الموضوع: اخني الريم واخوي علي قطر ساعدوني في بلجيكا

اول مره اروح بلجيكا وكالعاده عائله مكونه من شخصيين بالغيين و 4 اطفال
و2 اطفال 12 سنه و 10 سنوات واطفال سنتين وسنه ونص


طبعا بما ان الحمدالله رحلتي السنه اللي فاتت لميونخ وزيلامسي ومنها انترلاكن ثم جنيف كانت
من اروع الرحلات والفضل بعد الله يعود لكم وخاصه اخوي علي وهالمنتدى الغالي
والناس الطيبه اللي فيه

فحبيت تساعدوني هالمره بعد لو ماعليكم امر لان بادن الله ودي اسافر على اول شهر 7
ادري متاخره كثير بس الرحلة جت فجاه ومتاكده انها بتكون رائعه بفضلكم بعد ربي بادن الله


المهم رحلتنا باذن الله بتستمر اسبوعين وشوي يعني بحدود 20 يوم


عندي اكثر من تسائل //

1) اريد شقق مفروشه تكون غرفتين بصاله بمطبخ في بلجيكا بس تكون نظيفه وموقعها
حلو واسعارها مش غاليه لان السنه اللي فاتت تبهدلت مع الاطفال في الفنادق

2) ودي اعرف شو من الدول اللي ممكن ازورها من بلجيكا وتكون قريبه وهل لازم اسكن
فيها او عادي اروح الصبح وارجع في نفس اليوم

طبعا غير فرنسا لان باذن الله ودي احجز في ديزني لاند يومين اذا ربي راد


3) ياريت اعرف هل اهم الاماكن السياحيه والاسواق خاصه الاوت لت

4) هل استاجار السياره افضل من بلجيكا افضل او من مكان قريب منها
لان الحمدالله في المانيا كان سعرها حلو سلمناها في جنيف
بس هالمره احتاج سياره اكبر عشان كراسي الاطفال

5) رايكم لمخططات او اقتراحات حلوو


انا اقرا التقارير حاليا ومن امس اقرا بس خاطري تساعدوني اكثر لان مافي وقت وربي
وحاليا فتره امتحانات يعني بهدله بس مستحيل اضيع السفره دامها جتني

زين ودامني بحجز في ديزني يومين هل اخلي العوده من فرنسا والا كيف


وربي كل شي متلخبط عندي ياريت تساعدوني عشان اللحق
احجز التداكر والشقق وارتب كل شي جدامي بس اسبوعين




ولكم من جزيل الشكر والاحتراااام

مواضيع عشوائيه ممكن تكون تعجبك اخترناها لك:

• أرغب السفر الى اليونان
• ممكن جدول سياحي ايام اول مره اسافر براغ
• شغالتي سافرت وورطتني بشنطتها من يساعدني
• سلوفينيا
• خبراء تأشيرة هولندا
• لماذا التشيك؟
• مسافرة اوكرانيا رحلة علاج ابي المساعدة
• بولندا ام قبرص ؟
• ارجو المساعده
• استفسار عن اليونان اثينا
• ماهو السعر الأفضل للطيران وغرفة السكن والدليل في جورجيا خمسه ايام للجورجيين
• نـــــــداء من الجـــــازي الي خبــراء التشيك
• استفساااار عن البرتغال
• رحلتي للتشيك بعد أسبوع وأخوكم غشييييم أرجو المساعدة
• موسكو تحت الأرض عالم آخر
• استفسار عن دول اوروبا
• ناوي على أوكرانيا ارجوا المساعدة
• ابي جدول سياحي للتشيك
• محتاجه مساعدتكم و اقتراحاتكم لبرنامج شهر العسل بليز
• سؤال لخبراء هولندا مشرفين ضروري و الاعضاء

مساء الخير

متاخره جدا جدا ,,,, مما يزيد صعوبة ايجاد مسكن

قبل الدخول بالاجوبه

1- انتي رحلتج تقريبا 16 يوم فرضا .. لهذا سوف تكون كثيره على بروكسل وباريس .. ولو افرتضنا ان المخطط يكون كالاتي 6 ليالي بروكسل ليلتين ديزني 4 ليالي باريس .ز هذي 12 يوم .. لو كانت كافيه انصحكم بتقليل مدة السفر .. او اذا احببتي الزياده فالخيار يكون مثال

قبل بروكسل اما دوسللدروف في المانيا او امستردام

بلجيكا اذا سكنا بالسنتر ممكن التنقل يكون للمزارات السياحيه بالاندرقراوند او بالتاكسي او احيانا بعض الاماكن السياحيه بالقطار مثال مدينتين بروج و انتروب ... ااذا كانت لكم خبره بالقياده داخل المدن ممكن تاخذون سياره .. الاطفال الي يحتاجون كراسي اخر طفلين الصغار ( انشوفهم عرسان ان شاء الله )

طبعا تكون العوده من باريس


احب اعرف شنو في خاطرج واالميزانيه التقريبه ..ولو كانت الميزانيه مقبوله خلي الرحله 12 يوم كما ذكرت او الخيار الاخر بأدخال المدن الي ذكرتها

اخوي علي شو رايك في هالدول المجاوره






سوف أتحدث عن المدن البلجيكيه اللى قمت بزيارتهم وهم

بروكسل ، بروج ، أنتويرب ، أووستند

و المدن الأوربيه اللى تم زيارتها :

لوكسمبورج ، ماسترخت ، فالز ، كولن ، أخن ، أمستردام ، باريس






ياريت تعطيني رايك فيها

هلا فيج

شوفي تقريري عن امستردام وبروكسل تحصلينه بموسوعتي الالمانيه او النمساويه

اذا كنتي تبين امستردام رايي 3 ليالي .. ويجب استخراج الفيزا من السفاره الهولنديه . اما لو اخترتي دوسلدروف القريبه من كولن نصف ساعه اما من السفاره الالمانيه او الفرنسيه

شوفي تقريري وخبريني .. وحتى لو اخترتي دوسلدروف 4 ليالي

هنا تقرير دوسلدروف

http://www.arabtravelersforum.com/travel422164/

مع العلم صعب جدا جدا انحصل شقه بدوسلدروف الان ...

اما بخصوص باريس شوفي بوابتها افضل بعد ما تحددين التواريخ واسئلي عن شقق هيدالغو بانوعها المنتشره في انحاء باريس


وبعد ما ترتبين المخطط وتختارين ضعي لي تواريخ دخول وخروج ببلجيكا وامستردام او دوسلدروف

وانا حاضر ..

بس اخذي لج نظره على بعض التقارير


ونكمل غدا وابشري خير

تسلم اخوي ان شاء الله للصبع على هالتقارير وبحاول ارتب قد مااقدر اليوم باذن الله

بس اخوي علي اذا مسويه فيزا شنغل ماتكفي لكل هالدول والا لا

اخوي علي قررت جي يكون جدولي باذن الله يارب يكون موفق

30 6 - 67 ( دوسلدورف ) ( ومنها نروح كولون وماسترخت الهولنديه ) وجاري البحث عن المزيد من المناطق
يعني 6 ليالي

67 - 137 (بروكسل ) يعني 6 ليالي

137 - 147 (ديزني لاند فرنسا ) اخترت هاليومين لان بيكون ( الاربعاء والخميس ) يعني مش زحمة العطله يومين

147 - 187 ( باريس ) 4ليالي

ثم العوده لارض الوطن باذن الله



** اريد بس اعرف المسافات لهامناطق يعني من دوسلدورف الى بلجيكا ( بروكسل ) كم بالسياره
ومن بروكسل لديزني كم بالسياره


** وكم المسافه بالسياره بين دوسلدورف وكولون وماسترخت

** وهل هناك مدن قريبه هولنديه غير ماسترخت تستحق الزياره
وهل مستردام بعيده عن دوسلدروف


** ياريت القى شقق في دوسلدروف وبروكسل واهم شي يكون فيها غساله ومطبخ صغير






ملاحظه :::::

انا اخترت انزل في دوسلدروف لان المانيا اتصور ارخص مكان لتاجير السيارات في اوروبا
والتسليم باذن الله بيكون في فرنسا

من دوسلدروف الى بروكسل ساعتين

من بروكسل الى ديزني لاند تقرييا 3 ساعات

من دوسلدروف الى ما سترخت ساعه

من دوسلدروف الى كولن 35 دقيقه


طبعا بالتقرير بعض الاماكن لدوسلدروف

هنا وضعت رابط لشقق كثيره بدوسلروف شوفي الي يناسبج وخصوصا ان معاكم سياره

http://www.arabtravelersforum.com/travel563428/


شوفي الشقق بدوسلدروف اذا في بوقتكم

وانا بشوفلج ببوكنق حق بروكسل .




تحياتي

اختي سنبله رحلتج تقريبا شرات رحلتي ... لاني بيلس تقريبا 20يوم ...

محتااارة واايد كيف اخطط للرحلة ... وتوني الحين فتحت موضوع عن سفرتي وسبحان الله شفت موضوعج شراتي تقريبا ...

خلينا نتساعد اختيه ... واللي فالمنتدى ما بيقصرون ان شاءالله ويانا ...

