زيارة امستردام في ثمان ساعات

**ahmed1** · 01-15-2015, 03:48 PM

تحية طيبة للجميع ..

لا هنتوا يالخبراء حبيت أستفسر عن امستردام

هل تكفيها ثمان ساعات زيارة أولا ..

لأني ناوي أخت لها من لندن وارجع في نفس اليوم ..

أتمنى أحد يفيدني عشان أتحمس لها أولا ..

وتقبلوا خالص تحياتي ..

مواضيع عشوائيه ممكن تكون تعجبك اخترناها لك:

**ahmedgaper** · 01-15-2015, 03:49 PM

يمال الجنة آخوي

ومشكور وماقصرت لكن الرحلة بتكون بالطيارة ..

وبيني وبينك تحسفت أحس إني صرت شبه للسمعه السيئة اللي تحظى بعض المناطق هناك ..

شاكر لك وتقبل تحياتي

**ahmed2** · 01-15-2015, 03:49 PM

امستردام من اجمل المدن الاوربية الي زرتها.....والاماكن السيئة السمعة متواجدة بكل دول اوروبا......وكل شخص وضميره روح امستردام واول ما توصل من المحطة الي بالمطار مباشرة خذ القطار على السنترال ستيشن واطلع من المحطة مشي وخذ طريجك طوالي للشارع الي بعد فندق فكتوريا المؤدي للدام سكوير (5-7) دقايق مشي وروح مكتب التورز اند تيكت رقمه 34 (في اكثر من مكتب منتشرين وحتى البقالات تبيع لهم )بس التجمع عند مكتب 34 وخذ لك الجولة المتوفرة الي تاخذك للطواحين ومصنع الجبن و قرية الصيادين مدة الرحلة تقريبا 4 ساعات ب 32 يورو اظن رحلة ولا أروع هذي الرحلة تطلع مرتين باليوم وارجع وخذ لك جولة بالقارب الزجاجي الي مقابل محطة السنترال ستيشن لمدة ساعة يفرك بالقنوات المائية الي بالمدينة او خل القارب قبل حسب توقيت رحلتك...واكل لك سندويتش فلافل او شوارمة من مطعم الفلافل المصري الي بنفس الشارع وانت راكب القطار راجع المطار راكب طيارتك راجع بيتك .....برنامج ولا اروع.....اشرايك ؟؟؟؟؟بس ابتعد عن المناطق المشبوهه من يظلم الوقت

**ahmed1** · 01-15-2015, 03:49 PM

غطيطة

الله يعطيك العافية ,, ويمال الجنة ما قصرتي البرنامج حلو ومناسب لرحلة يوم واحد ..

لك كل الشكر ..

**ahmed1** · 01-15-2015, 03:49 PM

صدقني ما راح تندم على رحلة الطواحين ومصنع الجبن وقرية الصيادين الي ياخذونك منها بالفيري لمصنع الاحذية.....واااااااااااااااايد حلوة هالرحلة ...لكن الرجاء الالتزام بالوقت الي يعطيكم اياه المرشد لا تتوهق وتتأخر وتروح عليك رحلة الطيارة......ترى مواعيدهم دقيقة جدا...آنه تأخرت في قرية الصيادين كنت آكل فش اند تشيبس لمدة 5 دقايق الا الفيري ماشي عني اضطريت آخذ الفيري الي بعده (يعطونك تذاكر الفيري من تركب الباص عند المكتب) التذكرة شامله سعر التور...وتأخرت على القروب ليما وصلت الضفة الثانية وقعدت ادورهم وليما لقيت كانوا خلصوا جولة مصنع الاحذية بس اهم شي لقيتهم لأن الباص كان ينتظرنا على الضفة الثانية.....رحلة سعيده وأي استفسار آنا

حاضرة

**ahmedali** · 01-15-2015, 03:49 PM

المشاركة الأصلية كتبت بواسطة سيرفس15
http://www.arabtravelersforum.com/tr...8/#post4882296

يمال الجنة آخوي

ومشكور وماقصرت لكن الرحلة بتكون بالطيارة ..

وبيني وبينك تحسفت أحس إني صرت شبه للسمعه السيئة اللي تحظى بعض المناطق هناك ..

شاكر لك وتقبل تحياتي

أها أوكي كنت أعتقد أن وسيلة التنقل هى القطار

ما قصرت أختنا غطيطة بالمعلومات جزاها الله خير

أتمنى لك رحلة سعيدة