المشاركة الأصلية كتبت بواسطة somsom55
http://www.arabtravelersforum.com/tr...2/#post6067862

من العايدين اخوي loooonely

اولا احب اشكرك على تعاونك معانا .... بصراحة استفدت منك كثير ... الله يعطيك العافيه ويوفقك يارب

انا حاليا في برشلونا و حبيت اسألك عن السنما المفتوحه في جبل Montjuic , أنا سألت عنها و للأسف ما أحد جاوبني ويقولون لي مافيه اصلا سينما مفتوحه ... و انا كنت مره متشوقه احضرها بعد ماحكيت عنها ...
كيف أقدر اوصلها ؟ أنا ساكنه في جنب محطة passeig de Gracia
وهل فيه سينما قريبة باللغة الانجليزيه غيرها ؟




مرحبا اختي

ينعاد علينا وعليكي بالخير ان شاء الله..

السينما المفتوحة في جبل الـ Montjuic تكون في الايام (الاثنين , الاربعاء , الجمعة)

تطلعين الى ساحة اسبانيا (اذا بتطلعين بالمترو - عندها المترو الاحمر M1- ,واسم المحطة Espanya)

بتشوفين عمودين كبار لونهم بني , اللي ع اليمين عنده بالضبط موقف باص رقم 193

الساعه 8 تكونون عنده وبيوصلكم الى اعلى الجبل عند موقع الفلم..

شيكي موقعهم افضل لان بعض الاسابيع مايعرضون افلام , وهذا موقعهم: http://www.salamontjuic.org/?lg=7&id=2

ولو مستعجلين , عندك سينما قريبة منك على شارع Passeig de gracia (وانتي ماشية طلوع وتخلين ساحة كاتالونيا خلفك) بتشوفينها ع اليسار , قريبة من محطة مترو Diagonal

وفيه سينما عند البورت (خلف مجمع Maremagnum , وجنب الحديقة المائية Aquarium , هذي السينما 3D اسمها IMAX

وفيه سينما داخل حي Gracia , تنزلين في محطة Fontana على المسار الاخضر , وتدخلين حي Gracia وتسألين عنها..


هذا اللي اعرفه وموفقه ان شاء الله

مواضيع عشوائيه ممكن تكون تعجبك اخترناها لك: