الموضوع: الدخون ابراج زمزم

السلام عليكم

اخواني بغيت اسألكم

انا ناويه اخذ معي كالعاده الفحم + الولاعه+الدخون

متعودين على ريحته فالبيت وما نقدر نستغنى عنه في تبخير الغرف ( نحن ما نتبخر بحكم الصلاه والزحمه الا زوجي )

بس الغرف لازم

فهل فالتفتيش بياخذونها عنا ولا عادي؟

مواضيع عشوائيه ممكن تكون تعجبك اخترناها لك:

• شرطة ينبع الصناعية تستقبل الطلاب بالورود
• أبحث عن شقة مفروشة في جدة لمدة سنة
• وين افضل فندق يقدم بوفية سحور بمكة
• اريد سكن في برج الصفوة
• دارالغفران اوالمروة روتانا مهم
• يا اهل جده كم تبعد جنقل لاند عن كورنيش شمال جده
• البدء في إنشاء جسرين معلقين لربط قطار الحرمين بمحطة السليمانية
• اهل هونج كونج ومكاااو اقربوا سمحتوا
• من يدلني على طبيبة
• عدنا لكم يازوار الحرمين
• المطاعم البحرية في جدة
• فندق موفنبيك ينبع
• الشرافة
• شارك برايك في ملف المطاعم
• موظفة جديدة و محتاجة مساعدة
• قصتي مع مطعم كفريل
• ما هو أفضل منتزه وملاهي في جدة ؟ الجزء الأول نتائج الإستطلاع
• سؤالي حول فعاليات مهرجان الطائف
• اسغار فندق دار التوحيد
• مكة نصائح وتجارب

الرجاء الرد باسرع وقت لان يوم السبت بنكون في مكه ان شاء الله

اذا كان تقصدين تفتيش المطار وحطيت هالاغراض في الشنطه اللي بتحطوها للشحن فالمطارات عادي تسمح بمرورها
ولكن اذا حملتيها في شنطة اليد فاعتقد انه ممنوع

اما اذا كان قصدك تفتيش الفندق فلا اتوقع ايضا يمنع دخول البخور والفحم

مشكور اخوي القاهر\


انا اقصد دخول الفندق لانهم يفتشون الشنط

اعتقد ممنوع في الفنادق لانها مزوده باجهزة انذار للحرائق
بمجرد انه رح يكون في دخان رح يشتغل الجهاز

يالله بالستر يا نوف غرفه مدخنين مره وحده ههههه

لا نحن نحب ريحه البخور الهاديه ومب شرط يطلع دخانه وايد

والله ما اقدر افيدك اختي لاني الى الان ما سكنت فيه ..
بس اعتقد لو تأخذين البخور معك لحظة دخولك الفندق .. ماراح يقولون شيء
والولاعة والفحم سريع الاشتعال تقدرين تأخذينهم من بن داود بعد ما تسكونون ..
بكذا تكون انحلت مشكلتك ..

الله يسهل عمرتكم ويتقبلها ..
و ييسر أمرنا و أمركم ..


.

الغالية

احنا نفسك لازم نحط دخون بس في السفر

ناخذ معانا عطر للسجاد والملاحف

والفواحة بعطر زيتي متمييز نحبة يعني حتى دهن العود انا احطة في الواحة مع تخفيف بسيط بالماي

وعمرة مقبولة ان شاء الله ولاتنسونا من صالح دعائكم

مشكوره اختي

رايج هم حلو تسلمين

وان شاء الله بندعي لكل المسلمين

لا اختي مافيها مشاكل .. لا من الفندق ولا المطار .. حتى استخدامك لها داخل الفندق مافيها مخالفة


ورحلة موفقة ان شاءالله

حطى قصدير على الجهاز

أنا قد استخدمت في فندق زمزم المبخرة الكهربائية أكثر من مرة وعادي مارنت أجهزة الحريق

المبخرة اللي تنشبك بالكهرب يعني ماتحتاجين فيها فحم