الموضوع: ودي اروح لأوروبـا لمدة اسبوع بس المبلغ قليل وين تنصحوني ؟؟

مرحبــاا

شخباركم
انا كان عندي حساب قديم بالمنتدى بس من زمان مادخلت
جيتكم من قبل يوم بسافر شهر العسل ورحت جزيره بالي (اندونيسيـا) وماقصروا معاي الشباب والبنات يزاهم الله خير .. رحت واستانست ولله الحمد
وكان ودي انزل تقرير بس مافضيت ,, ع ـالعموم مو وقت سوالف

الموضوع واضح من العنوان ..

زوجي قالي شرايج نسافر لشرق آسيـا
وانا رحت بالي من سنه وشوي تقريباً وماودي بعد اعيد الزياره لآسيـا بهالسرعه

تعرفون اسيا كلها طبيعه ومطر وجو معتدل وبحيرات وجذي ..
انا خاطري اشوف اوروبـاا ابي شي مختلف ومن يوم تزوجت وانا ببالي اوروبـا بس قلنا شهر عسل نبي كل شي راقي والميزانيه بسيطه عندنـا كانت ..

المهم انا بقولكم كل شي علشان تقريبا تتوقعون لي التكاليف وهل اقدر ازور اوروبـا بهالمبلغ او لا ,,

اولـ شي انا بنت ماحب التسوق ادري ماتدخل العقل هههه
بس صج يعني انا احب اسافر استانس واشوف الناس والطبيعه واقعد في كوفي شوب وجذي مو فراره بالسوق الماركات انترست بديرتنا وملينا من السوق ..

ثاني شي السفره ان شاء الله بتكون لمدة اسبوع واحد فقط واذا صار ان نطولها مانقول لا لي 10 ايام ,,

عندي بنت صغيره ان شاء الله بسافر على شهر 9 او 10 يعني بعد الصيف علشان تذاكر الطيران تنزل والزحمه تقل وكل شي يهدأ ’’ بنتي بيكون عمرها 10 او 11 شهر ,,
هلـ اوروبـا تصلح لبنت معاي صغيره لاني ماقدر اخليها واسافر عنها قلبي مايطاوعني ومابستانس ادري !!

المبلغ اللي عندنـا مايطوفـ الـ 15000 ريال سعودي (بدون تذاكر)
هلـ يكفي لزياره دوله اوروبيه ,, اي شي اي شي
لندن - نييورك - اليونان - استراليا - التشيك بما ان الكل يقولـ ارخص ,, إلخ

انا جيكت التذاكر بهالشهور على طيران الخليج تقريبا 2300 ريال للشخص
طبعـاً وقتها الله العالم من التذاكر وعندي ولدت عمتي يمكن يطلعها لنا بسعر اقلـ ’’
التذاكر مو موضوعنـاا ,, اللي ابي اقوله المبلغ بالكامل 15000 ريال

يخص سكن عادي 3 نجوم او 4 المهم نظيف والشراشف كلها بيضااء لان تلوع جبدي لين اشوف ملونين ههههه ..

الاكل بناكل عادي فاست فود واشياء خفيفه ومرتين ثلاث كوفي شوب احب هالقعده ,,

زياره للأماكن السياحيه والمتاحف وغيرها المشهوره في الديره اللي بزورها يعني تذاكر الدخول اقصد

المواصلات سواء تكاسي او ميترو او باص (السياره الخاصه ماندل شي وزوجي مايحب يجرب ويضيع ههههه وبنفس الوقت مانبي نضيع الوقت) ’’

.
.

تقريبـاً هذي الاشياء اللي بنسويها ان شاء الله
هلـ تكفي 15000 ريال لمدة اسبوع على الاقلـ


.
.

انطر ردودكم ومع الدول المقترحه
+ الطقس في الديره اللي بروحها بشهر 9 او 10 لاتنسون
اذا ماعليكم أمــــــرر


مع الف تحيه

مواضيع عشوائيه ممكن تكون تعجبك اخترناها لك:

• افضل موقع للسكن في امستردام
• كيفية الحصول على التأشيرة إلى السويد معلومات مهمة جداً
• طيران الإمارات إلى وارسو عاصمة بولندا
• سؤال للاخ البولندى
• استفسار عن الشقق في تبليسا
• السياحة في جورجيا
• إستخراج الفيزا لبلغاريا للسعودين
• نصائح مهمة عن براغ
• ياليت تخدموني
• ضرورى مساعدة حساب تكلفة السفر لاوروبا
• باريسهولندابلجيكالكسمبورغ ارجو المساعدة
• الى اوكرانيا كــييييييف لكن بعض الاسئله
• هولندا احتاج خبير ياقطري
• فيزا التشغين
• امكانية الدخول لفرنسا بفيزة الشنقن اليونانية ؟
• أرجو مساعدتي في اختيار رحلتي
• أستفســــــــارات بلجيكيـــــــة مخطط للرحلة
• استفسار بخصوص البوسنة
• برنامج لهولندا جزاكم الله خيرا
• احداثيات احلا الأماكن

لاتقولي 15000
قولي 2000 ريـال باليوم وراح تشوفين انها تكفي وزود .. اذا قلنا ان الفندق (غرفه لشخصين ) بمعدل 600 ريــال .. ويبقى معكم يوميا 1400 ريــال .. شفتي كيف الامور زينه ...
يمكن يوم تصرفون 1500 ولكن من باكر مستحيل تصرفون 1500 مره ثانيه .. نسبه وتناسب
قولي يوميا 300 ريــال اكلات .. فاست فود .. ويوم مطعم جيد .. يعني باقي 1100 يوميا

صدقيني لو ضبطتي الامور راح تكفيكم وبالراحه كمان وممكن مع شوي حرفنه تقدرون تجلسون يومين 3 زيادة ..

ونصيحه فكروا بالمانيا لانها هي الاميز من الدول الاوربية وموقعها متوسط .. وبتدعين لي ..

همسه : ان قدرتي تخلين (الطفله ) احسن لكم .. الطفل الصغير مزعج بالسفر .. برد .. ماهو برد .. يكح .. مايكح.. وين الحليب .. نسيناه ..يصارخ .. نومه متقلب ..وحالتكم حاله

المشاركة الأصلية كتبت بواسطة احمد الجنيدلي
http://www.arabtravelersforum.com/tr...1/#post6981469

لاتقولي 15000
قولي 2000 ريـال باليوم وراح تشوفين انها تكفي وزود .. اذا قلنا ان الفندق (غرفه لشخصين ) بمعدل 600 ريــال .. ويبقى معكم يوميا 1400 ريــال .. شفتي كيف الامور زينه ...
يمكن يوم تصرفون 1500 ولكن من باكر مستحيل تصرفون 1500 مره ثانيه .. نسبه وتناسب
قولي يوميا 300 ريــال اكلات .. فاست فود .. ويوم مطعم جيد .. يعني باقي 1100 يوميا

صدقيني لو ضبطتي الامور راح تكفيكم وبالراحه كمان وممكن مع شوي حرفنه تقدرون تجلسون يومين 3 زيادة ..

ونصيحه فكروا بالمانيا لانها هي الاميز من الدول الاوربية وموقعها متوسط .. وبتدعين لي ..

همسه : ان قدرتي تخلين (الطفله ) احسن لكم .. الطفل الصغير مزعج بالسفر .. برد .. ماهو برد .. يكح .. مايكح.. وين الحليب .. نسيناه ..يصارخ .. نومه متقلب ..وحالتكم حاله



والله انك فرحتني ,,
ساعات اقولـ اذا رتبنا امورنا بتكفي ان شاء الله بس الناس دايمـاً تبالغ (اوروبـا غاليه ويبيلج اقل شي 40000 ريال وغيره من هالحجي)
اقول يعني معقوله شبنسوي احناا !! فندق واكل وزياره ومو شرط كل يوم مكان دخوله بفلوس كفايه بحر وطبيعه بعد حلوو
تمشيه بشوارعم وحتى لو مجمعات وجلسات ’’ المانيـا شنو جوها بهالشهرين ؟؟

ودي اخلي بنتي بس ادري مابستانس بقعد افكر فيها ويوم بصيح ويوم بقول اشتقت لها ويوم مابقدر انام
خلها معاي وتأذيني شوي ولا انا اعور قلبي واملل روحي وزوجي معاي ^^

الحين بطل على اسعار الرحلات والفنادق وبدخل قسم المانيا اشوف لي كم تقرير


اذا على 20000 نسافر لأوروبا اسبوع عيل كل فتره بنطير لديره ان شاء الله ههههه ,,

المشاركة الأصلية كتبت بواسطة w o u n d e d
http://www.arabtravelersforum.com/tr...1/#post6981651

