السلام عليكم ورحمة الله وبركاته
حاليآ متواجده ببرشلونه وبعطيكم نبذه مختصره جدآ عن رحلتي اللتي بدأت
من مدريد _ماربيا _برشلونه وذلك لضيق الوقت..
التقارير الموجوده من خبراء أسبانيا وغيرهم من الأعضاء ماشاء الله مدعومه بالصور والشرح المفصل مانجي عندهم شيههههههه ولكن حبيت أشاركم واعطيكم إنطباعي عن أسبانيا ...
كما سبق نزلت موضوع وهو :تفاصيل رحلتي (أسبانيا ) بالكامل ..أرجو الإفاده
وهذا هو
السلام عليكم ورحمة الله وبركاته
عندي كم أستفسار وأتمنى من الأخوه الكرام إفادتي ..
وإليكم تفاصيل رحلتي بالكامل :
سفرتنا بنهاية شهر يونيو
ومدة السفر 12 يوم
الوصول القاهره -مدريد
مدريد -ملقا عن طريق القطار ومن ثم الى ماربيا
ملقا -برشلونه عن طريق الطائره
برشلونه -القاهره
هل تنصحوني بالقطار من مدريد لملقا ؟ عائله مكونه من 8 اشخاص ويوجد أطفال ، وإلا أخليها طيران أحسن ؟
كم المسافه بالقطار وكم التذكره للشخص ؟
بالنسبه للأيام والسكن قسمتها كالآتي :
3 ليالي في مدريد والسكن بفندق ريكس(Rex Hotel )على شارع القرآن فيا .
3 ليالي في ماربيا والسكن بفندق البير (Pyr Marbella)في البورت بانوس .
4ليالي في برشلونه والسكن في شقه أبارتمنتز(Ramblas Apartaments)تقع على شارع الرامبلا.
حجز الفنادق عن طريق بوكنق ...
أخواني أنا متخوفه من الشقه اللي في برشلونه سمعت مافيها آمان ..
هل تقترح علي تغييرها أم لا ؟
وإذا فيه أحد سكنها قبل يقولي عن عيوبها ومزاياها .
وماهو رأيكم بالفنادق ؟
وإذا ممكن تعطونا فكره كامله عن البورت بانوس .
بقضي فيها 3 ليالي ، ودي أطلع لغرناطه بس ماني عارفه كيف من ناحية المواصلات وتذاكر قصر الحمراء ، ومتى نطلع لها ومتى نرجع ابي كل التفاصيل .
مع العلم أني قصيت التذاكر والسكن والتأشيره على وشك الأنتهاء .
فيزتي فرنسيه هل فيه شي غلط ؟
انتظركمإذا فيه تعديل يمدينا نغيره ..
ولله الحمد كل تخطيطنا للرحله كان كما هو مكتوب سابقآ بإستثناء الذهاب الى غرناطه لم يتسنى لنا الذهاب اليها بسبب ضيق الوقت لأن مدة الإقامه في ماربيا يومين غير يوم الوصول والمغادره ..
وصلنا مدريد وأعجبتني مبانيها فهي جدآ رائعه وفخمه حتى شعبها كباقي مدن اسبانيا ماربيا وبرشلونه شعب لطيف ومتعاون بالنسبه لجوها حااار فترة الظهيره ولكن يهب عليك هواء بااااارد على الرغم من حرارة الشمس وبالليل الجو حلو ،موقع الفندق جدآ ممتاز بالسنتر في شارع القران فيا وبجانبه بالضبط سوبر ماركت وأمامه بالضبط مطعم ماكدونالدز وكنتاكي،ملاحظاتي على الفندق أثاثه قديم وغرفه صغيره . ...والتمشيه في شارع القران فيا متعه بحد ذاته ، أخذنا الباص السيااحي ومثل ماكتبوا الأخوان في تقاريرهم نفس الشي ولا أزيد عليهم ...ونزلنا لملعب السنتياقو هذا المكان المميز بالنسبه لأفراد العائله ..
يوجد مطعم مغربي رااااااااااااااااااائع بمعنى الكلمه أسمه ((سلطانه))وهو قريب من الفندق وشارع القران فيا ،أنصحكم فيه لوجود الأكلات المغربيه على أصولها ..
