[font="fixedsys"]السلام عليكم ورحمه الله وبركاته
من لا يشكر الناس لا يشكر الله
حبيت اشكر منتدانا الاكثر من رائع على المعلومات القيمه اللي فيه واشكر كل الاعضاء اللي ساعدوني واللي ما ساعدوني بعد يكفي المواضيع والتقارير الحلوه
ابشركم الحمدلله رحلتنا كانت موفقه و كل شي زين وعلى وصف المنتدى وصلت كل مكان ابيه الحمدلله
بس حبيت احذركم خواني ان انصب علينا ب 500 يورو طبعا انا مادري بس كنا نتمشى انا مع زوجي بالرامبلا وشفت ناس متجمعين على واحد وقفت اشوف شسالفه ولا وحده تقولي انتي من وين بالانجليزي طبعا قلتلها من الكويت جان تقوولي اووو نايس تعالي مدام لعبي هاللعبه حلوه وايد والله العظيم مادري على نيتي رحت ولا واحد قاعد علاارض وعنده 3 علب صغار مربعه كبر مالت الجبريت و عنده كره صغيره يحطها تحت واحد من هالعلب ويخربطها وانت عاد تطلعها اول مارحت جان يتجمعون علي يقولولي عطينا 50 يورو انا بيني وبينكم خفت وعطيتهم ولا ادري شسالفه وكلما اقوله الكره هني يطلع غلط شكله ساحر او يجمر على عيونا لان اشوف الكره واثبتها ويطلع غلط و 50 ورا 50 لي ما صارو 500 و بعدها انحشت منهم وقالي زوجي ليش وقفتي هذا قمااار !!!!
والله العظيم ما ادري لا حول ولا قوه الا بالله
وبعدها ياتني وحده مغربيه قالتلي انتي لازم تروحين معاي حق الشرطه نعلم عليهم هذيلا نصابين دايما يسوون بالسواح جذي و فلوسهم مزوره و احنا بالطريج سألتها الشرطه مكانهم بعيد قالت لا بس احنا نمشي شوي شوي عشان يمكن احد قاعد يتبعنا وفي مره كبيره معاها قالتلي يا بنتي سيبج من المشاكل الفلوس تتعوض انا ولدي مات هني
و بعدها خفت قلت حق المغربيه خلاص مابي اروح اخاف يسوولنا مشاكل قالت لا لا تخافين بس مارحنا
و بعدها اكتشفت ان كل يوم يصيدون ناس و كل يوم اشوف ناس تتهاوش معاهم واهما عصابه اييهم واحد يخربط مادري شيقول يشيلون اغراضهم و يمشون اثاريهم بس تقرب الشرطه واحد يقولهم وينحاشون واكتشفت بعد ان المره اللي سولفت معاي اللي قالتلي انتي من وين معاها ريال ثاني اهما عصابه مع هذا اللي يبوق فلوس الناس لان كل يوم يوقفون معاه و يسوون روحهم يلعبون ويعطيهم فلوس اثاري السالفه كلها تمثيل ضرب تمثيل
حسبي الله عليهم
وحبيت احذركم من الطرارين خصوصا العرب اذا جوك ما يوخرون عنك الا لما تعطيهم ... وبيني وبينكم زوجي ما رضى يعطيهم و ندش محلات يقولنا الطرار انا استنيكم هني ما راح اروح !!! واخر شي زوجي صرخ عليه وراح
و وايد حراميه هناك يخرعون
بس منطقه تهبببببببببببل وايد وايد حلوه وايد استانسنا الحمدلله جوها سوقها شوارعها كلها حلوه
بس وايد عليها اسبوع 4 ايام كافي احس حسافه ماعرف انزل الصور ولا جان سويت تقرير حلو
وبسسس
اسفه على الاطاله
مشكوووووورين ما قصرتو خواني[/font]مواضيع عشوائيه ممكن تكون تعجبك اخترناها لك:
- يا اهل الخبره ببرشلونه لا تقصرون السفره قربت
- مسافر شهر سبتمبر الاخ عبدالمجيد الشاااب مطلوب فورا للمساعده
- اسفسار بسيط لخبراء اسبانيا
- الى خبراء برشلونة رايكم واقتراحاتكم مشكورين
- ومضة من برشلونة
- استفسار عن مستشفى العيون باركر أرجو مساعدتي
- هذا ما حصل لي بالتفصيل في السفارة الأسبانية ومفاجأت غير متوقعة انتبهوا
- رايحة اسبانيا قريب لكن؟؟
- نداء الى جميع المسافيرين
- ارجو مساعدتي في خطة رحلتي برشلونه ومدريد
- تقرير رحلة لبلاد الاندلس
- ارجوا المساعده منكم ولكم جزيل الشكر
- للي يعرف في سان سبيستيان لاني متورط
- دعواتي لكل من سيساعدني برشلونه
- مدريد وفالنسيا
- عندي كورس بمدريد
- استفسار بخصوص سياحة وحجز فندقى فى مدريد
- الحلم الذي أصبح حقيقةالاندلس
- فيزا استفسار
- اريد كل شيء عن طلب تاشيرة الي اسبانيا
رد مع اقتباس
المشاركة الأصلية كتبت بواسطة الليل و النهار
المفضلات