الموضوع: بليز ابي مساعدكم في رحلتي الى المانيا و سويسرا و ايطاليا

السلام عليكم يا حلوين الإجازة قربت و انا زوجي قررنا نسافر لهذي الاماكن إحنا معاريس جدد و ريلي مخلي ترتيبات السفرة كلها علي ولا ماكو سفرة بليييييييييز ساعدوني رحلتي هي 20 يوم و انا مرتبتها بالطريقة ( فرانكفورت - جنيف - فينسيا - فلورنسا - روما ) و راح نحجز الروحه كويت فرانكفورت و لازم نرجع من روما كويت شرايكم بالمخطط يحتاج تغيير او اضافة مع العلم ان تنقلاتي كلها بالقطار ولو أني ادري السيارة أوفر بس زوجي مؤ حاب فكرة السياقة في اوروبا لان اول مره يسافرها و شكرًا اتمنى أني ما طولت عليكم

مواضيع عشوائيه ممكن تكون تعجبك اخترناها لك:

• من أجل العرب المسافرون ،، صعدنا قمة ديانا
• سؤال مهم عن فيزا الشيغن الله يخليكم بخصوص السويد؟؟؟
• المعرفة عن بلغاريا
• شو الانسب للسفر في هذا الوقت البارد
• بكم رسوم فيزا رومانيا من الرياض ؟ والأوراق المطلوبه ؟ وطريقة التقديم ؟
• دخلت اوروبا ولكن ؟
• التشيك و الفيزا ممكن مساعدة ؟؟
• شباب انا في جورجيا
• اليونان بلد السياحة الصحية
• بماذا تنصحوني هذي الصيفيه اليونان وتركيا ام النمسا ؟؟؟؟
• دعوه للبوسنه
• كيف ارفع الصور في الموقع؟
• بعض الصور عن روسيا السياحة المنسية
• حبوب الشرقيه و وكل أهل التشيك تعالوااا ضروري
• بليزززز ساعدوني محتاسه كثير
• مسافر أوكرانيا كييف للعلاج ومحتاج مساعدتكم
• مساعدة الدراسة في التشيك الخبراء ادخلو
• أذربيجان
• اختكم ريلام تنااااديكم ارجوكم ساااااااعدوني
• تكفون المساعد في خط سير رحلة لفنلندا والسويد والنرويج

و عليكم السلام


لا تشيلين هم ان شاء الله بنساعدك في تخطيط الرحلة
المخطط حلو و المدة مناسبة بس ماذكرت متى
و انا مع رأيه أن القطار أفضل و أرخص لأن البنزين غالي
لكن السيارة تخليكم تستمتعوا بمناظر الطريق
و تعطيكم مجال توقفوا في أي مكان يعجبكم



حاضرين لأي استفسار

يعطيكم العافيه والله ادري ما تقصرون

رحلتي من 1/9 الى 20/9

ابي اعرف جم يوم تنصحوني اقعد في كل منطقة قصدي شلون اقسم الايام عليهم ؟
و شنو احسن الفنادق ؟ مع العلم ان ميزانية السكن 800 دينار كويتي او 10717 ريال

التوقيت ممتاز
هل زرتوا اوروبا قبل كذا ؟

بالنسبة لي اي بس زوجي هذي اول زياره له ان شاء الله

انتظر الرد ....

يا جماعة بليز ابي ردود
شنو احسن الفنادق بهذي الميزانية (800) دينار كويتي
والله محتاره بها لشي وايد

شوفي الخريطة هذي لرحلتكم حسب اختيارك
اذا اوكي مع المسافات فالمخطط ok

اوكي حلو بس انا ودي اضيف ميلانو شرايك؟ ناس قالولي انها ما تسوى و كلها سوق غالي و انا بصراحة مو مسافره حق سوق
و ناس يقولون لي روحي وايد حلوه واجوائها غير عن فلورنسا و روما لانهم تقريبا متشابهين

