السلام عليكم ورحمة الله وبركاته

اسعد الله مسائكم جميعا بكل خير وسرور وبركه

وجمعة مباركة على الجميع

اخواني انا شخص مقبل على زواج ان شالله وتعرفون لازم شهر عسل .. هذا أولا

ثاني شيء انا قررت أني أروح اقضي 10 أيام بالكثير لأسبانيا ان شاء الله

وقت زواجي ان شالله سيكون في عيد الأضحى المبارك .. سواء قبل العيد بإسبوع او ثالث يوم العيد لحتى الأن ماحددت بالضبط

وانا صراحة كان حلم لي اروح لأسبانيا وتفائلت بتحقيق الحلم في موافقة زوجتي المصون انها ترغبها وبالفعل هي برضو امنيتها تروح لاسبانيا وخصوصا ماربيا

وانا رجل صراحة المبلغ المادي المتوفر لدي 25 الف ريال إلى 30 الف

وكنت صراحة مخطط الرياض - شرم الشيخ - اسبانيا - الرياض
او الرياض - اسبانيا - مكه - الرياض
او اترك الأمر لكم وللأخوان المشرفين او خبراء السفر

انا رجل من عرفت السفر وانا الرياض + عمّان .. بما ان عمان لي بيت هناك واستقر فيه والهروب من زحمة الرياض وحرها

عموما

انا أبي نصيحتكم

وش أسوي الآن .. انا رجل مالي علم بالفيزا والشنغن والحجوزات وشركات الطيران و و و و

عطوني الآلية المناسبة وش أسوي من الآن

لأن حجزي راح يكون يا في 8/12/1432 او في 11/12/1432

عطوني النقاط 1 و 2 و 3

وعندي إستفسارات بسيطه
هل بتكون في مطار أسبانيا مرمطه ؟؟ يعني تحقيق وتفتيش وحوسه ؟؟ لاني انا كل شي ولا هالأمور ويمرمطون فيني وحالتي حاله

وهل المدينة غالية ؟؟؟ لأن انا أفكر اروح برشلونه + ماربيا + ( مدينة تنصحوني فيها )


وكم مدة الطيران ... من الرياض إلى أسبانيا

وكم سعر التذاكر من الرياض إلى أسبانيا

وكيف الوضع الأمني هناك ؟؟ خصوصا برشلونه ناس قالوا لي تخوف أمنيا

وهل هناك تحقير للعرب ؟؟ وبخصوص اللغة الأنقليزية هل أقدر اسنع اموري هناك باللغة الأنقليزية ؟

يا ليت تفيدوني لأني اجهل بالسفر وخصوصا أوروبا

ولكم جزيل الشكر

اخوكم أحمد

مواضيع عشوائيه ممكن تكون تعجبك اخترناها لك: