محتاجكم لا تخلوووني

**ahmedali** · 01-15-2015, 06:02 PM

يا جماعه ان شاء الله زواجي في بداية اغسطس ومحتاااار اروح ماليزيا او موريشوس
ممكن احد يريحني وينصحني
تكفووووون:110:

مواضيع عشوائيه ممكن تكون تعجبك اخترناها لك:

**ahmed3** · 01-15-2015, 06:02 PM

الرأي الأخير لك طبعا وهذه هي احدى وجهات النظر والذوق الشخصي

اولا حبيت تعرف اني زرتهم الإثنتين وعارف بالضبط وش فيهم

ثانيا من الذي يذهب الى ماليزيا في شهر العسل ومن يذهب الى موريشس

الجواب سهل وبديهي اللي يحب الصجه واللجه والأسواق والتنقل بين المدن ومشاهدة حبايبنا العرب وخاصة انك في بداية شهر 8 يعني تمشي وتسلم كأنك في السعودية يروح بدون تردد لماليزيا

اللي يحب الهدوء والرومانسية والخصوصية في اقصى حالاتها ولايبحث عن الأسواق والتنقل فقط كم مكان بسيط في الجزيرة بزيارة لكم ساعة والعودة للفندق وقضاء اوقات جميلة مع شريك العمر....

ثالثا: الطبيعة واحدة لكن في شهر 8 يكون الجو افضل 100 مرة من ماليزيا حيث الجو معتدل في كل شيء

رابعا: المسافة : تقريبا واحدة مع زيادة ساعتين لصالح ماليزيا (موريشس 7 ساعات، ماليزيا 9 ساعات)

خامسا: التكلفة ماليزيا اقل بكثير (30% اقل من موريشس) وهذا شيء طبيعي كل ما زاد عدد السياح قلت التكلفة والخصوصية

وكلمة أخيرة للأسف كل ما سمع عن عرسان ينتابني الفضول واسأل عن شهر العسل والجواب واحد وهو ماليزيا

ابتسم في داخلي واقول لماذا هذا التكرار بلاد الله كبيرة والتنويع مهم

مشكلتنا ان كل ما شفنا احد يسوي شيء رحنا وقلدناه

عندك جزر الكاريبي روعه وشيء خيالي

عندك جزر بورا بورا القريبة من استراليا

عندك المالديف

عندك اوروبا الشرقية دولة الجبل الأسود وغيرها

شهر عسلي كان ممتد الى 58 يوم بين ثلاث قارات وكنت حريص الذهاب لأماكن مميزة وجديدة
وكل سنة مكان مختلف نكتشفه مع زوجتي والأولاد ولكن تظل موريشس محببة الى قلوبنا ونرجع لها كل سنة للراحة والإستجمام (ولقلة السياح اللي مالهم داعي

والف مبروك على الزواج وبالفاه والبنين

**alifun** · 01-15-2015, 06:02 PM

اخوي ابو عزيز
لما كتبت انا الموضوع كانت امنيتي انك انت اللي يرد علي
ممكن اسالك
انا سبق ورحت ماليزيا وودي اروح شهر العسل لموريشوس لكن تقدر تساعدني بصفتك خبير فيها تسوي لي برنامج من حيث الاماكن وعدد الايام ونوع الفنادق وراح ندعيلك انا وخطيبتي
ميزانيتي 25000 ريال
جزاك الله خير

**ahmedgaper** · 01-15-2015, 06:02 PM

أخي ابو عزيز
والله ما ادري كيف اوفيك حقك وبالنسبة لموضوعك المثبت فأنا قريته اكثر من مره وهو السبب الرئيسي اللي خلاني افكر في موريشوس
بالنسبه للميزانيه فهي للسفره كلها ويمكن اوصلها لل30000 ريال
وبالنسبه للبرنامج اللي اقترحته فهو عجبني تماما بس ممكن تتحملني شوي
هل تنتشر في موريشوس الحشرات والحيوانات الزاحفه؟
هل يضر زوجتي لو تلبس العباة السوداء والنقاب؟
معليش على الاسئله
ممكن طلب ودي اعرف ايميلك واتراسل معك لو ماعندك مانع

**ahmedali** · 01-15-2015, 06:02 PM

شكرا لك أبو عزيز
على المعلومات الشاملة والوافية
وفعلا خبير سفر
وأن تسلم من كل مكروه
وأيظا عجبني فيك التعامل الراقي والى الأمام

**ahmedgaper** · 01-15-2015, 06:02 PM

يعطيك الف عافيه اخوي ابو عزيز
والى الامام

**ahmedali** · 01-15-2015, 06:02 PM

اخي العزيز انصحك ب موريشس
بصراحه اجمل من ماليزليا و تنفع ل شهر العسل اكثر من ماليزيا بكثير...
وتستطيع ان تسافر على حسب ميزانتيك مافي اي مشاكل ...
اذا تحب المساعدة نساعدك .. في اختيار الفنادق..ألخ
بس نصيحه شهر عسلك خليه خاص و مميز .. اكثر !! ما ليزيا .. عوائل فيها اكثير خاصه في كم سنه الاخيرة .. !

**ahmed3** · 01-15-2015, 06:02 PM

الله يعطيك العافيه اختي Lollee
والله ماننحرم من نصائحكم وانا قريت تقارير الاخوان والله ماقصروا
بس بالنسبه للفنادق وخصوصا لشهر العسل وش اخذ فندق وعلى اي اساس هذا الفندق يعني وش فيه ميزه للعرسان؟

**alifun** · 01-15-2015, 06:02 PM

انا سكنت ب3فنادق يموريشوس
hilton
legends
belle mare plage
بصراحه كل فندق له ميزه لكن ليش حنا اخترنا3؟
لأن واحد بالشمال وواحد بالجنوب وواحد بالشرق
يعني نقعد بكل اوتيل 3 ايام ونغطي المنطقه وبعد تغيير
فنصيحتي تاخذ اكثر من اوتيل
وافضل هالفنادق بالنسبه لي بيل مار بلاج
وكلهم يناسبون العرسان هدوء ورومانسيه وخدمه ولا احلى
بالنسبه لليجند سووا لنا عشاء خاص للعرسان حنا و4 عرسان ثانيين
عشاء على ضوء الشموع عالمسبح واحلى شي المنيو كان مكتوب بأسامينا

**alifun** · 01-15-2015, 06:03 PM

حنا كانت سفرتنا بجولاي وحجزنا قبلها بشهرين عشان نضمن الفنادق والحجوزات
وعموما الحجز ماكان مره وحده لأنك لازم تروح كم مره للمكتب عشان تشوف الاسعار واللي يناسبك واللي متوفر فأفضل انك تبدا تروح بدري للمكتب اللي بتحجز عنده