum.com/tr...4/#post6382514

مرحبا اخوي

اسمحلي بهالنصيحة:

في برشلونة ما تحتاج سيارة ، وجميع الاماكن السياحية عندها مترو قريب منها، ومن والى المطار بباص المطار..

التنقلات جدا سهلة في برشلونة سواء بالمترو او الباص او الترام او القطار..

بس المناطق الثانية اكيد تحتاج سيارة..


يوفقك ربي ان شاء الله



هلا والله
وكلامك سليم هذا ممكن
والأفضل له يقارن الموضوعين ويشوف الأوفر له لأن عائلة الرجل 6 أشخاص
عموما ممكن يخلي ايجار السيارة لليوم الأخير ( ما يأخذها من المطار ) وبعدين يطلع بها للجنوب

شكرا عالنصيحة
ويمكن اسوي مثل ما قلتوا استأجر السيارة في آخر
يوم في برشلونة وامشي فيها إلى الجنوب
يعطيكم العافيه وما قصرتوا