وكان هناك تجهيزات لإقامة أحتفال سنوي يقام كل سنه في مدينة مدريد وهو أحتفال ضخم للمثليين على ماأعتقد ، وافق أخر يوم كنا فيه بمدريد اللي هو يوم السبت 2/7/2011قبله بيومين كانت التجهيزات لدرجة ان شارع القران فيا مقفل من العصر وشفنا تجمعات كثييييييره من جميع أنحاء أوروبا وعددهم لايقل عن 50 الف ، واستمر الحفل حتى الفجر.
السفر من مدريد الى ملقا:
قصينا تذاكر القطار عن طريق مكتب قريب جدآ من القران فيا صاحبه مصري وسعر التذكره للشخص الواحد 89يورو ، ذهبنا لمحطة أتوشا عن طريق التاكسي وسعره 7 يورو ،أسم القطار Renfجدآ ممتاز ومريح ونظيف وسريع أحلى من الطياره بكثيييييير والمسافه بين مدريد وملقا ساعتين ونص ..
وصلنا ملقا وأخذنا تاكسي الى ماربيا مباشره ، وصلنا الفندق حلو ويبعد عن البورت بانوس تقريبآ 500 متر سيرآ على الاقدام حجزته عن طريق بوكينق يوجد فيه مسبح للكبار والصغار حتى الغرف واسعه وشرحه ويوجد فيها مطبخ صغير وأواني للطبخ وبلكونه مطله على المسبح ..لايوجد فيه اتصال مجاني ،الساعه ب 3 يورو ويوم كامل ب 7 يورو
تغدينا بمطعم بعلبك المشهور بمنطقة البورت بانوس ، وتمشينا حولين البورت بانوس ويتخلله جلسات على المقاهي والمطاعم بإختصار ماربيا جوها خياااااااااااااال وبراااااااد خاصة بالليل ..طبعآ ماتمشينا في ملقا بس نطلع من محطه وندخل مطار .
سافرنا عن طريق الطيران الاقتصادي من ملقا لبرشلونه ، وصلنا شارع الرامبلا إلا صاحبة الشقه تنتظرنا لتعطينا مفاتيح الشقه وللأسف مافيها رسيبشن ولا شي زي ماتوقعت بصراحه ماأعجبتني..
بعد ماأرتحنا قمنا العصر وتمشينا بشارع الرامبلا وساحة كاتلونيا وتعشينا بمطعم ماكدونالدز ..وكان الجو غائم وفيها هواء بااارد بالنسبه للأطفال الأفضل يلبسون ربيعي ..
وبكرا أن شاء الله نبدأ نروح بالباص السياحي لكن وش هي الأماكن اللي تستحق اني انزل فيها ؟
وكذلك الأكواريوم وين مكانه وكيفية الوصول له ، وسوق الأوت لت وين مكانه بالضبط هل هو بعيد عن الرامبلا ؟
وهل ملاهي بورت افينترا ممتعه او عاديه ؟
وبالنهايه أشكر كل من ساعدني وخصوصآ خبراء أسبانيا![]()
مواضيع عشوائيه ممكن تكون تعجبك اخترناها لك:
- كيف الانتقال من غرناطه الى ماربيا
- ارتداء العبايه في مدريد
- ابي نموذج استمارة الفيزا
- بسافر الي برشلونة من مدينة كان الفرنسية ايهما افضل القطار او الطائرة
- رحلة شهر عسل قصيرة في ديسمبر أرجو المساعدة
- اهل الخبرة ارجوووكم استشارة للمرة الاخيرة تكفى
- وش تنصحوني فيه؟؟؟؟
- مدريد
- الانتقال من مدريد
- مربيا
- ممكن مساعده
- ريحوني الله يريحكم
- شرايكم بهالفنادق ؟؟
- استفسار بخصوص شنقن لاسبانيا ومطلعه من سفارة ايطاليا
- ماهي افضل وسيله للتنقل من برشلونه الي باريس
- استفسار بخصوص مدة التأشيرة
- مشرفين والأعضاء أبي رأيكم و وجهة نضركم والله لا يحرمنا من مسااااعدتكم الليل و النهار
- ماذا تنصحووونيي بليز
- مساعدة في رحلتي مدريد برشلونة
- استفسار
المفضلات