الموضوع: ابي رايكم في البرنامج والفنادق

سلام عليكم

شباب هذا بكج حصلت عليه من مكتب سفريات وابي رايكم فيه وفي الفنادق


3 nights in PHUKET in 3 * BARAMEE HIP HOTEL

3 nights in PATTAYA in 3* BELLA VILLA METRO HOTEL


3 nights in BANGKOK IN 3* WORABURI HOTEL
Each person will be 316 BD INCLUDE TICKES WITH HOTELS WITH BREAKFAST



والرحلة بتكون على الطيران العماني

شرايكم في البكج؟يسوى او لا؟ لو احجز بروحي بيطلع لي ارخص؟
والاهم شنو رايكم في الفنادق؟

مواضيع عشوائيه ممكن تكون تعجبك اخترناها لك:

• جلب البخور من تايلند
• ميني فان
• ساتورن في بانكون وكوي موي في بوكت
• هل الخطوط الخليجية ممتازة من ناحية الراحة ودقة المواعيد
• حابة اقضي شهر العسل بتايلند بس الميزانية
• ابا مساعدتكم لتخطيط رحلة تايلند
• أخي العزيز النورس العربي
• بشرى لمن يدورون الثلوج بسوريا
• ساعدوني أريد السفر إلى تايلاند عشر أيام
• أفيدوني بخصوص الحجز من موقع
• مكتب بوم بوم بوي
• ام الطنافس الفوقا
• ارجو المساعدة
• هنا اريدك ان تدلو بدلوك
• اول مرة بسافر تايلند ومحتاج مساعدتكم
• الي جرب شقق ستي بلازا نانا او الي سمع عنها يتفضل
• المستظرف من نداءات الباعة في حلب
• هل فيه مكاتب سياحيه لتركيا
• مسافر بالعيد وبدي رأيكم بالفندق
• استفســار الافضــل بين هذين الطريقين

تأكد السعر المعروض لشخص واحد في غرفة او لشخصين بغرفة و كل واحد يدفع 316 دينار بحريني ؟

اهو كل شخص بروحه
بس انا بحجز لشخصين
ومتفق معاهم
وبكون المجموع كامل 632دينار بحريني ــ مايعادل 6230 ريال سعودي

شرايكم بالسعر؟؟
لأني للحين ماحجزت

اخوي يمكن مافهمت علي

الرحلة هي لشهرر عسل
والبكج: للتذكرة الى بانكوك مع سكن الفنادق بكونب 6320 ريال سعودي لشخصين

تحس يعني لو احجز بروحي بيطلع لي ارخص؟

مشكور اخوي وماتقصر وبنتبه لموضوع الفنادق اكثر وباخذ لي فرة على بوكينغ وبشوف الفنادق وبشوف الأرخص

مشكور مرة ثانية

عزيزي بالنسبة لبتايا ما اقدر افيدك بالفندق

اما بوكيت فهو فندق جيد اعتقد 3 نجوم ، اما واربوري بعد جيد وايضا حسب علمي 3 نجوم وهو قريب من شارع العرب في بانكوك

لكن الفنادق هذي مش بمستوى مناسبة كمناسبة شهر عسل يعني شبابية اكثر ،،

والسعر منخفض من المكتب لهذا السبب وهو اختيار ارخص طيران متوفر و فنادق اقل من 4 نجوم ،،

والسفرة بأي شهر ؟؟
قلت الطيران على العماني اخر مرة جيكت موقعهم كانت التذكرة بـ 219 دينار حق شهر فبراير يعني تذاكركم تطلع 438 دينار وما ادري هل شاملة الطيران الداخلي الى بوكيت ؟؟ اذا شاكلة بيكون سعر الطيران والفنادق 194 دينار،،
الطيران الداخلي تذكرتين حجز من النت مبكر ممكن تطلع عليك الوحدة بـ 35 دينار او اقل يعني نقول 70 دينار واذا نقصناها من 194 = 124 يطلع سعر الليلة تقريبا 13 او 14 دينار ،، معقول اما اذا بدون الطيران الداخلي فانصحك ترتب برنامج بروحك ابرك لك لانه بتكون سرقة عيني عينك !