والله انك فرحتني ,,
ساعات اقولـ اذا رتبنا امورنا بتكفي ان شاء الله بس الناس دايمـاً تبالغ (اوروبـا غاليه ويبيلج اقل شي 40000 ريال وغيره من هالحجي)
اقول يعني معقوله شبنسوي احناا !! فندق واكل وزياره ومو شرط كل يوم مكان دخوله بفلوس كفايه بحر وطبيعه بعد حلوو
تمشيه بشوارعم وحتى لو مجمعات وجلسات ’’ المانيـا شنو جوها بهالشهرين ؟؟

ودي اخلي بنتي بس ادري مابستانس بقعد افكر فيها ويوم بصيح ويوم بقول اشتقت لها ويوم مابقدر انام
خلها معاي وتأذيني شوي ولا انا اعور قلبي واملل روحي وزوجي معاي ^^

الحين بطل على اسعار الرحلات والفنادق وبدخل قسم المانيا اشوف لي كم تقرير


اذا على 20000 نسافر لأوروبا اسبوع عيل كل فتره بنطير لديره ان شاء الله ههههه ,,

شوفي ايتها الخليجيه الموقرة الله يصلح لك بنتك
انا احد رموز السفر الاقتصادي ولي موضوع عن تجارب السفر الاقتصادي .. وبلاش نكون خليجين ننثر فلوسنا هنا وهناك .. بقولك سر .. قبل فترة كنا باوربا .. وجبت لثلاجه الشقه كم حبه دجاج من المحلات الاسلاميه .. ونفطر الصباح العالي مو بدري مره .. خبر ومعلبات وحليب وشاهي وقهوة وفله ..

والمغربية لارجعنا .. بالقدر الكاتم حبه دجاج مع الارز .. (كبشه ) وعشاء على كيف كيفك .. ومايكلف الدجاج هناك الا 15 او 20 ريال سعر معقول .. شفتي كيف ..
((ماهو توفير .. بس هذا الاكل اللي نحبه ))
مايمنع اننا لابغينا اليوم مانطبخ نطلع ونتعشى برا .. مره او مرتين .. يعني كم بتكلف !!!

المترو والباصات شغاله هناك .. وبطاقه تشرينها للبلد اللي انت فيه اسبوع كامل بسعر رمزي ..
والكوفيهات وجلسات الشوارع كم بتكلف يعني !!

((ولاحظي انكم شخصين .. مو عائله كبيره ))
((ولاحظي انك ماانتي راعيه تسوق وهذي فريدة في عالم الحريم ))

وقلنا هذي 2000 باليوم .. يعني يوم افطرتي بالشقه وتغديتي كبسه مثلا كم خسرتي في الاكل
(اللي اكثره جايبته معاك خصوصا المعلبات ) وقولي تعشيتي برا .. بميه ريال ..
تطلع عليك كلها باليوم 120 ريال ..


المهم شدي حيلك وغمضي عيونك انتي وزوجك ورددوا 7 مرات ..
احنا مو خليجيين .. احنا مو خليجيين

ولارجعتوا .. اكتبي تقريرك الاقتصادي بموضوعي عن السفر الاقتصادي

انت لو حجزتي الفنادق وانتهيتي ...خلاص مافي مشكلة
ترتبي وضعك ع المبلغ العادي
المهم ...اول شوفي الفنادق واسعارها ...وكم المبلغ المتبقي ؟؟؟؟
التشيك وكل اوربا الشرقية ارخص من اوربا الغربية

المشاركة الأصلية كتبت بواسطة احمد الجنيدلي
http://www.arabtravelersforum.com/tr...1/#post6981919

شوفي ايتها الخليجيه الموقرة الله يصلح لك بنتك
انا احد رموز السفر الاقتصادي ولي موضوع عن تجارب السفر الاقتصادي .. وبلاش نكون خليجين ننثر فلوسنا هنا وهناك .. بقولك سر .. قبل فترة كنا باوربا .. وجبت لثلاجه الشقه كم حبه دجاج من المحلات الاسلاميه .. ونفطر الصباح العالي مو بدري مره .. خبر ومعلبات وحليب وشاهي وقهوة وفله ..

والمغربية لارجعنا .. بالقدر الكاتم حبه دجاج مع الارز .. (كبشه ) وعشاء على كيف كيفك .. ومايكلف الدجاج هناك الا 15 او 20 ريال سعر معقول .. شفتي كيف ..
((ماهو توفير .. بس هذا الاكل اللي نحبه ))
مايمنع اننا لابغينا اليوم مانطبخ نطلع ونتعشى برا .. مره او مرتين .. يعني كم بتكلف !!!

المترو والباصات شغاله هناك .. وبطاقه تشرينها للبلد اللي انت فيه اسبوع كامل بسعر رمزي ..
والكوفيهات وجلسات الشوارع كم بتكلف يعني !!

((ولاحظي انكم شخصين .. مو عائله كبيره ))
((ولاحظي انك ماانتي راعيه تسوق وهذي فريدة في عالم الحريم ))

وقلنا هذي 2000 باليوم .. يعني يوم افطرتي بالشقه وتغديتي كبسه مثلا كم خسرتي في الاكل
(اللي اكثره جايبته معاك خصوصا المعلبات ) وقولي تعشيتي برا .. بميه ريال ..
تطلع عليك كلها باليوم 120 ريال ..

المهم شدي حيلك وغمضي عيونك انتي وزوجك ورددوا 7 مرات ..
احنا مو خليجيين .. احنا مو خليجيين

ولارجعتوا .. اكتبي تقريرك الاقتصادي بموضوعي عن السفر الاقتصادي

يزاااك الله خير اخوي

انت عطيتني امل ازور اوروبـاا اللي كنت شايلتهاا من مخي الى الابد مع هالغلاء

شوف اخوي سالفه الرز والدجاج هذي لأهل السعوديه ههههههه حبيتها وقاعده اقراها لزوجي يقولي مايستغنون هههههه ,, انا اذا افطر اخذ معاي شي راح اخذ اندومي واشتري من هناك خبز وجبن وهالحركات يعني واذا فكرت اقعد بشقه واطبخ بشتري كيس معكرونه وصدور دجاج ولو اني ابي استانس مابي اطبخ وانا حريفه طبخ ومن عشاقه هههه ,,

بس مايمنع نسوي شي بالبيت

عاد انا طليت على فنادق المانيا تصدق حصلت بحدود 400 ريال بعد وفنادق روعه ونظيفه وستايل !! بس اذا بروح بنص شهر 10 ,, انا عادي عندي اي وقت بشهر 9 او 10 سوا بدايتهم او نهايتهم المهم هالسنه ان شاء الله ,,

عجبتني الافكار والترتيبات وبطل على موضوع سفرك الاقتصادي ,,
بس زوجي متخوف ولان هو ميح بالانقلش وانا يعني امشي حالي بس انا احب اتطلم وياهم حتى لو ماعرف عدل اخلي المترجم بإيدي واترجم واحط سبيك علشان الفظ الكلمه عدلـ ’’
لكن هو مو راضي يقتنع بأوروبـا يقولي ماعرف اتصرف هههه ’’

انا اولـ بقنعه بأوروبـاا عدلـ وبشوف وين نروح ان شاء الله

(اسبانيا وايطاليا وفرنسا) هذولا مقرره ازورهم بإذن الله بالبحر (كروز) بس ابي بنوتي تكبر يعني بعد سنه او اكثر لان ماودي اخذها معاي واذا كبرت اقدر اخليها بدون مافكر 24 ساعه
ولو ابي اخذها بتكون كبيره شوي وتلعب وتاكل اللي ناكله ونفتك من الشيل والحط

يزاك الله خير اخوي
بس ماقلت لي شلون الجو بإلمانيـا هالفتره
و وين افضل الاماكن للسكن (المنطقه)
سامحني ازعجتكـ ’’

المشاركة الأصلية كتبت بواسطة مــــــــــ بنت ــــــكة
http://www.arabtravelersforum.com/tr...1/#post6983883

انت لو حجزتي الفنادق وانتهيتي ...خلاص مافي مشكلة
ترتبي وضعك ع المبلغ العادي
المهم ...اول شوفي الفنادق واسعارها ...وكم المبلغ المتبقي ؟؟؟؟
التشيك وكل اوربا الشرقية ارخص من اوربا الغربية



حلوو ,, هذا اهم شي التذاكر والسكن والباقي يهوون ..
احجز الفنادق من النت ؟؟ موقع بوكينق حلو قط جربتيه ؟؟
وهلـ لازم فيزاا لان عندي بطاقه نت بس مادري اذا يصير احط فيها فلوس واحجز او لا ..

عاد انا ميح ماعرف دول اوروبا الشرقيه عن الغربيه
بس الحين ادور افا عليج

تسلمين على الرد