الموضوع: اجواء اسبانيا

؛

السلآم عليكم ,,

اخواني و اخواتي ربي يعافيكم حبيت استفسر عن اسبآنيا بدآية شهر ذ و القعده راح يكون اكتوبر ,, كيف راح تكون الاجواء ؟؟

راح يكون شهر العسل تنصحوني فيهآ ؟؟

وكيف الطبيعه فيهآ ؟؟

والاسعآر ؟

والتسوق وكلش ..

وايش افضل المنآطق السيآحيه المنآسبه لقضاء وقت ممتع لشهر العسل ؟؟

آفيدوني ربي يجزآكم كل خير , واذا ماتنصحوني فيهآ بَ إيش تنصحوني لاي دوله وليش ؟؟

للحين محتآرين ونبي نقرر خلاص ع شآن نبدأ الحجز والفيزا وكذآ ..

مواضيع عشوائيه ممكن تكون تعجبك اخترناها لك:

• برنامج في أسبانيا لمدة او ايام في اسبانيا
• النخوه يا شباب شئ مهم جدا جدا جدا
• محتاج مساعدتكم في بحث لي
• كيفيكونحجزالطيرانمؤكد
• اسبانيا بالسيارة شتاء
• استفسار عن شراء تذكار الكلاسيكو
• اليكانتي
• شوفو ايش توصلت صح ولا غلط ؟
• خبراء أسبانيا عطوني رايكم بهالشقه ببرشلونه
• ابي ازور مدينة او دولة ثانية مع برشلونة
• محتاجه مساعدتكم بليززززززززززززززز
• شهر عسل في الصيف اقتراحاتكم وملاحظاتكم
• مواقع مهمة لسياح أسبانيا
• ايام عمل السفاره الاسبانيه في الاجازه؟
• محتار بين هذي الفنادقياريت تساعدوني لو سمحتوا
• السفره قربت وترتيبها يستنجدكم ساعدوني
• إستفسار من فضلكم
• ارجو المساعده في تنسيق رحلتي
• لكل نشمي ويحب الفزعه وزار برشلونه
• استفسارات خطيرة

اعتمد اسبانيا وتوكل على الله
الجو بيكون ببداية البروده ودرجات الحراره طعش وحولها ويبغالكم ملابس دافيه شويه
المدن الحلوه هي برشلونه ومدريد كمدن حديثه
الجنوب (ملقا , ماربيا , قرطبه , غرناطه , اشبيليه ) طبيعه وتراث وبحر
الشمال (سان سيباستيان) طبيعه وخضره وجو وبحر

اذا قررت انشالله نبدأ نتساعد معك

توكلنا على الله وبنعتمد اسبآنيآ ان شاء الله على خير ..

ربي يجزآك كل خير ..

كيف تخدموني الله يسعدكم ؟؟

مرحبا اخوي

وانا بحط يدي بيد مشرفنا لمساعدتك

المعلومات اللي نحتاجها مثلا:
الايام اللي بتقضيها , كم حاط ميزانية , تحب التنقل والا منطقتين تكفي , تحب الاماكن الهادئة مثل الجزر والا الالعاب والا البحر والا الجبل والا التراث والا الاماكن التاريخية .. يعني من هذي الاشياء..

وبعدها تبدا تحجز

وتعطينا التواريخ

ونعطيك الجدول

ونتمنى لك سفرا سعيدا

..


وصح بالله سعر التذكره من الرياض ل مدريد ذهاب وَ عوده كم ؟!

يَ طويلين العمر إن شآء الله بنقضي 17 يوم

وميزآنيتنآ بَ حدود 25 آلف ..

اخوي بالنظر لمبلغ الميزانيه ومدة السفره فانا اشوف انكم اما تقللون مدة السفره لـ 12 يوم او تزيدون الميزانيه لـ 35 الف او تروحون وتاكلون خبز صامولي ههههههـ

والله ياليت اتنقل على حاجات تستاهل مثلا , [ طبيعه , بحر , ملآهي , غابه , جزر , شلآلآت , مدن مختصه بشي معين والخ ]

ماشالله مافيه الا جنة الخلد اللي فيها كل هالاشياء متجمعه .. عموما انا اقول خل وصولك لبرشلونه واقضي فيها 6 ايام وبعدها رح الجنوب طيران واسكن في ملقا 5 ايام .. ومن ملقا تروح ماربيا بالسياره (استأجر سياره افضل) وقصر الحمراء وغرناطه ورونده وميخاس وهالمدن القريبه

وان شاء الله 2 ذو القعده , يعني 30 سبتمر آبي موعد السفر ,,


آي آحسن خطوط ؟؟!

الخطوط الزينه هي اتحاد امارات والسعوديه .. ولكن الارخص هي المصريه والتركيه

وحجز الفنآدق ايهم اسعارهم حلوه ونظيفه ؟!

تحتاج تبعد عن المناطق السياحيه مثل شارع رامبلا لان السكن فيهم غالي وممكن تلقى اشياء افضل منهم بس مسافه ابعد والمترو مايقصر .. لما تقرر وش المدن بنشوف معك الفنادق

والتنقل بسكن خاص والا عمومي ؟؟

التنقل ببرشلونه عمومي بالمترو وفي الجنوب افضل تستأجر سياره

الله يجزآكم خير آول مره آسآفر برآ ..

وانشالله موب الاخيره



به مخطط اعطتني اياه وحده الله يجزآها خير شرايكم فيه ؟؟

مخططها حلو ولكن تحتاج تستغني عن الشمال لان التنقلات بتصير كثيره وبتتعبكم


الحين نبي منك تقول لنا وش المدن اللي قررت تزور ووش مستوى الخطوط وكم المده وانشالله نوصل لخطوه رقم 2

هلا اخوي آبي 17 يوم اقضيها ..

وبالنسبه للمدن والله مدري ماعندي خلفيه وش الافضل ابيكم انتم تشورون علي بالافضل ..

ودي ابدأ بمدريد وبعدين انتقل للجنوب واختمها ببرشلونه ..

ب 17 يوم ..

وش ترشحون لي افضل مستوى خطوط وعلى اي خطوط , لان المسآفه بتكون بعيده وودي بشي يكون يريح ..

طيب خلي مدريد 3-4 ايام وبعدها روح للجنوب 6-7 ايام و اخر حاجه برشلونه 6-7 ايام

من مدريد للجنوب اما تستأجر سياره وتسافر عليها او بالقطار وبالجنوب ضروري تستأجر سياره
من الجنوب لبرشلونه طياره

الطيران علمنا اوقات تنقلاتك بالضبط (دولي وداخلي) ونشوف الافضل

ماقصرتو والله نفس المعلومات ادور عليها