انا اقترح عليك تروح بوكيت وبانكوك بس بتايا ما تصلح لشهر عسل وبكويت راح تفوت رحلات وايد ما تلقاها في بتايا مدينة العزاب والشباب ،،

اذا بغيت نرتب لك سفرتك حاضرين فقط تحتاج الى كرديت كارد حتى تحجز تذاكر و سكن وكله ببلاش خدمة لك ولد ديرتي ،،

مشكور يا ولد البحرين

اي والله بالنسبة للفنادق اهم خبروني ان 3 نجوم لان عطيتهم الميزانية وقالوا لي ان الفنادق راح تكون 3 نجوم وقلت لهم مو مشكلة وعطوني البكج وهذا طبعاً بدون الطيران الداخلي

وانا للحين ماحجزت وقاعد ادور
الطيران العماني في السايت بس 219 دينار بس في المكاتب كلها 229 دينار وحصلت عند مكتب واحد بس ب222 دينار

وحصلت في الطيران الهندي ب 205 بس مادري شنو مستوى طائراتهم

والحين جاري البحث عن تذاكر سعرها مناسب ، لأن هم الهم الأكبر
انت وش تنصحني وكبرنامج شنو تقترح
انا فكرت ان نروح بوكيت وبانكوك بس
وراح يكون التقسيم 6 ايام بوكيت و4 ايام بانكوك او 5 بوكيت و 5 بانكوك


السفر راح يكون 19/2/2011والعودة يا28/2/2011 او 1/3/2011
بانتظار نصائحكم ، ولد البحرين اذا عندك مكاتب سياحية عندهم تذاكر بسعر زين خبرني

الغالي اذا عندك فيزا او ما سترد كارد احجز على العمانية والفنادق نشوف لك شي زين ،،

اما اذا تبي من مكاتب افضل الاسعار تلقاه عند مكتب الجوهرة اللي في المنامة بس انت تقول لقيت بـ 222 وهذا السعر ممتاز وايد الاسعار كل يوم تزيد شوق الحق روحك لانه اجازة الربيع قريبة

وهذي رقم الجوهرة
17231623

ونصيحة لا تاخذ طيران غير خليجي تراه بتروح عليك الايام لان الترانزيت على الهندي او السيرلانكية وغيرها يوصل لاكثر من 8 ساعات

هلا ولد ديرتي

بالنسبة للحجز على الطيران العماني رحت للمكتب الرئيسي بالمنامة وسألتهم قالوا لي ان الحجز اون لاين ارخص من الحجز من المكاتب
الفرق تقريباً 10 دينار في كل تذكرة!!
فقلت بحجز وبتوكل على الله،،
والحين جاري البحث عن فنادق

a7mdee88

الغالي ،، توكل على الله واحجز تذاكرك من النت ووفر جم فلس ينفعونك بالسفرة تره كل دينار له وزنه بالنظر لهبوط سعر صرف البات خاصة بعد هبوط الدولار ..

اكتب لي كم ميزانيتك لليلة وكم المبلغ اللي عندك كامل بدون احتساب الطيران الدولي علشان اسوي لك برنامج كامل شامل السكن و احلى الرحلات السياحية ،،

واذا تبي نقعد في ايوم تختاره في كوفي شوب مثلا وتيب معاك لاب توب + الفيزا او الكرديت كارد اخلص لك موضوع الفنادق والطيران الداخلي في اقل من ساعة ،، وعطيك برنامج كامل وين تروح للرحلات وللسوق و و وما عليك الا تركب الطيارة روحة وردة

اعتقد ممنوع وضع ايميل او رقم بالمنتدى ،، بحط لك رابط صفحة الفيس بوك ضيفني او خذ رقمي منها اذا حبيت ارتب لك كل شي : http://www.facebook.com/isa.hassan

