سلام أخوي ( Abd_Zah_ullah ) ..
انا كتبت بعض المعلومات عن جنة التشيك ..
وبا احاول انقله هنا للفائده ....
-----------------------------------------
( جنة التشيك) هي منطقه تبعد عن براغ ناحية الشمال الشرقي ب 90 كيلومتر تقريباً ساعه ونص بالسياره. وكارولوفي فاري ساعه ونص في جهة الغرب,,,, وهذي موقع (جنة التشيك) على الخريطه :


وهنا موقع كارلوفي فاري :



يعني من كارلوفي فاري الى (جنة التشيك ) 3 ساعات بالسياره .. مروراً ببراغ
. ويسمونها بالتشيكي ( cesky raj)-(شيسكي راي)... او بالأنجليزي ( Bohemian Paradise ) .. لأنها منطقه طبيعيه جبال وأنهار ومرتفعات وغابات وطبيعه خلابه وبعض القلاع والحصون من العصور الوسطى .. وبالشتاء مالك محط رجل من السياح الألمان والبولندين وغيرهم من الدول المجاوره ..الكل يجي للتزلج وخصوصاً في اعياد الكرسمس وليلة راس السنه ..والأسعار في هالوقت توصل التوب..وهي منطقه قريبه من منطقه أخر يسمونها ( كركنوتش) وهناك اعلى قمة بالتشيك..
هذي بعض الصور من (شيسكي راي)
هذي قلعه فوق الجبل مشهوره بالمنطقه. والقلعه الثانية على الجبل البعيد بالصوره ..





وبالنسبه لأسعار الشقق مالي علم بها ..لكن هالمنطقه تصلح للزياره من يومين الى 4او 5 ايام بالكثير.. هناك فيه عندهم بنسيونات وموتيلات.. لأن المانطق الجبليه مافيها فنادق او شقق.. الا بالمدن المجاوره ..
وهذا موقع خاص بالأنجليزي للمنطقه كامله و أهم الأماكن السياحيه والسكن ومطاعم ورحلات مجهزه واسعار السكن وبأمكانك الحجز من الأنترنت .. ..
http://www.ceskehory.cz/ceskyraj/default_gb.asp
----------------------------------------------------------------------------
ولكم خالص تحياتي ... Alicek

مواضيع عشوائيه ممكن تكون تعجبك اخترناها لك: