الموضوع: رحلتنا العائلية إلى كيرلا الرائعة وأكثر من صورة

[center][size="4"][color="Black"][b]بسم الله الرحمن الرحيم ...
قبل البدء ...هنا في المسافرون العرب أحب أن أقدم الشكر والتقدير للجميع على تفاعلهم مع اسئلتي وتحملهم غثاثتي وتقبلهم مشاكساتي وأخص بالشكر والتقدير كلا من
درب يسد مايرد
munnar
أجنحة بلاريش
عبوووود 2010
ومن نسيت أساميهم يسامحونن
نبدأ ؟ هناك تقريبا 738 صورة ... وسيكون التعليق فوق الصور وليس تحتها ...أرجو الإنتباه لهذه النقطة وإلا قسم بالله أشيل تقريري وأروح أحطه في بوابة أسبانيا
سيكون التقرير فرفوشي أكثر منه خدمي معلوماتي ..إلا ماوفقني الله فيه .. يعني وسعوا صدوركم علي
بسم الله الرحمن الرحيم
كنت جالسا أقلب النت ذات هكاليوم قبل سنة وشوي حزة عصير وتوه الشمس غايبة
وإذا بي أطيح بتقرير عن كيرلا ...وفجأة ..دخلت على التقرير
وفجأة أخرى شفت الصور ..وفجأة ثالثة وإذا بي أنبهر من الصور ومن جمال الطبيعة ومن طبيعة الجمال
ياربااااااااااااااااااااااه ...ماوشو ذا ؟..معقولة ؟
هذي جنة في الأرض ... هذي هبة الله على أرضه ...
[font="Arial"] تسمرت تقريبا مدري كم وأنا أشاهد الصور ... لالا ... هذي صور عادية معالجة ببرنامج الرسام ... معقولة يعني ..

مواضيع عشوائيه ممكن تكون تعجبك اخترناها لك:

• تحذير هام جدا إحذر قبل الحجز الى سريلانكا لاتوهقون مثلي
• خبراء كيرلا بالهند
• أخيراً سجلت في المنتدى فزعتكم عاااد بكرة بكون في سيرلانكا تراي ضاايع ههههه
• هل توجد مكاتب سياحيه في مطارات الهند؟
• اُريد مساعدتي في بعض المعلومات عن سريلانكا
• موضوع مرجعي لأكلات الهند كيرلا ارجو التفاعل
• سيتحقق الحلم بالسفر الي كيرلا استفساراتي
• السفر للهند وسيرلانكا مع اطفال
• ابروح سيرلانكا وابي مساعدكم
• صور ومقاطع فيديو لثلوج دمشق أمس الأحد
• ابي اعرف رأيكم في خط سير رحلتنا الى سريلانكا والمالديف
• استفسار
• سريلانكا في أغسطس أحتاج نصائحكم
• استفسار عن افضل المدن في سيرلانكا
• سائق في سيرلانكا
• استفساار بسيط بخصوص كيرلا
• فزعتكم نبي بكج لكيرلا شهر عسل لمدة يوم مع سايق يتكلم عربي
• الهند جوا دلهي مومباي
• كم يوم هو الانسب للرحلة
• سؤال لاهل الشرقيه

من 3440 صورة أخترت أكثر من 700 صورة لعرضها
نبدأ المشوار
قبل السفر وحيث أن الوزن محدد بالطيران الهندي بـ 20 كجم للشخص و 7 كجم باليد رحت شريت هالميزان ومالقيت إلا هو عشان أوزن الشنط
ومغير أعلق هالشنط بالحوش تقول ضحايا وأشوف
بالأخير طلع ميزان كيف الحال ولاهوب لم تفتر


طبعا الواحد يحتاط ويأخذ معه أي شي ممكن يحتاجه بهالرحلة ...أخذت من هالعلاجات خصوصا انها أول رحلة ولا أدري عن هكالبلاد شي
أخذت هاللي تشوفون ولا استفدت إلا من شيين ..البنادول ...ولاصقات طاردة للباعوض ... لازم تاخذهن وإلا تبي تقعد تتهرش ..طبعا مهوب بكل منطقة
العلاجات أخذت منها شي لحساسية الصدر للاطفال شي للمعدة شي للتسلخات الجلدية ولصقات جروح ..على فكرة هالنوع من اللصقات جدا عملي ومتين وصناعتهن يابانية والحبة بريال بس ماتندم وفيه علاج حبوب شوفوه اللي لونه أزرق وأبيض ..هذا للدوار ..فيه ناس مايتحمل الطلعات والنزول بهالجبال .. بس الحمد لله ما احتجناه ..وآخر شي شف يمين الصورة فيه قطن



المرور على محلات البساكيت وقش مالذ وطاب منها حيث انه حسب ماسمعنا بأن الأكل لايناسب الجميع وأيضا لاتوجد هناك سوبرماركتات تبيع أشياء عليها العلم
يعني مثل ماتقول ماتلاقي اللي تبي ..تلاقي بساكيتهم وشقاليطهم الغريبة ....طبعا هذا ماسمعنا ...لكن ترى فيه مناطق تلاقي فيها اللي تبي


وهنا صفهن في كرتون مع جبن كيري وبعض الأشياء للنقنقة في حال الجوع
وطبعا تاخذ معك عزبة قهوة وشاهي وتاخذ تمر ومعمول ووافل وكلن حسب اللي يحب


تبي تلاحظ بالصور اني خبصت الكتابة ..كتبت kirala والمفروض أكتب kerala لكن اتصلت قبل شوي على السواق وسألته
قال تكتب كذا وكذا قلت عز الله انك شنب مع ان مالك شنب
في الطيارة وبعد ما استوت بالجو قدموا لنا الوجبة بالبهارات الهندية



كان توقيت الرحلة مهوب مناسب لأنه كان وقت النوم ..دحوم استسلم لنوم عميق


ياسبحان الله.. قال تعالى
http://www.islamweb.net/newlibrary/d...9&ID=1387#docu ( 71 ) http://www.islamweb.net/newlibrary/d...9&ID=1387#docu ( 72 ) http://www.islamweb.net/newlibrary/d...9&ID=1387#docu





كان صالح وبحكم انه قريب من الدريشة هو اللي يصور


خط سير الطيارة


الوصول إلى مطار كوتشين بعد أن سبقه الوقوف في طار تروفندرام وتحميل عدد من الركاب في رحلة داخلية


ويستقبلنا المطر


ولقينا السواق في احتراءنا وهذي السيارة
اينوفا موديل جديد ... عجزت أعرف موديله السواق مايفهم علي أبد بس نظيفة ومكيفة
الجو أول ماتنزل كوتشين .. لطيف .. لما يكون فيه هوى يداعبك الهوى العليل وفيه شوي شوي شوي رطوبة


جانب من المطار


طلعنا من المطار في اتجاه المكتب عشان أدفع فلوسه وآخذ الحجوزات


أبهرتنا الطبيعة رغم اننا مرهقين ..كنا أرهق شي


طبعا أخذت من المطار بطاقة فودافون


مرينا من عند هالمطعم وسالت السواق قلت اذا هو يسوي جباتي
نزلت لمه وكان مطعم مقبول جدا ووصفت له وقال فيه بـ 10 روبية ... صلحهن وجابهن للسيارة بس ماش مهيب مثل اللي أنا أبي ..مهوب شي عند جباتي خميس مشيط


وصلنا فندق باي تاج في كوتشين وكان حجزنا فيه ليلتين
هذا موقع الفندق
وأعطيه 9من 10 جميل جدا وراقي ونظيف وأمينين وسالفة الأمانة تبي تجي عقب .. وإطلالته على بحيرة مع انه تحس انه صغير مهوب كبير مدري هو يورى لي أو يورى لي

هذا موقع الفندق على النت
http://www.vivantabytaj.com/malabar-.../overview.html

صور منه بعد الوصول وبعد أن مريت المكتب وأخذت الحجوزات

في الإستقبال أول ماوصلنا


قدموا لنا أيس كريم للصغار ..تصدقون حاكين بوه حبحر ؟
وأيضا وزعوا على الصغار مظلات ...المظلات هناك شي أساسي عندهم ماتدري إلا هي ممطرة عليك وأيضا عن الشمس اذا كان مافيه غيوم


وقدموا لنا عصير الضيافة وكان لذيذ


أبرجع ان شاء الله انتظرونا

[center][color="Black"]طلعنا للغرف ...وعطونا غرفتين متجاورات
غرف حلوة مطلة على البحيرة


الحلوين الله يصلحهم ويخليهم لي ..وخطوات الإستكشاف للغرفة



طالعن على أبوك ياصلوح بالتصوير الفنفاني


يقولون هنك تفتح الدريشة ترى الباعوض يبي يدخل


غرفة الحلوين


قامت الموظفة بفتح الدرج وقالت هذي الإتجاهات وهذا اتجاه القبلة
بسم الله وش دراه اننا مسلمين ؟


باحة الفندق


وأمطرت ..المطر باي وقت ويجي تسذا لا احم ولادستور وبدون لابرق لارعد
ياسبحان الله


السخان الكهربائي من أهم الأشياء اللي تاخذه معك
قهوتنا الأولى في كيرلا على النار بعد مشوار




طلعت مع السواق نبي نشري بعض الأشياء من البقالة قال قريب عشر دقايق ...
ماكان معنا إلا هالشريحة والثانية كانت بكيس ..جوال المرة ماكان معمم ...تخيل تطلع على ان مشوارك فقط 5 دقايق ولاترجع إلا بعد ساعتين ونصف ولا بينك وبين عيالك أي وسيلة اتصال


كانت ليلة مزعجة بالنسبة لهم ولي
لما شرينا من البقالة المتواضعة
على فكرة أي مدينة غير كوتشين بقالاتها أحسن من بقالات كوتشين هذا للي أنا واجهت
وفي طريق الرجعة وأنا مع السواق بعد مشوار الساعتين ونصف وكان المطر ينزل بغزارة ..شفت لوحة دومينوز بيتزا ..قلت للسواق وقف وقف ..نزلت أنا واياه قلت تمام أول ليلة وعشانا من دومينوز وناسة
طلبت بيتزا من ضمنها بيبروني .. قال لي المحاسب ترى البيبروني لحم خنزير
قلت نو نو بليس نو يارباااااااااااااه
[b][font="Arial"][size="4"] أنا ممكن أكل هزا بورك بعدين أعععععععع في همام

[center][color="Black"]ليلة البارح كنت قد خيرتهم بين خيارين
باتسر تبون الملاهي أو شلالات اثيرلالي ؟
قالوا الشلال... قلت أشوى ..قصدي زين .. الشلالات تبعد عن كوتشين تقريبا 50 كلم لكن تحتاج لـ مايقارب من ساعة ونصف أو ساعتين للوصول إليها
تدخل في طريق ضيق متعرج بين المزارع وفيه من الحفر مافيه ...
صور الروحة لـ الشلالات ...صورة قريبة من فندقنا



تمثال


العسكري مثل عندنا قديما يوقف بالوسط ..مافيه اشارات




وتفاديا للأمطار والبلل مرينا محل وشرينا للشباب ملابس واقية عن المطر ويسمونها رين كوت


وفعلا أنطرت ...قصدي أمطرت


[b][font="Arial"][size="4"] شوفوا وش لون غزير ...آهـ ياكيرلا .. في هذه اللحظة أنا أريدكي

ساعتي التي بعثت فيها الحياة من جديد بعد أن كانت حبيسة الأدراج سنوات
بالمناسبة ...الآيفون عليه حركة عجيبة رهيبة ..أول مايلقط أنترنت ..يضبط ساعته على التوقيت المحلي


الحجوزات وسند الدفع للمكتب ..كل ماتروح فندق فقط تعطيهم الفاوتشر وخلاص كل شي مرتب


بالمناسبة ... لما تروح كيرلا أنصحك بلبس صندل مثل هذا أو شبشب لأن الجزمة تبي تربص من الأمطار


من نافذة الغرفة


وثاني صباح كنا نتجهز لمغادرة كوتشين إلى مونار نزل وصار صلوح ياخذ صور للفندق




الورد قميل قميل الورد


ديكور الفندق


وأهدونا هالبهارات

[center][color="Black"]نواصل معكم الصور والآن سنتوجه صباحا اليوم الثاني من كوتشين Kochi إلى مونار Munnar
ماهي مونار ؟
مونار هي منطقة مرتفعة باردة بالنسبة لبقية مناطق كيرلا ..وهي منطقة مزارع الشاي هناك طبيعة أكثر منها شي آخر ... تشاهد الجبال والخضرة مد النظر ...والسدود والبحيرات ...وبعض من المنتجعات السياحية والتي تتدرج من 5 نجوم لـ 3 نجوم لـ شهاب ونيزك
تصلح كثيرا للي يحب البراد ... ماراح يمل الجلوس فيها ... وعشان الواحد يكون دقيق وطحين بر
منطقة المنتجعات تبعد عن مونار تقريبا 20 كلم وهي بالتحديد في منطقة اسمها ...والله اني كاتب الإسم بس مدري وين راح دقيقة أدوره
...مالقيته ...معي علم اني أبلقاه بعدين ...وإن لقيته أبجي أعدل الموضوع
[b][font="Arial"][size="4"] ياربي بس ...وين راحت أنا كاتبه

[center][color="Black"]وقدم لنا الأناناس بس رفضنا


وهذا محله.. لاحظ وش لون تقطيع المانجو .. يتفننون به


أنواع عديدة من الشجر بمنطقة وحدة


وصلنا مونار ... وقلت للسواق تراه باقي تقريبا 20 كلم .. وسال وصار صحيح ..وهذي فايدة ان الواحد يقرأ ويقرأ ويقرأ قبل يتجه للوجهة الجديدة
بدينا نشوف أشجار الشاي ..اللي نشوفه بالدعايات






ووصلنا بهالوقت


ما أجمل هذه المناظر




الطريق هنا طلوع


أبزعجكم بالصور بس سامحونن




وقت وصولنا للمنتجع


المنتجع اللي سكناه هو منتجع Mountain club
http://mountainclub.co.in/gallery.html
وهو عبارة عن أكواخ ...نظام أكواخ وكل كوخ مزود بمدفئة ...والأكواخ بعضها يجي دورين بغرفتين ودورتي مياه وشي دور واحد بغرفة

وصالة صغيرة فيها جلسة التلفزيون ... طبعا في هالمنتجع وفي مونار تبي تلاحظ انقطاع الكهرباء بكثرة بس مايطول بالكثير 3 دقايق وهو راجع كما أن المنطقة باردة مافيه تكييف للتبريد يعني مافيه مشكلة
وعلى فكرة تراه مهيب باردة مثل أبها لا .. أقل برودة .. قصدي أكثر برودة ..والله الورطة ..هالحين يقال له أقل أو أكثر برودة ؟
المهم ان أبها باردة أكثر من مونار ..وبس الحمد لله وصلت المعلومة
[b][font="Arial"][size="4"] هي باردة بس أشوى شوي من أبها ..

في الطريق لمنتجعنا تمر على شلال رائع وقريب من المنتجع جدا
هذا اسمه ..وتشاهد المسافة لتيكدي وهي الولاية التالية لرحلتنا


هذا الشلال... يازين صوت الماء ... اللي ماعمره استمع لصوت شلال لايفوت الفرصة
أو يعدل ماصورة الخزان على الحوش ويفرش فرشته ويتجي عند المصب ووشو له الخساير


السواق يعبي ماء بقنينته الخاصة ..قنينة الماء اللي عندنا بريالين عندهم بريالين ونصف




ماء صالح للشرب غير ملوث ..هذا اللي فهمت من اللوحة ..مع ان قنينة السواق كان ماها مهوب صافي


يبيعون ذرة واللي على اليمين السواق سمير ..سواقنا


مرينا من عند مدرسة وهالطالب انزعج من التصوير بحركة حلوة


منظر روعة


وهنا نتوقف وستكون الصور التالية خاصة بزيارة متحف الشاي في مونار

[center][color="Black"]وهنا تذكرة دخولنا


هالمنظر من دريشة المصنع


طلعنا الدور الثاني وفيه حاويات الشاهي ..وجلس واحد يشرح لما بالإنجليزي بأكسنت هندي تعبان وكنت أهز راسي وأستغرب قال ولدي صالح يوم شاف وجهي تسذا .. يبه وش يقول ..قلت يقول شي بس وشو ما أدري




ودحوم حبيب قلبي


نزلنا تحت نكمل الزيارة ..من هنا ينزل الشاي ويفرم على ثلاث مراحل كل مرحلة أنعم من اللي قبله


هذي أول مرحلة وتلاحظون انه مهوب ناعم


منب متأكد هذي الأخيرة أو لا بس لاحظوا ناعم


وعلى سير يمر على مكينة حرق ويطلع بهالشكل


وتشوف هنا جنبك متجرهم ويقولون عندهم زعفران نقي مية بالمية


نرجع للمكينة اللي تطحن الشاي
فيه طحن ناعم وهذا عشان شاي الأكياس مثل هذا


وفيه طحن خشن وهذا عشان التلقيمة مثل هذا


نطمر هالحين لم المعرض حقهم


[b][font="Arial"][size="4"] وهذي شواهيهم وفيها نكهات كثيرة منها الليمون والهيل والزنجبيل والمسالا ..والمسالا يعني مثل ماتقول مخلوط كل شي ..وهو أزينهن نكهة بالنسبة لنا ..واللي بعلبة هذا شاي سليماني والطويل يقولون انه شاي مخصص عشان تحط معه حليب ولو ماحطيت معه حليب يصير سم

[center][color="Black"][b]حان الوداع يامونار ...وفي مونار ودعنا أيضا آيبود الولد ..حيث انه ضاع هناك


مداعبة لدحوم من الحارس


المسافة مابين مونار وتيكدي هي 106 كم تقريبا لكن مع الطريق الثاني اللي من عند شيناكنال أقل ...اللوحة فوق موجودة
وهذي صورة لخارطة الطريق بس ترى هذي من مونار لمنطقة تيكدي وليست من شيناكنال لتيكدي ولو أن الفرق مهوب واجد



ساعة تحركنا


مابين مونار وتيكدي






لما تكون مجموعة السفر كبيرة ..يعني عوايل كثيرة ..ياخذون مثل هالسيارة وي تأخذ أعتقد 13 راكب


[font="Arial"][size="4"] المسافة المتبقية إلى تيكدي ..الصورة أخذته بسرعة ..على فكرة ..بالطرق بين الولايات الهندية شي غريب ..تمشي وتحس انك ماتمشي ..تخيل ان طفل راكب سيارة يعني لعبة ويمشي وأنت تسحب من تحته الفرشة ..نفس الشعور ..تمشي بس بمكانك

الفاكهة ... الحمد لله متوفرة ولذيذة


على فكرة ..في مونار وفي تيكدي خصوصا .. ماتلاقي أكياس بلاستيك
أيضا ... في أحد التموينات لقينا لافتة مكتوب ممنوع الأكياس البلاستيك ...بدالها يستخدون أكياس من ورق ...جدا أنيقة وعملية


عشان الباعوض ..لواصق


في تيكدي وفي كوتايام أفضل ماشفت من السوبرماركتات عكس ماسمعت بأنه لايوجد سوبرماركتات تبيع شوكولاتات معروفة
هذي من بقالة تبيع منتجات كادبوري ونستلة وأيضا العلبة اللي تشوفون هذي جبنة شيدار ..مثل كرافت والمراعي ولذيذة جدا وسعرها مقبول ..عاد سألت قلت لايكون جبن خنزير قال لالا
يوم فكرت ..اصلا وش لون تجي جبن خنزير .. بس يقال لي من زود الحرص


الفطور وطبعا مجاني مثل أي منتجع نروح له ...قال أسوي لكم بان كيك
قلت سو لنا


فطورنا


هذا المنظر يمينك


رحت جبت اللابتوب عند المطعم عشان اصير قريب من اشارة الواي فاي ..وفتحت على موضوع الغالي جسران عشان اشوف وين ممكن نروح في تيكدي ...
لكن مافتئ ولابرح أن طفى من روحه قبل أشوف شي ..مدري وش جاه


هذي الفاكهة عجيبة واسمه جاك فروت .. يبي يجي له صور زود وطعمه شي


شجرة القهوة الكونجولية ..تراه دقاقة انتبهوا له يمكن ماتشاف بسهولة


اللوحة اللي فوق خط الطول وخط العرض والإرتفاع عن مستوى سطح البحر
واللي تحت درجات الحرارة العظمى والصغرى ومقياس الأمطار
بس أعتقد ان المعلومات اللي تحت مهيب تحدث بشكل يومي لأني شفته بيومين من دون ماتتغير
أو يمكن كانت نفس البيانات ومسحوه وكتبوه من جديد ..يصير


محمية بيريار Periyar Tiger reserve
وهي قريبة جدا من المنتجع ومن المنطقة عموما ... محمية تدخلها برسم مادي ومهتمين فيها جدا داخلها تبي تشوف لوحات مكتوب فيها ممنوع استخدام المنبه ممنوع اطعام الحيوانات حافظ على البيئة انتبه لساهر


تذكرة الدخول


المكان جميل جدا..وماتوصل هنا إلا لما تمشي بالسيارة مسافة تقريبا 4 كم وبعدها تمشي رجلية تقريبا 200 م أو أقل ..عشان توصل لمكان ركوب البوت
... لما نزلنا كنا منزلين معنا ترامس الشاي والقهوة قالوا لنا ناس من العامة ..لاتاخذونهن ترى القرود ييزعجنكم ...وفعلا هالشي مجربينه في شلالات اثيربالي ...رجعناهن للسيارة ...




شوفوا هالشجرة اللي يسار


وكنا نسمع جلبة ...حلوة جلبة ...ونمشي شوي شوي ونصور ...ويوم شفت أثر ورانا جروب هنود


بالزوم ويوم قربت الزوم سمعتهم يقولون
देखें क्या इस सुंदर वन है क्या आपको लगता है कि हम वापस एक दिन, मेरे दोस्त यह करने के लिए आ जाएगा


وبعدين تعدوووونا


في كيرلا تبي تشوف نوعين من القردة ...الأشهب ..وقد قال له واحد هندي يا اشهبي .. هالنوع مزعج ويتحرش بك لما يشوفك شايل شي ..يعتقد بأنه طعام ...وممكن يخرش البزارين ..وممكن ياخذ منك شنطتك لو به جوازاتك أو فلوسك فانتبه منه
النوع الثاني أسود ..هذا هادي جدا ومسالم وفوق الشجر دايم ...فوق النخل فوووووووق


ساعد في الحفاظ على الطبيعة ..أغدي ترجمتي صح

[center][color="Black"][b][font="Arial"][size="4"]هاوس بوت آخر ولاحظوا الماطور ...يستخدمونه للكهرب

نكمل جولتنا على الهاوس بوت في آلبي




هنا يشتغلون بالبوت يركبون له خوص


وهذا مصنع TATA للزوارق


أمراض بلهارسيا فيروسات مايكروبات... الغريب بالأمر انه أخذ منه بفمه شوي ..


يستخدمون النهر لغسل الملابس والمواعين وكل شي


قهوتنا وشاهينا على الهاوس بوت وفوق بالدور الثاني وناسة وبرادات


البيوت هنا قديمة ووضعها مأساوي .. لكن ممكن تلاقي شي حلو


متجمعات هنيا


مزارع الأرز


بالمناسبة .. على البوت أول ماتبدأ الرحلة يسألك الطاهي يقول غدانا برياني دجاج وسمك
إذا تبي شي زود لازم تقول لنا عشان نمر نشريه على دربنا
يعني اذا بغيت أي نوع غيرهن زود
قلت لا أبد مناسب وقال متى تبيه وعطيته الوقت ..الصراحة كان الطاقم جدا جدا محترمين


يفرفشن




هذي غرفة النوم


أعزكم الله دورة المياه وتشوفون وش لون هي نظيفة وجميلة




المروش

الجزء العلوي من الهاوس بوت من الخوص والسفلي من الخشب




معي علم اني كثرت عليكم صور النهر والهوس بوتات بس تحملونا






يوفر الهاوس بوت كيرم مجانا لكن عيبه انه 8 جيجا فقط


دحوم نازل من المطل


ياسوااااااق




متعطل وسحبوه أمن النهر


وش رايكم بهالبانورامية
http://vsoh.com/a1annno.jpg/

كيف هالنهر شال هالصبات !


نزلت للنهر تسبع الحلوة رفقا بالبشر هااا يابنت حوى






رششش


نشرررر


مزارع الأرز




الظاهر انهم يجمعون ماء بالتبخر


تايتنكنا

[center][color="Black"][b]نكمل معكم


البوت دق اشارة يمين وهدى السرعة وسفط على جال النهر وطفى الموتر ..يوم درينا قال يالله وقت الغداء
لا هو قال لنا بالأول ترى وقت الغداء قرب همن هدى السرعى وسفط على جال النهر وطفى الموتر
[font="Arial"][size="4"] أو هو العكس ..مدري ... شكله العكس دق البوت اشارة يمين وهدى السرعة

وين النباطة ؟


ونزلت عائلة هندية للشاطيء يوم حنا طلعنا فوق


المسبح


المطعم








وهالوردة الجميلة لكم عشان متابعتكم للتقرير


رحنا من باتسر نشوف العاصمة تروفندرام ونتسوق ...شوي ... شوفوا كيف الوضع بالشارع ... ماتقول هالولاية فيها هالزبايل وهالمنتجعات








وأثر دحوم يموووون ؟


وجااااااااااااكم الثاني !


هذي فاكهة الجاك فروت


وهذا شي مثل القواقع يبيعونه بس مدري وشو .. سالته يقول يفك ويوكل اللي بوسطه


قرب الصورة شوي


وبعد شوي
أكرم الله النعمة كأنه صوارير

الحمدلله على السلامه اخوي سفرون

ماشاء الله تبارك الله تقرير كامل مكمل من جميع النواحي

ابعدعت واتعبت من بعدك يعطيك الف عافيه

ماشاءالله تقرير ومعلومات قيمه ومفيده

وسبحان الله عالطبيعه خلابه ومناظر تشرح القلب

وانا حفظت الصفحه عندي لان في مناظق

ومنتجعات ممكن استفيد منها ان شاءالله

لسنه اليايه اسافر كيرالا اذا االله كتب النصيب لاني اعشق طبيعه الهند وجوها

بس فعلا المكان والطبيعه والجو والامطار انا اعشق الطبيعه واجوائها وتصويرك لايعلى عليه ماشاءالله

ويحليله دحوم وهو رايح وجاي نايم الله يحفظه يارب

بس ممكن لو ماعليك امر هل تتعامل مع سائق خاص متعودين عليه او تتفقون مع اصحاب المكاتب السياحه؟؟؟

وتسلم اخوي عالتقرير الرائع الله يعطيك العافيه

تقرير رااائع ماشاء الله تبارك الله ومجهود تشكر عليه والله يخلي لك الاشبال وامهم وتعودونها كل سنه بالصحه والعافيه يارب

تقرير رائع عن كيرلا واهم مافيها
طبعا انا فهمت كل المصطلحات التي تم طرحها في التقرير وكانت رهيبه
اعجبتني الصور كثيرا
كيرلا تستحق الزيارة ولكن لاتتعدى 14 يوم
وعلى فكرة شاطيء كمبسكي فيه ثعابين لكن اشوفك ماذكرت شي
عموما هي ثعابين حدائق ( قاردن سنيك ) يعني مافي مشكل رفيق
شكرا لك

اخيرا وبعد انتظار طويل للتقرير اللى وعدتنا فيه من قبل لاتسافر , ا
ظهر التقرير بمستوى لائق ومتميز علما انى لم اكمله حتى الان ولكن بداياته تشهد بذلك
لقد احسست بالحسرات على تلك الاماكن الخضراء الجميله وانا اشاهد الصور ورجعت بنا الى مامضى من ايام حلوه مرت سريعا.
واحلى الصور كانت فى منطقة اثربالى ,حيث يبدو منتجع رين فورست من بعيد وسط ابخرة مياه الشلالات وكنا قد قضينا به ليلتين - اذا كتب الله لك سفره اخرى للهند فلا يفوتك السكن فيه ولو لليله واحده -
الله يحفظ لك الاولاد وامهم , والله يسعدك مثل مااسعدتنا بتقريرك.

المشاركة الأصلية كتبت بواسطة munnar..
http://www.arabtravelersforum.com/tr...4/#post6139814

اخي الكريم saffron ..رحله من الابداع وصور اروع مما قد ترتقي له الكلمات .. افتقدنا خفة دمك وروحك المرحه لتعود متدفقة بين ثنايا سطورك بحضور مبهج من الاشبال ربي يصلحهم ويخليهم ويبارك لك فيهم ووالدتهم ومن تحب .. تشرفنا بمعرفة افراد الرحله والي يحملون نفس الجينات الخفيفه المرحه ..

كاننا نسينا مسألة الكراتين وكأنك رجعت تذكرنا بها وكم كانت سببا في رسم البسمه على شفاهنا


بارك ربي بجهدك الواضح وامتعتنا جدااا وتقبل تحياتي ووصلها للمبدع صلوح صاحب الرؤية الفنيه .



أخت الجميع المتفانية في خدمتهم .. munnar
هذا التقرير اللي تشوفين نطحتس

المشاركة الأصلية كتبت بواسطة مسافره 27
http://www.arabtravelersforum.com/tr...4/#post6139934

تقرير رااائع ماشاء الله تبارك الله ومجهود تشكر عليه والله يخلي لك الاشبال وامهم وتعودونها كل سنه بالصحه والعافيه يارب



الف شكر ياوخستس مسافرة وماقصرتي
ماشفنا صور تقريركم ؟
شكري وتقديري

ماشألله تقرير ممتع وشيق

الله يحفظ لك الأشبال ويصلحهم

ممكن تصنيف الفنادق اللي سكنت به ؟

جزاك الله خير

تقرير من أجمل ما قرأت


اسلوب متسلسل ....۔
.......۔ فكاهة حاضرة ...۔
صور ذات جودة رائعة
و ما زاد في رونقها هو تعليقك عليها
....................۔


تدري تعبت من كثر ما اقرى التعليقات و اناظر للصورة للي تحتها

و بعض الأحيان اغلط و احسبن التعليق للصورة اللي فوقها


و حفظ الله لك أبنائك و والدتهم
و حفظك الله لأبنائك و زوجك ،،،،،،،,

تقرير رائع بروووووووعتك
هولمز

يعطيك العافيه أخ سافرون تقرير ابداع هل من الممكن ان تضع في جدول تكلفة الرحلة من تذاكر وسكن

شكرا لكم جميعا
وأعتذر عن التأخر بالتفاعل مع ردودكم ولي عودة بإذن الله
شكري وتقديري لكم فردا فردا

موضووووع جدا جدا شيق وحلو
شوقتني ياخوي
بس ابي مساعدتك برقم السواق والمكتب اللي حجزت عن طريقه وكم كلفتك الرحله
لاني مسافر باذن الله الاسبوع الجاي لمده 15 يوم
واليوم بحجز الطيران والتاشيره يومين وتخلص باذن الله
باقي الفنادق ماحجزتها
وابي مساعدتك وباين انك فاهم
ولايهونون الاخوان يساعدوني

تقرير ممتاز والحمد لله على السلامهبس ماقلت كم كانت تكاليف الرحله

ما احلاها من ذككرى ليالي كيرلا .. اتمنى اروح لها ثانيه

موضوع مميز شكرا

ابداع في ابداع يا الغالي بجد تقرير مميز

هلا والله اخوي اشكرك على التقرير الرائع

بالنسبة لكيرلا هل تنصحني فيها
وكم تكفي ميزانية لمدة10 ايام
لشخصين
وش الاماكن في كيرلا اللي تستحق الزيارة
واسعار المنتجعات في فترة الصيف بحدود كم؟

تحياتي لك

تسلم لنا ياغالي تقرير احلى من الحلى ولاتعبت يالعزوه .. حمداً لله على سلامتكم والله يصلح لك الابطااال ويرزقك برهم .. رائع رائع

تقرير مميز ورائع جدا الله يعطيك الف عافيه

بس ياليت تزودنا بارقام للتواصل مع المكتب الي حجزت منه ولو على الخاص

بانتظارك اخي الكريم

ما قصرت بارك الله فيك وجعل ما عملته في موازين اعمالك