سلام عليكم

مشكووور ولد البحرين ــ والله ماقدر ادخل من الانشغالات تعرف ترتيبات الزواج

انا للحين ماحجزت التذاكر بس اليوم او بالكثير بكرة ان شاء الله بحجز على العمانية وسعر التذاكر اون لاين بتكون 218 دينار

بس الحين ابي احجز التذاكر الداخلية ابي تشوف لي ارخص طيران داخلي
الوصول لبانكوك بكون تاريخ 20/2 والساعة 9:50 صباحاً

ابي اذا ماعليك امر تشوف على اي طيران اقدر احجز الطيران الداخلي وابي يكون بسعر مناسب وطبعاً الرحلة تكون لبوكيت
والعودة 24/2 لبانكوك

مشكوووور وماتقصر
وادري انكم ماتقصرون

المشكلة المفروض تجز من وقت حق الطيران الداخلي لان الاسعار تزيد انا جيكت لك اغلب الرحلات فل والرحلات اللي بعد وصولك اسعارها ترتفع ،،

على طيران اير اسيا اللي يعتبر الارخص والافضل تطلع التذكرة 58 دينار ونص للشخص الواحد ،،

التفاصيل:
Depart FD 3027 Bangkok (BKK) to Phuket (HKT) Sunday, 20 February 2011 Depart 1245 Arrive 1400

Return FD 3024 Phuket (HKT) to Bangkok (BKK) Thursday, 24 February 2011 Depart 1415 Arrive 1535 انصحك تعجل بالحجز وتشوف الانسب طبعا الحجز اونلاين اوفر لك ،،

انا حجزت على الطيران العماني تقريبا نفس السعر
لكن التاريخ 13/2 /2011

شكلنا راح نتلاقى هناك , موفق

الحمدلله انا حجزت الحين بس بصراحة اول مرة احجز ومادري هل الحجز اوك او لا
انزين الحين شلون اذا رحت المطار؟؟ اطبع التذاكر اللي وصلتني على الايميل ولازم تكون الفيزا وياي؟ ووين اروح؟
-اخوي تطبع التذاكر اللي وصلتك على الايميل لانه يكون فيها كود الحجز وهو الاهم او راجع اي مكتب للطيران العماني او اتصل فيهم بيخبرونك اذا في حاجه لاصدار تذكرة او لا ،، طبعا الفيزا تحتاجها في السفر بس حجوزات التذاكر المبلغ ينخصم دايركت مو مثل الفنادق يعني يعتبر انت دفعت خلاص وتروح المطار حق كونتر العمانية وتعطيهم التذكرة او الوقة اللي مطبوع فيها البينات وكود الحجز اللي ياتك على الايميل.

بس اذا تقدر توضح لي مكتوب ان 20 كيلو ،، مافهمت حق شنو ،، لان انا يوم اروح مكتب العمانية قالوا لي ان الوزن المسموح لكل شخص 30؟
ياريت تووضح لي
-العمانية ما ادري ما ادري جم كيلو للشخص طيران الخليج 30 بس العمانية ما ادري تاكد من كتبهم ،، اما سفرتك اللي بالطيران الداخلي هذي 20 كيلو للشخص مع العلم اثناء الحجز كنت تقدر تخليه 15 او 20 او حتى اكثر في خيارات وكل وزن له سعر وزيادة بسيطة .

وبخصوص حجز الطيران الداخلي تقدر تعطيني اي توضيحات؟ وبكون شاكر لك
Class Economy
Seat Number 22E (Confirmed)
Baggage Allowance 20K
Booking Status Confirmed
Fare Basis NEE2MBH
Not Valid Before 28 Febا
Not Valid After 28 Feb


-اللي واضح في البنات ان حجز مؤكد والوزن المسموح 20 كيلو ومقعدك بيكون في الدرجة السياحية .. طبيرا اير اسيا كله سياحي وما في فيرست كلاس وكل امورك تمام ..

