ضواطير سريلانكا

**ahmedgaper** · 01-15-2015, 09:21 PM

السلام عليكم احبابي

الوزغ او الضواطير او البعارصه

هل صحيح ما سمعناه في فنادق سريلانكا

بانه تحصل ضواطير في الغرفه .. واحيانا ممكن تزعجك بصوتها داخل الغرفه او في ممرات الفندق

سمعت انها حتى في الخمس نجوم في كاندي ونورالياوغيرها

هل احد واجه منكم هذا الشي

دمتم سالمين

مواضيع عشوائيه ممكن تكون تعجبك اخترناها لك:

**ahmed2** · 01-15-2015, 09:22 PM

انا حصلت ببينتوتا بحديقة الفندق اما داخل الفندق مستحيل

**ahmed1** · 01-15-2015, 09:22 PM

وعليكم السلام ورحمة الله وبركاته

نعم صحيح وخصوصاً بالأرياف أو الفنادق التي تحيط بها الاشجار

اعطيك مثـــال ( من واقع تجربة شخصية )

في كولومبو لم نشاهد الضواطير

في الكادو سكنا في فندق هوناس فولز وفعلاً ( بالعامية ) شفنا ضاطور صغير وعلى طول
دقيت على الاستقبال وارسلو لي واحد ويوم جا قالي: "عادي ما يخوف"
وقلت له : ادري بس شف لك حل مابي انام وهو عندي بالغرفة
والصراحة ماقصر جاب بخاخ وذبحه
الزبدة ان فندق هوناس فولز غالباً راح تصادف فيه ضواطير بحكم موقعه بين الاشجار

والموقف الثاني اللي واجهت فيه الضواطير
في فندق امايا هيلز في كاندي
مع اني اول مادخلت الغرفة ماكنت متوقع اني بلقاه لأن الغرفة كانت بهذا الشكل
.
.

ولكن انه طلع علينا من ورا التسريحة
ومشى الى ان دخل في فتحة المكيف
وعلى طول اتصلت على 911 !!! اقصد الاستقبال
وشرحت لهم السالفة انه الا داخل فتحة التكييف
وقالي : " خلاص هو الان محبوس داخل "
وقلت له : لاياحبيبي وافرض انه طلع
وقالي : " وش تبيني اسوي يعني ؟"
قلت له : قفل فتحة التكييف!!!!
( محادثة مترجمة )

وفعلاً ماقصر وشوف وش سوا

.
.
.
.
.

طبعاً هذي كانت فكرتي والحمد لله مشت الامور تمام

أما في نوراليا لم نجد هذا المخلوق
لان المنطقة بااااردة
والسكن كان في فندق قراند

ايضاً في كولومبو لم نواجه مشاكل ولله الحمد
والسكن كان سينامون قراند

اتمنى اكون افدتك ، واذا انت ناوي تروح رح ولاتخلي الضاطور يردك
وآسف على الاطالة