انا قاعده اشوف الخريطه ممكن الغي جنيف ؟و تكون الرحله فرانكفورت ميونخ فينيسيا فلورنسا روما



باعتقادك راح تكون احسن ؟ ولا ما سوينا شي ؟

أشوف أحسن لو خليتوها
فرانكفورت - ميونخ - زيلامسي - فينيسيا - فلورنسيا

لو ماسبق لكم زيارة زيلامسي

انا زرتها قبل سنتين شهر 8 وايد حلوه و اتمنى ارجع أزورها بس الجو كان حااااااااار مادري اذا شهر 9 راح يكون أبرد او لا لان حسب علمي اغلب اماكن السكن مافيها تكييف مثل الفندق الي سكنت فيه
إجازف و أضيفها للرحلة ؟

خلاص تم ان شاء الله الرحلة بتكون فرانكفورت ميونخ زيلامسي فينيسيا فلورنسا روما وانا حجزت تذاكر كويت فرانكفورت - روما كويت بالنسبة للفنادق و التنقلات شنو نصيحتك ؟

بالنسبة للتنقلات انا بحثت في المنتدى و الحمد لله لقيت اللي ابيه يعطيكم العافيه


بس بالنسبة للفنادق شنو تنصحووني ؟ مع العلم ان ميزانيتي لها 800 دينار كويتي

الأفضل تستأجروا سيارة من ميونخ
عندك يورب كار و سكست
حسب الميزانية المفروض الليلة حول 100 يورو
ابشري باعطيك الليلة خيارات السكن

ما قصرت اخوي

استأجر للسياره من ميونخ لي اخر السفرة ؟ ولا ميونخ و أرجعها في زيلامسي

و جم راح يكلمني تأجيرها ؟


وانتظر ردك للفنادق

ميونخ
هذا الفندق بـ 95 يورو لغرفة كبيرة
http://www.laimerhof.de/en/fotogalerie.html


زيلامسي
http://www.seehof.at/hotel_engl.php


فينيسيا
http://www.alpontemocenigo.com/photogallery/
أو هذا
http://www.venice3c.com/camere-hotel...NG&id_hotel=53


فلورنس
http://www.hotelcasci.com/


روما
http://www.residenzacellini.it/


بالنسبة للسيارة تستأجروها من ميونخ و تسلموها في زيلامسي
لازم تشيكين مواقع التأجير لاختلاف السيارات
و غالباً حول 500 ريال باليوم


http://www.europcar.com/

يعطيك الف عافية

و اسفه اذا تعبتك معاي

و ان شاء الله راح ابحث بالمنتدى عن طرق تأجير السيارة

الله يحييك أختي


شيكي مواضيع التأجير و مواقع الشركات


و أي استفسار حاضرين

السلام عليكم


اخوي قالولي الرحلة من زيلامسي لي فينيسيا بالقطار وايد صعبه شنو الحل ؟ تقترح أغير المنطقة او أحجز تذكرة طياره ؟ و هل راح تكلفني وايد لو بنتقل بالطيران ؟

المدن تم اختيارها بناءً على رغبتك
بين زيلامسي و فينيسيا حول 6 الى 7 ساعات بالقطار بسبب التوقف
ممكن تروحوا لها بطيران اقتصادي
أنا رأيي اذا انك تتمنين زيارة هذي المدن لا تتراجعين لأنها تقعد بنفسك
حققي أمنيتك حتى لو كان فيها تعب شوي

السلام عليكم

اخوي اخر فرصة

واجهتني مشكله بالطيران الاقتصادي مافي رحلة من زيلامسي الى فينيسيا وين اقرب منطقه من زيلامسي اقدر اروح لها عشان أسافر بالطيران الاقتصادي الى فينيسيا؟


وشكرا

salzburg سالزبورغ


http://www.edreams.com/engine/Itiner...te=&buyPath=24


http://www.airberlin.com/en-GB/site/start.php