بس بعد اطبع البينات اللي طرشوها لك على الايميل مال الطيران الداخلي واللي فيها كود حجزك علشان لما توصل وتختم جوازك وتستلم الشنط على طول تروح فوق على ما اذكر الطابق الرابع اذا ما خاب ظني وتروح كاونتر اير اسيا وتعطيهم الاوراق او يمكن تحصل حاطين لك جهاز خاص تحط فيه كود الحجز ويطبع لك تذاكرك وفيها تلقى وين قاعة المغادرة اللي تنتظر فيها ..

ورحلة موفقة والله يبارك لكم ان شاء الله

اخووي مافهمتني عدل

هذا الكوبي اللي نقلته تبع العمانية

الداخلي تبع اير اسيا للحين ماحجزته والسبب ان جوازي يتجدد وهم يحتاجون رقم الجواز وتفاصيل، فيعني للحين ماحجزت

ومشكووور

a7mdee88

بس انتظر انتهاء جوازك الجديد واحجز من اير اسيا ،،

بس اذا بيانتك عن العمانية فالوزن هو 20 حسب ما هو مذكور يعني لك وزوجتك ما مجموعه 40 كيلو ،،

اي بنطر الجواز يجهز وعلى طول بحجز

بالنسبة للعمانيةة انا اتصلوا فيني المكتب وسألتهم وقالوا لي الشخص الواحد 30 كيلو وفي الطائرةة 7 كيلو
مايندرى شيقصدون هني باللي مكتوب بس معروف ان العمانية 30 كيلو
وان شاء الله خير وبوافيكم بآخر الاخبار
علشان اذا حجزت الطيران الداخلي بحجز الفنادق بإذن الله

شباب سؤااال ضروري ابي احجز التذاكر الداخلية

الاوقات اللي في موقع اير اسيا للطيران،،، بتوقيت وين؟

يعني انا حجزي على العمانية اوصل بانكوك الساعة 9:50 صباحاً

فابي احجز الطيران الداخلي ومو عارف اختار اي وقت

توصل 9.50 الصبح بتوقيت بانكوك يعني تحجز الطيران الداخلي بعد هالوقت وانصحك تحجز من بعد 3 ساعات

روح بانكوك(سوق ومجمعات) +بوكت(رحلات ومغامرات) لاتروح بتايا ماتصلح حق متزوجين جدد تصلح حق العزابية بس

حول 50 دينارحق بات تايلندي حق مصاريف تكسي وجذي والباقي حوله دولار لاتحولهم كلهم بات تايلندي هناك لين تصرفه الدولار حق بات احسن

يا شباب البحرين

يعني شنو الاماكن الحلوة إللي اقدر اروحها في بانكوك وبوكيت وتشانغ ماي بعد لشهر العسل
وهل البحرينين يحتاجون إلى فيزا لتايلند؟

مشكور اخوي وماقصرت

ان شاء الله راح نقعد اسبوعين بتايلند
وبعدها اسبوعين بماليزيا

إذا عندك خبرة بخصوص ماليزيا ياريت تنصحني وان شاء الله بروح فيها كولالمبور و بيننغ في ناس نصحوني اروح لنكاوي بعد بس احس المدة قصيرة
نسيت متى اخر مرة رحتها يقولون وايد تغيرت

soft angel

ماليزيا والله معلوماتي محدودة لاني كنت بروحها بس ما قدرت اغير وجهة سفري عن تايلند فهي العشق الابدي
على العموم ترا بينينق اكثر من شخص راحها وما عجبته والكل اجمع لي ان لينكاوي احلى ،، افضل لكم تلغون بينانق من خططكم
ولا تنسون تروحون سيلانقور قريبة من كولالمبور واللي فيها ملاهي سانوي لاقون ومجمع البراميد ،، وطبعا مرتفعات جينتينق لا تفوتونها خاصة الملاهي روعة .