كيف رتبتي الرحله الحين ؟؟؟

المشاركة الأصلية كتبت بواسطة سنبله
http://www.arabtravelersforum.com/tr...4/#post5567344


بس اخوي علي اذا مسويه فيزا شنغل ماتكفي لكل هالدول والا لا



توني انتبه لهذي النقطه شنو القصد منها ؟؟؟ وضحي


ما حصلت ببوكنق الا هذي الشقه ل 4 اشخاص ممكن تضيفين سرير واحد والطفال الصغير مجانا العماره بالظبط عند اجمل مكان سياحي الاتوميوم مع ميني يوب ويبعد عن السنتر الكراند بليس 3 كسلو ونصف تقريبا

علما ان الشقق جيده جدا لكنها غير مكيفه شوفيها

http://www.booking.com/hotel/be/pega...X5&aid=1329869

اذا اعجتج وضحي عددكم بالحجز واكتبي لهم ما ذكرت


بنتظاركم

هلا اخوي علي اخوي انا شفت الشقق بس ماعرفت اختاار
مااعرف هل مناطقهم بعيده او لا او امنه وهل البيوت مش الشقق آمنه في الدول الاوربيه
لان ولا مره جربت هالشي ابد ... شفت بيوت حلوه بس غابات وبحيرات عدالها
وانا خوااافه لابعد مايمكن يعني اتخيل افلام الرعب على طوول فيها

المهم هذيل اللي شفتهم واحس مناسبات
بس مدري عن الموقع لان انا مااريد اكون بعيده عن مركز المدينه


هاي وحده

86$ لليوم للاسبوع 602 $ ( متوفر )
http://www.homeaway.com/vacation-rental/reviews/p550931

هاااي روووعه بس مدري عن مكانها وين بالضبط هل هو بعيد والا قريب


هاي روووعه سعرها في الاسبوع 4370.52 درهم ... 172$ في الليله ( متوفره )
هاي وااااايد وااايد عجبتني بس مدري انت شو رايك اخوي
http://www.homeaway.com/vacation-rental/p526982



وفي هاي القائمه اللي تضم بيوت الرعب وبيوت مدري كيف

http://www.homeaway.com/search/germa...on:1455/page:2





والله احترت اخوي علي لازم احجز الطيران اللحين لقيت على االامارات كراسي
للحين في تاريخ 306 على مطار دوسلدوف اخاف اتاخر يروحن علي

ساعدني دخيلك

الشقه واايد حلووه بس اخااف يكون الجوو حاار وعادي زوجي يذبحني هههههههههه

هذا الي حصلته بالنسبه لبروكسل .. بسبب تأخير الحجز


الشقه الثانيه بدوسلدروف اقرب الى السنتر ..

اكتبي كولن بخانة البحث وشوفي الشقق المتوفره فيها طالما معاكم سياره

بنتظارج

سنبله

حصلتي هذي في بوكنق قريبه من سنتر كلون وليس بدوسلدروف اخر شقه وبشروط خاصه

عندهم اكثر من مبنى يرسلون لج وين تقع عمارتكم بالظبط شوفيها

http://www.booking.com/hotel/de/worl...X3&aid=1329869

المشاركة الأصلية كتبت بواسطة shooq26
http://www.arabtravelersforum.com/tr...2/#post5570582

اختي سنبله رحلتج تقريبا شرات رحلتي ... لاني بيلس تقريبا 20يوم ...

محتااارة واايد كيف اخطط للرحلة ... وتوني الحين فتحت موضوع عن سفرتي وسبحان الله شفت موضوعج شراتي تقريبا ...

خلينا نتساعد اختيه ... واللي فالمنتدى ما بيقصرون ان شاءالله ويانا ...

كيف رتبتي الرحله الحين ؟؟؟





هلا اختي شوووق


سامحيني يالغاليه وربي من كثر ما كل شي مختبص على راسي


نسيت ارد عليج وفالج طيب يالغاليه انتي تامرين امر بس اللحقي بسرعه واحجزي فناددق
اماا
ترتيب الرحلة والاماكن فالج طيب من اخلص ترتيب جدولي وتنظيمه بطرش لج كل شي
يالغاليه


والسموحه من ج مره ثانيه

ورحلة موفقه باذن الله يارب لي ولج ولكل مسافر مسلم اللهم امين

وانت تقصد اخوي ان هالشقه اقرب لسنتر المدينه وافضل


هاي روووعه سعرها في الاسبوع 4370.52 درهم ... 172$ في الليله ( متوفره )
هاي وااااايد وااايد عجبتني بس مدري انت شو رايك اخوي
http://www.arabtravelersforum.com/re...ntal%2Fp526982

مو متوفره بتاريخكم مشكلتها بعيده عن الاثنين كولن ودوسلدروف

اذكري لي التواريخ مره ثانيه

ما تستفسارك اختي بالنسبة لبلجيكا