الموضوع: السلام عليكم امممم تحملوني

عندي استفسارات واااجد، بس ان شاءالله تتحملوني

طبعا راح اجزءها و ببدا من الاول

حابه اروح مع زوجي لبرشلونه بالتحديد بس حابه أخذ خبره منكم في البدايه ۔
سافرت لكن بحدود دول الخليج بالذات بس هالمره ناوين ان شاءالله لبرشلونه بما اني سمعت عنها وعن معالمها كلام حلو

في البدايه اطلع الفيزه من السفاره ، و بعدها أبدا الحجز وانا بديرتي عن طريق النت و من اي موقع و شنو الفنادق العائليه الي تنصحوني فيها
ابي مكان مرتب و قريب من المعالم القريبه من الكامب نو

مواضيع عشوائيه ممكن تكون تعجبك اخترناها لك:

• استفسار عن رحلة
• سعر الباص من ملقا إلى ماربيا
• خبرتكم السفر الى اسبانيا
• ماهي المستشفيات التي يغطيها تأمين التعاونية للتأمين في دول الشنقن ؟
• اهل اسبانيا وماربيا بالتحديد مطلوب جدول حلو ليومين
• عطوني المعلومات الله يخليكم
• اريد تخطيط 4 ايام فى برشلونة
• الى مشرف اسبانيا او خبير اسبانيا
• وسام التميز الاسباني
• شلون احصل علي تذاكر مباره برشلونه
• استفسار عاجل لخبراء برشلونة
• استفسار عن الجو في شهر نوفمبر
• استفسار حول مدريد وبرشلونة
• مسافر جديد لأسبانيا
• رتبت الايام والرحلات لكن باقي الاماكن
• عدد ساعات الرحله من اسبانيا لرياض
• لو سمحتوا ابي تجاربكم في
• ابي رايكم هوني مون في اسبانيابليز لاحد يردني
• رأيكم يهمني
• استفسار عن شقق في برشلونة

هلابك اختي
لا لازم بالبدايه تخلصين حجز الفنادق والطيران والتأمين الطبي لان السفاره يطلبونها عند تقديم الفيزا


وهذا فندق بمكان مميز وحلو

http://www.booking.com/hotel/es/cata...ml?aid=1329869

‎

تسلم ماقصرت ، موقع مترجم و واضح

انزين حجز الفندق يكون مسبق كله عن طريق الكريدت كارد ؟

و شلون أحجز التاكسي من المطار للفندق ،؟
و لـو بغيت اشتري شريحه للتلفون شنو افضل شي و احصل بالمطار او بشارع الرامبلا ؟ *

اسمحي لي بالتدخل
الخطوات المهمة قبل السؤال عن التاكسي وشريحة الجوال
1- انتم من أي مدينة
2- بتسافرون لبرشلونة بس والا فيه مدن غيرها
3- مدة السفرة وتاريخها
4- عدد الأفراد
جاوبيني على أسئلتي أرتب لك خطواتك وأجاوبك
وحدة بوحدة

تفضل حياك
الموضوع موضوعك
وبالعكس اكون لك شاكره

انا من الكويت والسفر فقط لبرشلونه ان شاءالله ، انا و زوجي و اخوي و اخوه بس هذي مش اكيده
الأكيد انا و زوجي
السفر تقريبا شهر 1 لمدة اربع ايام كحد أدنى
الأهم يكون فيه مباراة لبرشلونه


انتظرك

يمكن تقول تو الناس بس انا حابه أخذ فكره حيل
ماحب اروح مكان وانا جاهله فيه
خصوصا ان زوجي لما اقوله عن هالتفاصيل والحجز
يقولي كل شي سهالات ، مايبيلها درايه

بس انا مصممه الا اعرف كل شي
و اكون مرشده سياحيه لنفسي

بالعربي حابه اعتمد بعد الله
على نفسي ماسال اي شخص هناك

و سوري مقدما راح اتعبك

اها أوكي
تسلم ع التوضيح

و بعدين بخصوص الامور الي بعد الوصول هناك

Up


Up

وش قصدك ببعد الوصول ؟
لما توصلون تاخذون تاكسي وتروحون الفندق .۔ وبعيدن تبدأ الرحله

مراحب..

وانا بعد بدخل في الموضوع

اذا سفركم عشان المباراة ، شهر يناير مافيه الا مباراة وحدة لبرشلونة في الكامب نو وهي مع ريال بيتس تاريخ 14 / 01 / 2012

ترتبون التذاكر والسكن مع تاريخ المباراة..

وتذاكر المباراة تشترونها اول ما توصلون من الكشكات في شارع الرامبلا والا من شباك التذاكر بالملعب..

انصح بالسكن جنب ساحة كاتالونيا..

من المطار مايحتاج حجز تاكسي ، التكاسي متوفرة, بس اذا كان سكنكم عند ساحة كاتالونيا ؛ فيه باص في المطار اسمه Aerobus لونه ابيض وازرق ويوصلكم الى ساحة كاتالونيا بـ 5.30 يورو..وفيه اماكن مخصصة للشنط..

وبالنسبة لشريحة التلفون تحصلينها في شارع الرامبلا او مجمع el corte ingles اللي في ساحة كاتالونيا :

للمكالمات فقط افضل شركة اسمها يامايا llamaya

للبلاك بيري افضل شركة فودافون

للايفون (مافي شرايح صغيرة الا بعقد مع الشركات)


واذا اكدتوا حجز الطيران والفندق حطي التاريخ ونرتب لك جدول خفيف ولطيف وظريف

يوفقكم ربي ان شاء الله

و عليكم السلام

بالنسبة للتكسي تاخذينه من المطار إلى الفندق أول ما تنزلين ما يحتاج حجز

لما توصلون الفندق لا تستعملون التكاسي إلا بالعودة لأن التكاسي غالية و زحمة

اشتري تذكرة ميترو من محطات المترو سعرها رخيص و تخلييج تستخدمين المترو و الباص و الترام و اخذي الخريطة من فندقكم و أموركم سهالات

هذا بالنسبة للمواصلات و أي استفسار ثاني حاضرين