الموضوع: رحبوا فيني بمساعدتكم لي

السلام عليكم ورحمة الله وبركاته ...

صار لي فترة اتصفح المنتدى من غير تسجيل .. وبصراحة ماشاءالله عليكم ..

طبعاً سجلت وكلي طمع بمساعدتكم ومشورتكم المهمه لي ...

انا صار لي فترة افكر في موضوع التجارة من تايلند (بانكوك) .. ولكن عندي بعض المخاوف والتساؤلات وكلي عشم انكم تساعدوني بحلها .. كبداية افكر اجيب بضاعه صغيرة من سلع محددة كتجربة .. شرايكم ؟؟؟
كسلعة فكرت في الساعات والشنط تقليد ماركة درجة اولى او ثانية .. وفكرت بالاكسسوار والماكياج لكن قلت بعدين اذا نجحت الفكرة انوع بالسلع ...

اللي ابيكم تساعدوني فيه ...

1- هل هالوقت وهالموسم مناسب للسفر الى تايلند لجلب بضاعه ؟؟؟

2- شرايكم بنوع السلع ( الساعات والشنط ) كبداية وكم الاسعار المتوقعه لهم من تايلند ..
ابي لي تقريباً الف ساعه على 200 شنطة كم ممكن اتكلف عليهم ..؟؟؟

3- هل تتوقعون سهل تصريف هالبضاعه .. خصوصا اني بعتمد على تسويقها عن طريق الانترنت والمجلات الاعلانية وممكن افكر بالاشتراك بالمعارض .. يعني ماعندي محل تجاري او ماشابه ..


كبداية هذي الاسئلة .. والخير بقبال

*****

مواضيع عشوائيه ممكن تكون تعجبك اخترناها لك:

• دار ازياء في دمشق
• فيلا في بتايا
• استفسار عن فندق للشباب في منطقه العرب
• الأندية الصيفية في حمص
• الغرامه في مطار بانكوك
• لمواقع فيها كل شي عن تايلند و رحلاتها
• فنادق حلب
• ساعدوني أريد السفر إلى تايلاند عشر أيام
• مسافر جديد لتايلند
• الفزعه
• الى محبين سوريا
• فيدوني باسرع وقت يا اخوان
• حلب بالنيويورك تايمز مقال رائع وصور اروع
• تل مريبط المسكن والزراعة
• الكنكت في سوريا؟؟؟؟
• خبراء تايلاند بوكت وبانكوك ارجو المساعدة والنصيحة عن فنادق عائلية الله يخليكم احبتى
• المدن الميتة في سورية كنوز أثرية في رحلة لكيفن راشبي إلى سورية
• بعد يوم بسوريا
• شلالات ايروان جنة الله في الارض من روائع تايلند
• ياليت صور طريقة حجز طيران اير اسيا

بالوقت الحالي كل شي غالي يعني الهاي سيزون

من وجهة نظر الصين افضل


لان بداء الملاحظه على استقلال العرب في بانكوك



تحياتي

فكره ناجحه وانا اضمن لك الربح ميه بالميه وبضاعتهم زينه خاصة الأسواق الي في بانكوك من تجربة واحد من الربع ولو انها بسيطة

بس المشكله البضاعه هذي كلها يسمحون لك بتدخيلها كلها او في ضرائب هذا اهم شي تسأل عنه وموفق ان شاء الله

العزيز http://www.arabtravelersforum.com/user95823/ مافهمت الجزء الثاني من ردك ..

ولو سمحت لو تبين لي لماذا الافضلية هي للصين .. اتمنى من كل الاعضاء ان يوضح لي لماذا الافضلية للصين ..




العزيز ابو العلمين اشكر لك تشجيعك لي .. ولو توضح لي صديقك تاجر باي نوع من السلع وهل كان يملك محل او لا ..

من ناحية دخول البضاعه .. دبرت امرها مبدئياً لاتقلق

الجزء الثاني اخوي

هو ان اذا شافوو الخليجي ارفعو عليه الاسعار و بداء شغل النصب فااا اذا تعرف احد و تثق فيه جدا يكون معاك دائم في شراء البضاعه يكون كلام حلوو اما لحالك تتعب شوي


بالنصبه للصين انا اشوف ناس يجيبون بضائع و يمدحون الشغل من الصين و سهولة توفر كل مايحتاجونه و سهولة الشحن

السلام عليكم
اذا البضاعه تقليد اهنيك الكميه هذي ما تدش
والكميه هذي كبير حيل الف ساعه وميتين جنطه صعب تصريفها والتأخير فيها ينزل في سعرها
انا اقول انت توك بادي خلك على قدك 50 جنطه
وساعات لا تاخذ
عندك المنتجات التايلنديه
في منتج شريته ومشى وياي وبرجع اخذ منه
بخاخ للشعر ومكياجات من شركه تايلنديه موجوده هناك
السعر يفرق على حسب الكوالتي
يعني في تايلند تلقى الكوري وتلقى الصيني
وعلى كلام الاخ سألنا لقينا الهاي الكوالتي في الصين من 20 الى 30 دينار كويتي
وتايلند يبدى التقليد من 2 الى 40 دينار
انا اقول اذا انت تاجر جنطه خلك على تايلند الصين تذكرتها على القطريه 360 دينار
والوزن والشحن مناك الى الكويت راح يكلف عليك والسكن والشرب هم بعد راح يكلف عليك والفيزا
اما تايلند على الاتحاد 165دينار
احسبها عدل اهم يشترون من كوريا والصين بسعر رخيص واذا كسرت فيه تاخذها نفس سعر الصين
اما تبي تاخذ كميه كبيره مثل هذي فهذي فيها مخاطره
اول شي
الجمارك
وثاني شي
التصريف
وثالث شي
الموديل
يروح بسرعه
يعني الهبه شانيل قلبوا فجأه على قوتشي وفجأه يقلبون على برادا
ورابع شي
كثرة اللي يبيعون
النت مواقع كثيره
والاسواق
مغاتير
مجمع مناور
سوق السالميه
حوش السالميه
سوق الجمعه
المزادات
يعني انا اقول
لا تستعجل على نفسك علشان لا يصيدونك

خلك طقه طقه لين تعرف القمنده بعدين طق طقتك ونام

المشاركة الأصلية كتبت بواسطة هموزة
http://www.arabtravelersforum.com/tr...2/#post4720952

ماكان العشم .. 32 مشاهدة .. وردين فقط ؟؟

عموماً شكراً جزيلاً للي شاركوني ..

الاخ http://www.arabtravelersforum.com/user15803/ فكرت بالصين .. لكن لما اصير تاجرة محترفة .. كبداية اقول تايلند احسن ولا شرايك ؟؟

والاخ http://www.arabtravelersforum.com/user17028/ يعني الهاي سيزون يمكن يفرق بالفنادق والمطاعم لكن البضاعه بتكون من اسواق الجملة اتوقع اسعارها ماتتأثر ولا انا غلطانة ؟؟

تحملوني عندي تساؤلات كثيرة وفيكم البركة ..

اكيد الهاي سيزون يفرق بالفنادق والاسواق يصير كل شي غالي وبالاخص بوكت وشنغ ماي وبانكوك اما بتايا عادي ما يتثر فيها الهاي سيزون