السلام عليكم ورحمة الله وبركاته : وبعد
أريد أن أستفسر عن مدينة اربد ( لأنني سوف أدرس في جامعة اليرموك اذا يسر الله ) من حيـــــــث :
* تضاريس المدينة .......
* مناخ المدينة ( الجو ).....
* حجم المدينة .....
* توافر الخدمات وأسعارها .....
* طبيعة السكان ( يعني هل هم ودودين أم لا ) ........
* الجو النفسي للمدينة ( هل تبعث على الانبساط أم لا .........
* تضاريس المدينة ....... اربد أو ارابيلا وهو اسمها القديم من ايام الرومان مدينة سهلية يعني زي كف ايدك وجامعة اليرموك موجودة في نفس المدينة وما راح تتغلب لانو بالقرب من شارع الجامعة في كل اشي المطاعم والحدائق ولا تنسى الانترنت كمان وهي في الربيع بتجنن كلها بتصير بساط اخضر والقرب منها ام قيس وعجلون وجرش يعني راح تكون دراسة وسياحة كمان. :11ight:
* مناخ المدينة ( الجو )..... ياعيني علىالجو بالشتاء كتر الملابس الشتوية لانو التلج اول ما بينزل بينزل باربد ومطرها غزير وكتير وجوها بارد بالشتاء لاتقول نسمة هوا ما حذرتك. :101:
* حجم المدينة ..... والله المدينة ما بعرف عدد سكانها بس هي من اكبر المدن الاردنية بعد الزرقاء وهي محافظة كبيرة بتضم عدة الوية وقراها كتيرة.
* توافر الخدمات وأسعارها ..... الخدمات اكيد متوفرة لانها مدينة كبيرة والاسعار بطمنك مقبولة للسكان وللضيوف كمان
* طبيعة السكان ( يعني هل هم ودودين أم لا ) ........ هو انت بدك تنناسبهم انت ادرس من البيت للجامعة ومن الجامعة للبيت ههههههههه لا بطمنك اخوي اهل الشمال ومنهم اربد اصحاب نخوة ورجاااااااااااااال
* الجو النفسي للمدينة ( هل تبعث على الانبساط أم لا ......... الناس بتروح اربد علشان تغير جو وخصوصا بفصل الربيع عاد انت احكم كيف بتكون؟؟؟؟؟؟؟؟؟؟
تعبت ايدي من الكيبورد :112: وانشاء الله اكون ما قصرت معاك
رد مع اقتباس
المفضلات